السلام عليكم ياحلوات 🙋🏻♀️🙋🏻♀️
بقولكم على خلطه انا جربتها وما بكتب لكم شي الا اكون مجربته وشايفة نتيجته بنفسي 💪🏻💪🏻
المهم ي حلوات قبل سنه تهورت وسويت لشعري سحب لون 😭😩😩
ما اوصف لكم اللي صار بشعررري (( دمااااااااار شامل )) والله العظيم صار كانه مطاط ☹️☹️
بعدها بأسبوعين رحت قصيته وصبغت فوقه بني غامق وزاد دمار شعري ماتتخيلون صار جاااااااف جداً ومنتف وحالته حاله مو ذاك الشعر اللي كان طويل ولامع ويفتح النفس 😢😢
المهم بدأت جدول عناية لشعري اول شهرين زيوت فقط وحمام زيت فاشكول بالثوم مرررره ممتاز وتحسن شعري شيء بسيط بعدها رجعت للحنا 💪🏻💪🏻
والله ي بنات الحنا نعمه من ربي ولا الصبغات اللي تنتف ام الشعر
وطريقتي اعجن الحنا بماء البصل والثوم والشاي اغليها واعجن فيها الحنا واحط عليه علبه زبادي وزيت عافية وحبه بيضة 😍 والله ي بنات شي مرررررره خرافي شعري رجعت له الحيويه جلست سنه على هالخلطة احطها بالاسبوع مره
وحملت ولازلت مستمره عليها وتحسن شعري الحمد لله اكثر واكثر وجبت بنوته وبداء شعري يتساقط
المهم....
خذي فنجال شاي رز واغسليه تمااام وحطيه بقدر وقطعي معاه بصله بدون قشرها قطع صغيرة وحطيها مع الرز ومقدار كاسة كبيرة ماء مغلي وخليها تطبخ ربع ساااعة وبعدين قفلي النار لين يبرد وصفيها بمصفاه وعبي بخاخ وعلى فروة الراس 😍😍
تستخدميها 4 ايام ورى بعض وترتاحي يومين وهكذا والله ي بنات مالها ريحة ومفعوللها يجنننننن هاذا البخاخ اسميه البخاخ العجيب ي بنات وقف التساقط ورجعت لمعه شعري تااااخذ العقل ومع الاستمرار تزيد كثافة الشعر وتطوله 👌🏻👍🏻 وتشيل القشرة وتخفف من ظهور الشيب يعني فوائد الكل يتمناها وترى سهله واذا حطيتيها على شعرك مو شرط تتروشين كل يوم يعني يوم تروشي ويوم لا لأنها اساسا مافيها ريحة ابدا ومنقوع الرز والبصل الباقي خليه بالثلاجة واستخدميه يوميا لين تخلص الكميه وارتاحي يومين وارجعي سويها والله ي بنات بتدعون لي 👍🏻
جربوها واعطوني تجاربكم ي حلوات 🙋🏻♀️🙋🏻♀️💜🌸
دعواتكم لي 💜😇
ام وتين 🌸💜 @am_otyn_30
عضوة جديدة
يلزم عليك تسجيل الدخول أولًا لكتابة تعليق.
ورده الجوري
•
طرح رائع الله يسعدك ويوفقك..
طرح رائع الله يسعدك ويوفقك..طرح رائع الله يسعدك ويوفقك..
تسلمين حبيبتي 🥰
امين يارب ويسعدك ويوفقك
امين يارب ويسعدك ويوفقك
الصفحة الأخيرة