اين الحل ... نفسيتي 👎 بسبب اخوي

السلام عليكم.
يا رب الجميع بصحة و عافية و ربنا راضي عنكم.
المشكلة يا جماعة الخير هو أخوي.
ما شاء الله تبارك الرحمن على أخوي ربنا مبارك له في رزقه و علمه من بيننا يعني ذكي و متفوق في دراسته و الوظيفة جت له بعد التخرج من غير ما يتعب .
هنا مو المشكلة ...المشكلة انو كل ما يساعدنا في اي امر من امور البيت يقوم يذلنا فيه .. بالذات اذا صارت مشكلة... يعني يمنمن علينا بطريقة تجرح كرامة الشخص .. الحكاية تقوم بالذات وقت ما تصير اي مشكلة في البيت.
و الله يا بنات اني اندم كل يوم على إني وافقت على اني انبعث على حسابه ... في خلال دراستي اذا صارت اي مشكلة بيننا يقوم يقول لي شوفي مين راح يدفع لك و هو عارف اني ما عندي حد و الله كرهته و اتمنيت اكون من غير شهادة و لا إني اعيش بهذا الذل ... و الله صرت ما اقبل اي شيء منه عشان ما يذلني .. حتى أمي و أبوي ما سلموا منه ... حاليا الوضع الكل مو طايقه ... و صار يطلع و يدخل و لا حد يكلمه و لا يقعد معاه لانو اذا فتحنا اي موضوع عادي معاه ينتقدنا بطريقة سلبية و ما عنده اسلوب في الحوار يعني انا الصح و انتم الغلط.. و ما يقبل النصيحة. بصراحة جدا حزنانة عليه.
المشكلة الان نفسيتي الان مرررة تعبانة عشان اخوي و نفسي يكون اخ مثل الناس و ثاني شيء ما اقدر انسى المذلة اللي عيشني فيها و ما زلت عايشة فيها و الله اقول نفسي اجمع فلوس اللي دفعها لي و ارميها في وجهه بس ما عندي الان .. بالله قولوا لي كيف اعدل نفسيتي...
و الله صرت حتى ما احب اشوف حتى وجهه .. الشيء اللي يقهر انو مع الناس غير .. طيب و ما في منه .. بس معانا لا حول ولا قوة الا بالله... عشان ما اظلمه .. هو ساعدنا في امووور كثيرة و مهمة ما قد حد ساعدنا فيه بس اللي يخلينا نكرهه هو شغل المنمنة... و ما في إحترام لأمي و أبوي.
بالله يا بنات ما أبغى حد يغلط او يدعي او يتحسب عليه لإنه في الاخير هو أخوي و ما أرضى عليه... بالله ادعو له اولا بالصلاح و الهداية و بعدين بالزواج..