ايقنت ان النصيب بيد الله ادخلو اقروا قصتي مع النصابات خخخخ عفوا الخطابات

السلام عليكم ورحمه الله وبركاته

غثيتكم بمواضيع الزواج ادري

بس تحملوني المكان الي اخذ فيه راحتي بالكلام عالم حواء

غير مجتمعي الي ينقد على اتفه شي

طبعا انا بنت متعلمه وجميله ومن عائله محترمه الحمد الله

بس ما ادري النصيب مابعد جى

وانا ودي اتزوج كآي فتاه تحلم بالآستقرار وتكوين اسره سعيده وووووو..... الخ عاد فوائد الزواج لاتعد ولاتحصى

مهما الي حولي من المتزوجات يقولوا والله احسن لك بتندمي نتمنى نرجع عزابيات

مهما قريت بالمنتدى عن احوال المتزوجات

مازلت متمسكه بالزواج:icon30: مافيه مجال اغير الفكره

دايم اشوف الشي الآيجابي

وتمر السنين واختكم سن سن مافيه امل تنخطب:(

ولا احد دق بابي ااااه ياقراده الحظ

والا وتجيني صديقتي ام الخطط الجهنميه

تتصل وتقول ياسن سن جاك الفرج

انا مو فاهمه شي الصراحه

وقلتلها خير

قالت جبتلك الي بخليك تعرسين ان شاء الله

قلتلها قولي قسم وشوي واحب رجولها;)

قلتلها وش السالفه تكفين علميني واكسبي فيني اجر والله لا ادعيلك بكل وقت

قالت








































































انزلوا شوي لزوم الآكشن




















(الخطابات)

اناصارت عيوني كذا:icon32::icon810:

انا من يوم يومي اخاف من الخطابات واعرفهم كذابات وماهمهم الا القروش

وقاعده ساعه تقنع فيني

شوفي فلانه وعلانه ومدري مين وصديقتي

كلهم تزوجوا عن طريقتهم

والوقت يجري لو مالحقتي على نفسك

انا رعبتني هالجمله:eek:

تقول سباق مو عرس:3_10_6:

والله وصار واعطتني قائمه بآسمائهم

وقلت يلا هذا اخر الحلول نشوف وش يصير

واعطتني يمكن فوق العشر خطابات


وطبعا بدون علم امي اخاف تهاوشني وانا مو ناقصه الصراحه

والله حسيت بآمل وانه خلاص بعرس

ومافيه شي بعيد

اوقوم اتصل عالقائمه كلها ينقالي ذربه واسوي النعومه

اول حده ام عتريس هههههههه طبعا اسمها مو كذا بس انا اخترت هالآسم

قلتلها السلام عليكم كيفك يا ام فلانه

وتتكلم من طرف خشمها الحمد الله قلتلها انا كذا كذا واعطيتها مواصفاتي وعمري وكل شي

قالت الفتره الحاليه ماعندي احد لمن احد يجيني اكلمك

وثمن اتصلت على الثانيه وتنافخ من خشمها قلتلها هلا توني بقول ممكن ماخلتني اكمل الجمله مشغوله مشغوله يلا يلا

اتصلي وقت ثاني وماعندي عرسان :(

الصراحه تعبت نفسيتي

واتصلت عالثالثه اختكم في الله لا يآس مع الحياه:S_45:

وقعدت تقولي في مسيار ولامتزوج بو خمس بزران وكل الي جابتهم استغفر الله يسدوا النفس

يعني اصوم اصوم وافطر على بصله وانا وش ملحي وش زيني مافيه مثلي بهالدنيا

ولا الرابعه من اولها ادفعي مقدم وتضمني العريس

قلتلها شلون ولاشفت منك شي قالت لا اول ادفعي ودفعت وراحت نص فلوسي معها ولاشميت لا عريس ولابطيخ

وليومكم هذا وانا اكره شي اسمه خطابات

واتصلت على صديقتي وهزآتها مع انها المسكينه تبي مصلحتي

والله وتآكدت مهوب نافع لاخطابات ولا شي كلهم خرطي وهمهم الماده

سبحان الله كل الآبواب تتقفل في وجه الآنسان الا باب الله في اي وقت نحصله وايقنت ان الرزق بيد الله مهوب خطابه ولا شي

وتعلمت درس ان الخطابات ماعندهم ماعند جدتي

واخذوا القروش وفص ملح وداب على قوله اخواننا المصرين

الرزق الزواج السعاده تفريج الهموم كلها بيد واحد ماتنام عينه

ولو تجري جري الوحوش غير رزقك ماتحوش

وهذي خلاصه تجربتي مع الخطابات

واتمنى تستفيدوا منها

واخيرا وليس اخرا

ادعولي اعرس:icon28:

متمسكه بالموضوع لحد الان هههههه