لا لا خرفان هالايام تسذا على بالهم كاشخين خن ادور خروف دلع
اذا احدن بيتبرعله يركبله تقويم ويتصدق علينا:icon20:
صباحكم مسائكم خروف وردي <<مسوي يعني انوثه
<<ناشبتن بحلووودزكم
والله انه صارلي منذ مبطي
وانا به شين يقرقع بخويطري بس اني متعيجزتن لكتبه
قلت خلن ابطحه دامني متفرغه
8
8
عليتس شطحات
الا صدز قبل لا ابدا اللي معرسه تطلع الا وبيجيها شين من اللي ماعرسن موب صاحي
اقول يا ام كنيد ورى بنتس ماعرست ليما الحين بها عيبن ولا شبلاها زابنتن عندكم مافارقتكم
والله وانا اختس انصحتس تزوجينها لو بنقالي اهم شين احدن يسترها ويكف شرحريم اخوانها بعد عيونكم ترى منتب دايمتلها
<<انا ادري ان كثير من بنات حواء يستنون الفارس ابو قرون يجي على الحمار يخمها ويحلمون بالعرس :icon20:
وانا اقولتس خلتس في بيت ابوتس وامتس ناشبتن بحلدوزهم ابركلتس من هم العرس
هو الصدز انه فاتني ونيت الزواج كانوا العرسان اول وش كثرهم كثر القملان اللي براسي بس مدري شبلاهم لامن شفوني معدن يرجعون
اذكر ادخل عليهم وانا مستحيتن وداهنتن كشيشتي بفكس ابو فاس <<قال متزينه
هما لاشافني الرجال قال لوخيي اجيكم بعد يومين همن معد يرجع
بس لامن قعدت نفسي اقول وش لي بغثا العرس
هما لاجا بكرا قام يقط علي من هالسب ويجرح مشاعري همن تضرب بقلبي لبا اهلي عصا امي ولا لسان هالتسلب
يالبيه يايمه لامن عصبت علي تقوم تلحقني بهالعصا ليمن اطلع من باب المطبخ وازبن ورى باب المجلس وتنسى لامن جيتها مرتن ثانيه قامت تلملمني وهي سادتن خشيمها خايفتن لا تجرحني
وتقول ريحتس خايسه :icon20:
وانا اقولكم لاتعرسن للاسباب التاليه<<مدري شحس به
اولا يمكن ربي يرزقني بطرطورن خروفن مقطع اربع همن يدبل تسبدي ويصير كما الذبانه يزن عند راسي
وابتلش به خبركم هالحين الخرفان واجد قلو الرياجيل
ثانيا وشلتس بالحموله وخوات الرجل اللي يجيبونلتس المر وامه مغير تلاسن معتس همن يصيرون ملاك وانت الغلط راكبتس
ناشبينن بحلدزتس وكارفينتس كرف الحمير بالمطبخ
خن فبيت امي متبطحتن فبيت امي تقل نفاس <<على قولت اميتي
شطحه
الا على طاري هالنفاس هب يالفلوس هاللي يحصلونها من ورى هاالولايد <<ابتس حتى النفاس ماخليتيها بحالها
واللي يزيدتس غبن كلها تروح بهالورعان كنت اقول ورى الورع ليمن جى ورى يربطونه بخرقتن عليها حبال ليمن يصير ازرق ويقعد يراغي همن يحسبون ان فبطنه غازات :icon20:
كله علشان كل م شافه يدس بوسط هالخرق اللي فاعصته قروش
نعود لموضوعنا
ثالث شي لاخذتي لتس سعودي قام يتعنفق عليتس وشهالركب السود دوريلتس شين يبيضها المشكله انه كله ركبه :icon20:
وركبته تجيتس مشهبه ولامن دهنها صار بيضاء من الشهاب <<مصدز عمره انها بيضه ولا ليمن سمنتي قالتس يهالدبه وليمن نحفتي قالتس يالعصله المصلا ورى ماتسمنين
وهو كريشته متفلطحتن قدامه يالله سترك
ولامن تشكيتي لهلتس قالولتس هماه مايسكر ومايسربت بنصوص الليالي كلي تبن وحبي يدتس مقلوبه
ولا لاجاتس راعي سفرات ويلعب عليتس انا رايحن للبر مع اخوياي وهو رايح مسربت لا وجايبلتس هديه معه مشاءالله البر صايرن به هدايا بر جنيف متحضر
شطحتن قويه
عجوز ركبت مع ليموزين سواقه سعودي وكل شوي تعطيه حبة فول سوداني
الييييين شبع .. قال لها ، ماشاء الله منين جايبه هالفول السوداني الطيب ياخاله
قالت : أبد والله قاعده أمصمص سنكرس وضروسي ماتقوى الفول السوداني:icon20:
<<ياشينتس انتي وشطحاتس
نرجع لموضوعنا
عزيزتي حواء هل تعلمين ان العانس اكوس وحده بالعالم
اذا منتب مصدقتن كلامي
روحي قسم الاسريه اتحداتس تمر صفحه مابه وحدتن تشكى من رجلها<<بتكفخ
خلتس عند اميمتس متى مابغيتي تطلعين اطلعي صحيح ان بتجي عليها حالات تعيي بس هلي هالدميعتين ومدي هالبراطم وبودونتس
هما لارحتي عند سبع البرومبا لو تبسين ومنا لبكرا مدرى عنتس
تدرين وشهو العرس
الله يسلمتس وحدتن ولدها مابه عقل ومسربت تب تزوجه عشان يعقل وتفتك من شره همن مابتلش به الا انتي
خلتس فبيت ابوتس زاعقي وناعقي وتعنفقي وخيسي وسوي اللي تبين محدن يقولتس شي
وشعارنا
العانس اسعد وحدتن بهالدنيا
وشلي برجلن يغثني ليمن اموت
بعدها بيومين ماخذن وحدتن ثانيه
8
8
يعني يمكن رجلتس يصير رجلي بعد مايذبحتس وهما لاذبحني خذاتس انتي الثانيه
<<ترفع فيكم ام كشه :icon20:
وبس كانت معكم المذيعه الاكوس وحده
كنيد ختم الله اهمد وخر عني <<يمديكم عالاسم :icon20:
يارب ما ينقل مويضيعي واذا بينقل يروح الاسريه مايشطحله مكانن ثاني <<احس اني مدري كيف ياشن بو تكرن ليمن تشرطوا
<<اللي بتلطش اي موضوع من مواضيعي تستأذن اول وتكتب اسمي واسم المنتدى<<من زين مواضيعتس يسرقونها
اللي ردها ثقيل طينه وبتقعد تقول كلام ماله داعي مستغنيه عن ردها
لباكم كوول ابوكم
انتظركم بتحليل الشخصيات <<ناشبتن بكم غصب تحللون <ابتس اثقلي <<ترى لكم سرويل خط البلده