ايقنت البارح بخيانته واستهتاره لي الرجاء الدخول

ياللاسف عطيته كل ما يحلم فيه اي انسان طبيعي يخاف الله فيني هو ما يفوت فرض ابد ولكن الغالب بالبيت بس مصلي ويقراء القران اكتشفته يخوني على النت من بعد اول سنه زواج من اول ما امتلك لاب توب حملت ثاني سنه ولي 8سنوات وعندي طفلين ومن النوع اللي اهتم قايمه على كل امور بيتي ومدلعته بعد
اقدر اقول لكم ان ماله اي حجه يبرر فيها اللي سواه فجأه بعد 5 سنوات بالصدفه اخذت ميموري وركبتها على بالي صور لبنتي لكن انجنيت شفت مقاطع فاضحه وقلت ادب كأنه مراهق توه يشتغل غقلي واسترجع شريط حياتنا
ما كنت ازعجه واتركه براحته على النت وما توقعت بانه ممكن يخوني وبصراحه ما كنت اتخيل بان النت فيه اشياء كذا المهم بعد ماواجهته قال انه ماسكها مع طالب عنده وفيها 118 ملف خليع وهو نساها معه مشيتها بس حرصت اني ما امشي شي بعدها وفعلا يواصل احيانا على النت الى وقت الدوام ولما يرجع ينام المهم تعبت نفسيتي جدا وصرت ابحث وراه لا احد يلومني رجاء" حقي
المهم واكتشفت بانه يأخذ احيانا دش قبل الدوام ودلايل كثير واضحه هذا وقت حملي الثاني ومشاكل في الحمل بسبب نفسيتي وولادتي حدث ولا حرج بس ما بطلع من الموضوع رجعت للكمبيوتر وانا ما افهم كثير فيه بس خدمني حظي وقلت يا يحترق بيديني يا اعرف وش يسوي
طبعا لقيت بلاوي واللي قهرني منها انو مسجل بمسيار اون لاين وشرطه انها تحترم الزوجه الاولى وتقدر ان لها حقوق يعني شكله جاد الحمد لله انا واثقه من جمالي ونظافتي الشخصيه ودلعي واني ما ارده مهما كان بالعكس انا اللي لوفيه شكوى بشتكي من اشياء بخاطري
واجهته وكان قوي عين ويقول اني ما احصلك كل ما احتجتك وعذر اقبح من ذنب وطال الكلام وقصر وتسامحت وتجاهلت لاني احبه واعتبرها تضحيه علشان بيتي واطفالي ولانه طيب معاي
ومرت الايام ونادرا" ما احس براحه نفسيه ما ارتاح لبعض تصرفاته الين البارح كنا متزاعلين علشان العيال وانا حسسته بعدم احترام كلمته وطبعا هو كان رده كالعاده باي مشكله كبيره والا صغيره بروحك لاهلك ما ننفع لبعض مليت من هذا الاسلوب وانا متأكده انه يهدد ما يقدر يسويها وش بيقول المهم طلع وتاخر ارسلت له اعتذر واني ندمانه وعلى اساس اعاتبه على كلامه وامشيه كالعاده نمت وهو لسا ما رجع
رجع 1 وتركته طبعا"على النت حتى 3 وبعدين رحت توددت له ودخلته جو وقلت انا ابسألك ليش تخوني ترى جايتك علشان اشبع نفسي( طبعا" سويت كذا مكر مني علشان اقطع الشك باليقين تعبت من تصرفاته واهماله )والا انت مو مهم بس ما بروح للحرام مثلك قال متى خنتك الليله والا قبل قلت ارجوك ما تتعبني انا عارفه كل شي قالي الليله علشان اننا زعلانين ونمتي انا انهرت وعرفت بان مافيه فايده قلت لا تعتذر هذا طبعك وانت قلت لي قبل كذا بأنك تتابع دايم افلام من النوع هذا من قبل الزواج وما قدرت تتخلى عنه العيب فيك انت وبكيت ورحت لاطفالي وتركته وقررت بنفسي ان اهمله الى ان يتوب توبة"نصوحا واعامله بابو فلان واترك الدلع واسوي اكله وغسيله بس واعيش لعيالي حتى الاطفال اللي عندي كفايه بجد ما قدرت احكي لاحد غيركم وانا اعرف البعض يعاني اكثر مما انا اعاني
بس نفذ صبري وتعبت معاه بدون فايده واحس اني مع هالشي كبرت بالعمر سنوات كثييييييييييييره الله يفرج علينا.ياليت تفيدوني اللي بسويه صح واذا احد مر بشي مشابه تحكي لي كيف اتصرف؟دعواتكم