ايه الحاله ديه !! ليش تحبون تعيشون بتعب وحزن وهم
والله الحياة مرة لاتخلونها مُرة
عيشوا لانفسكم
لاتتشرهين فلانه عزمت فلانه ولاعزمتني
فلانه سوت ذيك الحركة وش تقصد
زوجي تكلم بذيك الانسانه وش قصده
احسن نوايكم عشان انتم ترتاحون
لاتزورين فلانه النفاس واذا ماجاتك بنفاسك زعلتي
قدمي الخير عشان نفسك عشان انتي تكونين راضية وسعيدة
ماهو عشان تتشرهين وتحطين لك حقوق على الناس
اعتبري نفسك مالك اي خق على احد والناس لهم حقوق عليك عشان انتي تكونين سعيده
مو عشان اي احدثاني
لا تأذين احد عشان اذاك حطي له عذر يمكن ماكان قصده !
وحتى لو كان قصده استفدتي شي انتي تأذينه ؟!
لاتنتظرين من احد مساعده لاتفكرين تجيك فلانه والافلانه
عيشي حياتك كأن الناس مو موجدين اقسم بالله. راحة لا تتشرهون لو شو ماكان
ولو احتى على اقرب الناس بتسوين خير سويه عشان ربك مو عشان يرجع لك
بعطيكم مثال صغيرون وقولوا ماشاء الله لنا تقريبا 6سنين بدون مشاكل
ايه بدون مشاكل اللهم المشاكل المرة مرة خفيفه
مع انو اخواني متزوجين وانا بنت وحدة بيت امي
واحيانا يصير عندنا عشاء كبير وكذا ولا وخدة من زوجات اخواني تعرض علينا مساعدة لو صغيرة
مع انه الكل بيقول من واجبهم
ولا عمرنا اتشرهن ليش يسون او مايسوون صح تصير بخواطرنا بس بدون مانتكلم
ونهايتها يروح التعب ونرجع حبايب من جديد
بالمناسبة تراهم طيبات وحبوبات زوجات اخواني
بس فيه ناس كثير غيرنا لو صار معهم كذا كبروا الموضوع وسوو وقالوا بس ياحببتي راحتك النفسية لا تقدر بثمن
عيشي لنفسك لراحتك لاتعشين لغيرك
والله الدنيا دي قميلة اوى لو اعرفنا نخليه قميلة
والسلام عليكم ورحمة الله وبركاته
انين ... @anyn_37
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️