القرية أفضل مليون مرة
المدينة مملة
وما فيها علاقات اجتماعية
الجيران ما يعرفون بعض
و الزيارات لها بروتوكولات خاصة
إلى غير ذلك من التصنع والمجاملات السامجة
ولعلمك نص بنات المدن ترى ما يطلعون كثير من بيوتهمولا يعرفون كثير من الأماكن في مدينتهم
بنات القرى مثلا اللي حول الرياض يعرفون الرياض مول مول واكتشفت إن بنات
أهلنا اللي في الرياض ما يعرفون نص هالمولات
هذه الكلمات التي كتبتها عن تجربة شخصية فقد عشت في مدينتين كبيرتين ثم عشت في قرية
ولاحظت الفرق الكبير

انا قبل انهبل علي مدينتي الرياض عندي مافيه احسن منها لاكن عقب الزحمه والخنقه اللي فيها صرت ماحبها والله يجيني اعصاب في السياره من كثر اللي يصير في الطرقات من تهور وغباء بعض الناس غير ان زوجي يعصب .ولا احب القريه المنقطعه عن العالم اذا صارت قريبه من مدينه تكون هذي ميزه لها . 

أنا حلمى أعيش بقربه دائماً اقول لزوجة خلينا ننقل اهداء واريح يالييييت بس

المدييينه اكيد فله ووناسه وحركه اسواق مجمعات مطاعم مستشفيات

والا الوحده تعيش بقريه وتتوظف وتملك بيت بمساحه كبيره بحكم الاراضي ارخص بكثير من المدن
بصراحة هذا اللي اتمناه جيتي على الجرح دايمآ انا وزوجي هواش بهذي المسألة وهو رافض ومتمسك بالسكن في المدينة رغم اني اشوف سلبياتها اكثر من ايجابياتها
اهله واهلي في قرية وحنا في مدينة احس اني مليت من الأجارات وغلاء المعيشة لو تروحين لأي مكان مافيه الا سحب فلوس لين تطفرين
صرت ماشاء الله احسد اللي عايشين في القرية كل شي عندهم مجاني مايدفعون ولاريال حتى المراكز الصيفية عندهم ببلاش
مو مثلي عيالي مالين من الطفش ماعندهم الا البلاي ستيشن اللي عمى عيونهم من كثر مايطالعونه واذا قلت لابوهم سجلهم في مركز صيفي قالي كل شي غالي ولانقدر على المصاريف
هذا ماشاء الله غير البيوت اللي كل واحد قام يعمرها بمزاجه حتى اللي توه متزوج وماعنده الا ولد يعمر
وبالنسبة للموالات والمنتزهات قريبة عندهم كلها ساعة ولاهم واصلين ودايم اشوف اللي ساكنين هناك يجون لها اكثر منا
واللي تقول اهل القرية ملاقيف وينقلون كلام ماعليك من كلامهم حطي طينة وعجينة في اذنك
لآتلوموني اذا قلت القرية احسن قولو لي وش لقيتو في المدينة غير الأزعاج والزحمة والغلاء
معليش طولت عليكم بس وشسوي فتحتو جروحي