أنا من جدة وعمري 14 بالصف الثالث المتوسط أو Grade 9 أول شي أنا درست
من سنة أولى ابتدائي إلى سادس في مدرسة حكومية وهي 195 هي مبناها فيلا
مو مبنى حكومي بس بصراحة كانوا كل الأبلات رائعات وذوات خبرة وتأسست صح
بس صح مادرست إنجلش إلا في سادس بس قبل كدا من وأنا عمري 4 سنين ماما
تجيب لي كتب الحروف والأرقام والكلمات وكمان عمتي عايشة في أمريكا وعندها
بنتين دحين هم بالجامعة وولد قدي وكانوا ييجوا عندنا كل صيف وكنت أتعلم منهم
عبارات وكلمات إنجلش وأسمعهم لمن كانوا يتكلموا مع بعض ومع أمهم بالإنجلش
وطبعاً كنت أسمع الإنجلش في التلفزيون وفي كل مكان في المتوسط رحت مدرسة
أهلية بس الإنجلش فيها مكثف كنا ناخد قراءة وقواعد ودراسات اجتماعية وعلوم
بالإنجليزي بس المدرسة ماكانت معتمدة دولياً يعني كان كتاب القراءة والعلوم من
أمريكا والقواعد من بريطانيا والاجتماعيات من الأردن وكانت هادي الكتب حقت
Grade 4 في المدارس الإنترناشونال واحنا كنا Grade 7 وكنت ما شاء الله
تبارك الله في آخر الترم الأول من المتفوقات وتفوقت على بنات كتير كانوا في
هادي المدرسة من أولى ابتدائي أقسم بالله العظيم كنت كل كلمة أسأل المس
عنها وأحفظها وأركز بالحصة وأحل الواجب وأطبق كل شي ومهتمة كنت مررة
بالإنجلش والسنة اللي بعدها المدرسة أخدت الاعتماد الدولي من AdvancED
وصاروا يعطونا نفس مناهج الإنترناشونال أدب إنجليزي وقواعد وتعبير وعلوم
ورياضيات وجغرافيا كله بالإنجليزي منهج أمريكي بس بصراحة البنات ماكانوا
يهتموا للشرح والأبلات مالهم شخصية ومايقدروا يضبطوا الفصل يعني بصراحة
البنات يتكلموا ويزعجوا البنات التانيين ويشوشوا عليهم والمدرسة اسمها جزيرةالعلوم كنا ناخد نفس المواد اللي بالحكومي
بالإضافة للي ذكرته بالإنجلش بس دي السنة لغوا العلوم والرياضيات اللي بالعربي
صاروا بس ياخدوا الدين والعربي والاجتماعيات والتربية الأسرية والفني والحاسب هو
اللي بالعربي ومنهج الوزارة أما الباقي كله إنجلش حتى كتاب الأحياء في جزيرة العلوم
نفس حقنا احنا اللي بإنترناشونال. المهم رحت سويت اختبار قبول
في مدرسة البيان وفي كورال ( المرجان العالمية ) وما انقبلت وسويت في بوابة
المعرفة إنترناشونال انقبلت فيها بس بتعهد بعدين الحمد لله تسلمت تقرير الربع
الأول من السنة ( قولوا ما شاء الله ) كل درجاتي بالتسعينات ماعدا الفرنسي
81 وكلامكم عن الدين واللغة العربية عارٍ من الصحة فاحنا بندرس مواد الدين
واللغة العربية والدراسات الاجتماعية كله المنهج السعودي اللي يتدرس في
الحكومية والأهلية وزيادة على العربي بناخد كتاب قواعد لبناني جداً صعب
وقوي وممتاز لين تالت متوسط بعد كدا الأدب والبلاغة والنقد والنحو والصرف
كله حق السعودي اللبناني من أولى ابتدائي لثالث متوسط ، ومايحذفوا ولا
درس ناخد كل الكتاب من أوله لآخره وزيادة نحل في كتب النشاط مع أنه في
كثير مدارس أهلية ماتهتم بالشرح بس بإنهم يختموا المنهج ويوروا الموجهات
وخلاص إلا من رحم ربي ، والمعلمات كلهم زيهم موحد بنطلون جينز مع قميص
طويل للركبة بأكمام طويلة وفي كتير معلمات يجلسوا بالعباية والطرحة لأنهم
يدرسوا بقسم الأولاد وكل المعلمات مسلمات عربيات ( مصريات وسوريات
ولبنانيات وأردنيات وفلسطينيات وسودانيات ) ومعلمات الدين والاجتماعيات
سعوديات وعلى فكرة حتى الطالبات الغير ناطقين بالعربية زي الأتراك يُجبَروا
إنهم يدرسوا عربي على قدهم ويعدوهم تاريخ وجغرافيا بسيط عن السعودية
والعالم الإسلامي بالإنجليزي ، ومافي إلا 3 معلمات مسيحيات وحدة لبنانية
والتانية مصريات اللبنانية هي مسؤولة عن شراء الكتب والمراييل يعني ماتدرس
شي وللأمانة كلهم محتشمات ولبسهم واسع صح مايحطوا طرحة ( المسيحيات
بس ) بس مايتعروا ولا يلبسوا ضيق والأبلتين التانيين المصريات وحدة تدرس
علوم Science لسنة رابع والتانية Math رياضيات.
