ايميل من خطيبها هيفسخ الخطوبة

مشكلة واحده صاحبتى ليها مشكلة مع خطيبها

مشكلتها غريبه وهى مش عارفه تعمل فيها ايه ؟
هى مخطوبه من اسبوعين ، وخطيبها مهندس كمبيوتر

وصفها ليه انه: كريم ووسيم ومتدين وطيب وحنين وبيحبها ومتيسر ماديا وعنده شقه وعربية وشغل ثابت والاهم انه بيمووووت فيها

المشكلة انه مجنوووووون بالكمبيوتر والكمبيوتر كل حياته
واى حاجه يتكلم فيها لازم يدخل فيها الكمبيوتر

فى اول زياره بعد الخطوبة ، اصر انه يشوف الكمبيوتر بتاعها
هى شكت انه عايز يفتش فيه ، لكن الى حصل مكنتش عارفه تضحك ولا تتضايق

اول ما شغلت الكمبيوتر ... بص له بأشمئزاز وقال "أيه دا ؟ ... مين الى منزلك الويندوز دا ؟ وازاى مستحملاه ؟؟؟"
وطلع من شنطتة اسطوانه حطها فى الكمبيوتر وفى 5 دقايق كان عمل فورمات للويندوز وبدء ينزل ويندوز جديد !!!!!!!!! (وهى كانت مرقباه ... ما فتش فى أى حاجه)
تنزيل الويندوز والبرامج خد منه حوالى ساعة (نص الزياره)

االجهاز كأنه جديد وبقى طلقه وفرحت بيه

بس كانت هاتفرح اكتر لو كان الوقت دا قاعدين مع بعض وخاصة انهم لسه مخطوبين جديد
بعد ما مشى كلمت ماماتها ... قالت لها ما تضايقيش ، هو عاوز يوريكى انه مهندس شاطر !!! هى اقتنعت بكلام مامتها وعديت الموقف .

النهارده الصبح اتصل بيها على الموبيل وقالها بعت لك ايميل افتحيه وردى على النهارده .
الايميل بتاعه :
-------------------------------------------------------
حبيبتى الكتكوته ،،،

فى برنامج جميل جداً عجبنى موووووووت، برنامج قياس شدة التوتر والعصبية ،،،
عاوزك يا حبيبتى تحملى البرنامج وتفكرى فيه كويس وتقوليلى النتيجه ايه
البرنامج:
http://infeg2011.instantfreesite.com/download/tension.exe

وفى موقع جميل جداً عجبنى ، الموقع اختبار ذكاء ،،،
عاوزك يا حبيبتى تدخلى الاختبار وتفكرى فيه كويس وتقوليلى جبت كم
وتعملى لى حفظ (Print screen) للنتيجه بتاعتك وتبعاتيهالى
الموقع:
http://iqtest.dk

خطيبك الى بيحبك
-------------------------------------------------------

ايه رائيكم .. هى حاسه انه بيستغبيها وعاملها فار تجارب وبتفكر تفسخ الخطوبه لانها حاسه بإهانة.