ايهم افضل نوع غساله lGالاتوماتيكيه(تم الدمج)

للرفع

اهلين طواري...

انا عندي ال جي..بس ماحبيتها...

معليش من اولها تحطيم..

شوفي ياطويلة العمر...اضغطي اول شي تشغيل..

بعدين اختاري عقلي<<<<هذا الغسالة تدور شوي بالثياب بدون مويه عشان توزنهم وتحدد كمية المويه...بس ماانصحك فيها..مرة تكثر المويه..


انا دايم اختار اقتصادي..

اذا كمية الملابس شويه اختاري في الزر اللي بعده صغير...

واذا الملابس كثيرة شوي اختاري متوسط...وهكذا حسب كمية ملابسك..

ممكن تختارين في البداية صغير وتشوفين اذا الكميه مناسبه خلاص كملي,,
واذا شويه زيديها للمتوسط..او الكبير حسب كمية الخلاقين...

انا اشوف ان فيه فرق كبييير بين المتوسط والكبير...
يعني المتوسط شوي والكبير كثير..اقوم اختار كبير واوقف عندها لما تعبي كمية المويه اللي احسها مناسبه بعدين ارجعها قبل ماتكمل للمتوسط...<<<<<العب عليها يعني..

عاد الغسيل اختاري اول شي غسيل بس...لانها ماتطول فما تكفي دورة وحدة..وعيدي الغسيل حسب حاجتك..

اذا حبيتي تنقعين الملابس..اختاري غسيل وخليها تدور وحدة وتوقف..لاتشغلينها ثانيه لما تنقع..

عالعموم هم حاطين نقع الغسيل<<<الظاهر انها كذا..

بس تنقيعهم بايخ...شوي ويشتغل الغسيل..مايمديها تتنقع..

انا مااحب اشغل التغسيل كثير..احسه يخرب الملابس خاصة ملابس الاطفال..اخليها على دورة وحدة بعدين انقعها وبعدها غسلة ثانيه وخلاااص..

بعد كذا..اذا حسيتي الخلاقين نظفت..خلاص كملي شطف وتجفيف..

هي تشطف مرتين...في المرة الاخيرة ترن رنة وحدة..تحطين فيها الملين..

الصابون له درج خاص..

فيه فتحة للنيل..بس ماضبطت معي...صرت اذا شطفت المرة الاولى اطلع الملابس..واذوب النيل في المويه واخليها تدور شوي..وبعدها احط الملابس...هذي الطريقة الوحيدة اللي نجحت معي في النيل..عشان ماتبقع الملابس..



بيوجعتس راستس من بربرتي..بس تحملي<<<<حاقدة على تغسيل الخلاقين اللي ماتخلص..

اي سوال لايردتس الا كيبوردتس..

بايوووووو

تسلمين ياقلبي ساعدتيني كثير

هلااااااااااا اختي

انا عندي 8 كيلو .. بس ما أدري اذا هي نفس ام كيلو وإلا تختلف الأزارير :

عموما انا أستخدم لملابس الأطفال , وملابس الرجال الداخليه ( خيار نقع الغسيل )
والكلوركس أحطه بعد ما تدور دورتين على الملابس >> يعني ما أتبع طريقتهم

وفيه خيارات ثانيه مثل ( الصوف , الجينز ) طبعاً لنفس هالنوعيه من الملابس بس عيبهم إنك ما تتحكمين في كمية الماء

اما زر ( عقلي ) وهو اللي دايم أستخدمه بالإضافه للنقع وتقدرين تتحكمين بقياس الماء على حسب الملابس

عموماً كان فيه موضوع هنا لأحد الأخوات تستفسر عن طريقة استخدام هالغساله وشرحت الطريقه بالتفصيل الممل , بسوي بحث وأشوفه لك

حتى انا عندي ماعجبتني ..
شريت غيرها ..

وموفقة اختي:)