الخلاصة :-
* في مدارس أهلية جداً ممتازة تجمع بين الإنجلش والعربي زي البيان
النموذجية وجزيرة العلوم وعالم الصغار ودار الحنان وعالم الطفولة.
* إذا مو متطمنين من ناحية الدين والعربي فبعد ما تتأكدوا إنهم تعلموا مبادئ
وأساسيات دينهم وفهموها صح دخلوهم إنترناشونال في صف رابع مثلاً أو في
المتوسط.
* مو أي طفل يقدر ينقل من حكومية لإنترناشونال بسهولة إلا إذا كان موهوب وقابل للتعلم
والاكتساب والفهم بسهولة ويسر وعنده القدرة والنية على التعلم يقدر يمشي فيها.
* الإنترناشونال جداً مهمة لأنه جميع كليات الطب والعلوم والصحية والكيمياء والفيزياء والأحياء والهندسة
والكليات العلمية تُدرَس بالإنجليزية ، فكون ولدك / بنتك دارس من البداية العلوم والرياضيات بالإنجلش حيمشي
بالجامعة بسهولة ، تعرفوا إنه نفس اللي أنا آخده بالأحياء ياخدوه اللي بجامعة الملك عبد العزيز ( بالإنجليزي ).
* المدارس الأهلية غير مناسبة خصوصاً بمرحلتي المتوسط والثانوي البنات يكونوا مدلعين ويتطاولوا ع الأبلات
ف أقصى شي تخلوا فيه بناتكم بالأهلي هو لسادس ابتدائي بعد كدا شيلوهم من الأهلي.
* جميع المتخرجين من الإنترناشونال يقدروا يدخلوا أي جامعة سعودية الملك عبد العزيز ، كلية عفت ، دار الحكمة ،
البترجي إلخ ] وبالعكس بيكونوا متفوقين ومتميزين عن غيرهم ، وفي كتير منهم يدرسوا في الجامعة الأمريكية في
دبي أو الشارقة أو اللي في القاهرة أو اللي في بيروت.
* في المدارس الإنترناشونال يدربوهم على اختبارات السات والتوفل عشان مستقبلاً ينقبلوا بجامعات أمريكا وبريطانيا.
الصفحة الأخيرة
المدارس العالمسه على حسب يعني في الي ما شاء الله مهتمين بالدين و العربي كل يوم *** حق المنهج السعودي و باقي المواد انقلش ع يد اجنبيات
و يا امهات الدين لازم يكزن الاساس بالبيت
يعني ايش الفايده اطفالي بمطارس عربيه او تحفيظ اواواواواو لكن بالبيت اغاني مسلسلات افلام حجاب بح قميص و لحيه اقتداء بالسنه بح الفاظ لا تقال اداب ما في وووو الامثله كثيره انا ما اعمم كبعا الدين الحمد لله موجود لكن الي ماسكه قليل
انا عن نفسي اولادي مدارس عالميه مش عشان اللغه و بس لا لانه ممكن يتعلمها باي مكان لكن المنهج قوي و مهتمين بالاطفال من الناحيه العلميه و الادبيه ومش مجرد حشو معلومات احفظ امتحن و انسى لا
و بالبيت بنحاول انا و ابوه تكون التربيه دينيه يسال و نجاوب و نفهم اطفالنا مثلا ليش ليش بابا و ماما يصلو, ليش ما نسمع اغاني و طبعا اهميه القران و لغتنا العربيه الي تكلم بها رسولنا ، حب نبيا ' الجنه الثواب العقاب
الجزاء الادب حب الناس و المعامله الحسنه ووووووو يعني حياتنا اليوميه كلها فيها دين حتى كلمة بسم الله الي نقولها قبل الاكل