ايه احبك وهذا حظي اللي ( انكتب ).. ودربي اللي امشيه وادري به ( تعب ) ..

ماابي ادخل في تفاصيل ذيك الليله واللي صار فيها ..
لكن الأكيد اني كنت مخططه انها تكون ليله من أحلى الليالي وللأسف صار العكس تماما ..
كنت مستعده ,, ومتهيأه .. لبست احلى ماعندي ... وحطيت العطر اللي يحبه ويبيه ...
كنت حابه يكون فالجو نوع من ( الضحك واللعب والوناسه ) ...
لكن أخونا في الله ... ( قلب الضحك لزعل .. وصراخ .. وهواش .. وقام يرمي علي من الكلام اللي يوجع القلب ) ...
ممنوع الدلع الزايد ... ممنوع التغلي ... وش هالجو اللي تبين تدخليني معك فيه .... ماجاز لي ... انتي فيك وفيك وفيك .... دموعي صارت تنزل بدون
مااحس ... كتمت بداخل الصدر ضيقة ... وحطيت راسي عالوساده .. وقلت له .. سم وآمر ويصير << لانه ممنوع الجدل وهو معصب ..
طبعت على جبينه قبله حانيه وقلت له بصوت خافت .. ( تصبح على خير ) ....
حطيت راسي عالوساده ... وضاق فيني المكان على كثر اتساعه ... العبره تخنقني ... والدمعة حايرة بعيني ... واحس بحالة ( اتمنى الارض تنشق وتبلعني )
حسسني ان الجو اللي مسويته ( سخيف وماله داعي ) ...
عجبي .. كيف ماله داعي والرجال يحبون خفة الدم !!!!
ذيك الليله كان رايق .. بس الله يهديك اتفه سبب ممكن يعصب به ...
وليته على التعصيبه وبس .. صار يرمي علي كلام يوجع القلب ... يوووووجع القلب ....

...

حسّ بي .. بعد ماراق وهدت اعصابه شوي ...
قرب مني يسألني وش فيك !!!
قلت له .. انت اللي شفيك ؟؟ وش اللي جرى منك علي !!! وش انا مسوية لك ؟؟
قمت ابكي .. واحاول احكي له وابكي ... << مايحب احد يبكي ..
وانا مقدر احبس احساسي ودمعي ذيك اللحظه ...
عطاني كم كلمه .. توجع اكثر من انها تطيب الخاطر ...
وحط اللحاف على وجهه ... وكنت اظنه نـــــــــام ...

....

نفس الضيقة بصدري مازالت ...
كرهت لبسي اللي علي .. واللي كنت محضرته عشان اسويه ..
غيرت ملابسي .. << حسيت اني غبيه فيها والدموع في عيني ...

....

كرهت المكان .. رحت لمكان ثاني ... انخنقت .. انخنقت ... ورجعت لفراشي ... لقيته جالس .. وحالته حاله ...

....

اعتذر .. وقام يتأسف ... وانتهت السالفه .....


,,,,

بس للأمانه ... شعور الألم في داخلي ماانتهى ...

كل مااتذكر اللي صار يجيني شعور احباط ... ي ق ت ل ن ي ..

كرهت الرومانسيه ... والمفاجآت ... وأي لحظه أخطط اني اعيشها معه بحب ...

ماتضبط معي ... تنقلب نكد .. صابتني عقده من هالشي يابنات ...

وش السواة ....

علموني ....

وان تغيرت وثقلت ماعجبه .. قال ليش يالغلا هالجفا ؟؟؟



احترت .. وقفت في نص الطريق ...

ماني قادره ارجع مثل ماكنت ...

ولاني قادره اعطي زياده ...



خصوني بدعوه اخر الليل ( الله يسخره لي ويهدي سرنا ) ....