الدورين اغلي لانه صحيح مافيها اعمده وقواعد وميده لكن فيها تشطيب ..
افضل عمل دورين بمساحات معقوله الدور الارضي،فله كامله حتي بغرف النوم والدور الاول شقتين
اما التكلفه للبناء الطولي،او العرضي،فهذا يتوقف على مساحة الارض والمسطح المسموح من البلديه

ياقلبي على حسب المنطقه اللي عائشه فيها الشرقيه والحجاز غاليان والمدينه ومكه اغلى شئ وخاصه اللي قريب من الحرم وبعدهم الرياض الشمال اغلى والرق اقل والجنوب والغرب اقل والقصيم رخيصه بالنسبه لغيرها والله اعلم

الله يعطيكم العافيه ع الردود


انا كنت اظن ان البناء العمودي ارخص اذا كان متوسط المساحه
بتفكيري ان دور واحد بس كبير مساحه يكلف اكثر بسبب الاساسات
بس نبهتوني لشغله التأسيس والتشطيب فعلا تاكل
اغلب المهندسين ينصحون بالبناء العامودي
حبيت اطرح السؤال للفائده العامه
وفعلا صادقه في الجنه القاك ...السعر يختلف بالمناطق


وبرضو كنت حابه اعرف هل اللي بنو فيلا دورين ندمو بعدين وتمنو دور واحد اسهل للتنظيف واريح من الطلعه والنزله ع الدرج او العكس صحيح الفيلا دورين اريح ...

صادقه في الجنه إلقاك
انا من الجنوب وفعلا الأسعار أقل من مكه والرياض بواجد أذكر كان سعر المتر 650مع المواد عظم فقط
و الاختلاف في سعر العظم فقط التشطيب فيه من يشطب ب100 الف وفيه الي ب مليون
بنينا فيلا دورين بس للحين ماسكنت يارب أسكن قبل رمضان أعتقد أسهل في التنظيف غرف النوم مستقله والمجالس مستقله ف مافيه حوسه كل شهر تنظيف عميق والتنظيف اليومي سهل وما فيه تعب
الله ييسر لنا ونسكن على خير

تبين نصيحتي دور حتى او مكلف الا اذا باحطين فوق شقق للايجار انا كنت ازن على زوجي يبني دورين احسه اكشخ والحمدالله انه ماطاوعني وقت تشطيب بيتنا سكنا ببيت تابع لدوام زوجي دورين كل ماطلعت الدرج حمدت الله انه مابنئ دورين متعب متعب متعب بشكل ماتتصورينه الدرج طالعه نازله ويسلام مع الحمل نصيحه من اخت محبه دور وتفنني فيه اريح لك تخيلي حتى اعيالي لاقلت ابرسلك قال لايكون فوق