الاحياء الي ذكروها الاخوات صحيحه معروفه بالفقر
لكن فيها كثير ناس نصابين برضو تدعي الفقر هم الي يجلسو بالشوارع
فابحثي زين اختي الافضل حاله احد دلك عليها

وكمان فيه حاويات الملابس بكل شارع

الله يرزق الجميع

آمييين

الا فيه فقر شديد ارتفاع الاجارات الرواتب قليله جدا الخاص كله 3000 فقط والجمعيات ماتستقبل الا الايتام فقط

انا اعرفلك ناس ايتام بالجمعيه ولما كبروا عيالها فصلوهم من العثيم والبركه والهرم وجلست بدون دخل زوجها متوفي بدون تقاعد وولدها الكبير شغل خاص متزوج ومستقل راتبه على قده بس معها ضمان الفين كل شهر وبنتها تعبانه اخر العشرينات بس تعاني من رهاب ماتقدر تشتغل ماشاءالله جمال وصغيره بس تعبانه وولدها الصغير يدرس والثاني يشتغل بشركه خاصه ويسحبون عليه كم شهر يااخرون رواتبهم

مثل هالقصه ظروف الاغلبيه لو الدوله تصرف راتب للبنات اللي يعانون من تعب يعطل شغلهم ياليت


في كثير ظروف عند الناس من غير المواصلات المملكه كبيره واغلب البنات الان عاطلات بسبب المواصلات احياء الغرب والجنوب صعب عليها تشتغل بالشمال ماتحصل سايق بسهوله وتضطر تترك الدراسه او العمل


والله اعرفلك وحده تركت الدراسه بنوره السبب انها ساكنه بعيد يبعد ساعه عن الجامعه والسكن للي خارج الرياض

والاكل بالجامعه غالي جدا على البنات وكل شي بفلوس تعبت كل يوم تروح بخمسين وترجع بخمسين


الكل يعاني بس ساكتين وش يسوون

اعرف عائلة محتاجه والله علي شهيد ، هم سعوديين ومستعففين وانا بنفسي تاكدت من حالتهم واستحقاقهم وجداً محتاجين ، وساكنين بشرق الرياض اخر شي بحي شعبي
والصدقه تجوز عليهم وياخذوا اي شي لانهم مستحقين ودخلهم فقط من الضمان و باقي حياتهم على أهل الخير كل ماصار عندي مناسبه ارسل لهم باقي الاكل ياخذونه، ويحتاجون مساعدات بالاجار والله حالهم يكسر الخاطر و اوراقهم كلها رسميه بنفسي تاكدت منهم ومن صحة وصعهم الله يرفع عنهم

ساعديهم الله يجزاك خير وترى عليهم اجار وديون والله يرفع عنهم وهم كلهم نساء ماعندهم رجال

وأمانه معاك ادعي لي والله يكتب لك اجرهم ،
والي تقدر تساعدهم تتواصل معاي على الخاص إدلها على آلية تتواصل معهم ...