يا بنت الحلال كل الاخوان كذا خاصه بهذا العمر يحسون بالمسوليه فتلقينه يشخص عليك
لا اكثر ولا اقل بس انتي تقربي له بالاكلمه الطيبه .. مثلا اذا قال وش تشوفين قولي يا اخوي
اتفرج والسلام منا مركزة .. النت استخدميه قدامه اجلسي بالصاله عنده عشان ما يشك واذا شفتي
موضوع عجبك شاركيه قولي تعال شوف واذا جاكي ايميل حلو وريه عشان ما يحس ان فيه شي
تخبينه وهذا يجيب الشك .. الجوال سولفي قدامه وفهمي الي معك انه اخوك عندك تسولفين عادي
بعني اضحكي وتكلمي عن ثياب طبخ وخلي الاشياء الي ما تنقال عنده اذا طلع من البيت كلمي
وجوالك خليه بالصاله قدامه عشان ما يشك ... هم اذا حسو فيه شي مخبى شكو وهو احيانا يكون
سوالف بنات وانتي فاهمتني ما تبين تقولين عنده بس الشاب يروح تفكيرة لبعيد ... واهم شي تقربي له
سوالف ضحك واذا جالس سوي لك وله كاس شاهي وقولي بسولف معك وسولفي له عن المدرسه
صديقتك قصه قريتيها .. وحاولي دايم تكلمينه بثقه وانك تبين رائة ترى ذا يحسسه انه مهم عندك
وصدقيني بعدها بيعطيك كامل الثقه ... يعني خلي بينكم نقاشات بسيطه عطيه اسرار وقولي بس قلتها لك
ابي رايك ومن ذا الكلام ....>>>>> ياكثر هذرتك >> فيس مستحي

معليش طولت عليك بس هذا رائ انا وجربته مع ولد اخي وجاب نتيجه ..

اغلب الاخوان هيك يا اختي بيحبوا السيطرة والتحكم بس لما يتزوجوا بيهدوا وبيتغيروا
اصبري وطنشيه وربنا يهديه ويهدينا جميعا

لوولـي

ماني مكبرتها،، لكن انا اخذ بخاطري من تصرفاته و الله احس اني تعبت نفسيا،، اللي يشوفني يقول ابد مستانسة و العكس صحيح الجوف ما يعكس بالشوف..

الحمد لله على كل حال .. و يهديه




زين الطبايع الله يجزاك الف خيـر

ان شاء الله بحاول اصوم،، و عسى ربي يغفر لي و لكم

مشكورة ع النصيحة





كل شي يسويه صح،، بنظره طبعا

و مستحيل يعترف بغلطه ،، و اذا حاولت انصحه يعتبره اجرام ،،كيف انتي تنصحيني ،، الله يشفيه هههههه

مسوي عندنا مطوع ،، ما انكر انه يحفظ قصص لكنه ابد ما يتابع يمكن يسمع من الناس

مشكورة عزيزتي،،

و الله ان بعض الردود جلست اركز فيها و احاول اني اخزنها بمخي عشان اطبقها بالنسبة لتعاملي و اسلوبي معاه و مشكورات على هيك اساليب،، انا اسوي منها بس بشكل سطحي اصلي اخاف منه خخخ اخاف يزل كلامي
تدرون انه هو يكلمني عنه و شو يصير معاه و مواقف و ضحك بس انا ردي عليه يكون هادي لاني ما تعودت عليه احسه مرة كذا و مرة كذا ما فهمته!!


اللي يقولون اذا تزوج بيتغير،، تراه متزوج قريب ما اشوف شي تغير ،، عنيد و راسه يابس ،،

طبعا احمد ربي ليل نهار ان عندي اخوااان ما انكر هذا الشي و ربي يحفظهم و يخليهم لي،، و يارب الله يقربني لهم و ما تكون بيننا حواجز..تدرون انا و اخواتي نحمد ربنا انه اخونا تدرون ليه؟ لانه بيي الوقت و ما يصير له امر علينا و بالاحرى ما نكون زوجاته|>>شفتوا لاي درجة،، يمكن نحن حساسات بس هذا الواقع

هو يغااااار يغااااار و اعترف بهذا لزوجته،،


((((((((((( كنت متأكدة ان بتجي وحدة و بتقول وين ابوك،، و الله موجود و الله يحفظه و يخليه لي،، ما اقدر اعيش بدونه ،، هو دمي لكن ما اخبر ه بالاشياء اللي تحصل بيننا ، يمكن اخبره ببعضها و يضحك يقول اخوك يغااار عليك،، و مرة كلمته بخصوص النت قالي ما عليك منه ،، اما الجوال ما خبرته و هو يوم يناقشنا يدور الوقت اللي ابوي يكون مو موجود ،، ما يستانس اذا قالها و فرد عضلاته علينا قدام ابوي،، ابوي انسان جدا طيب و حكيم و يقنع و له اسلوب في الكلام_ الله يرزقني زوج مثله))))))))))))

قصدي من يشرب _ يشرب دخان و شيشة_



كل الشكر للاخوات اللي دعولهم بالهدايه و ربي يسمع منكم..




الحمد لله مو من النوعية هذي،، و الله لاخليهم يشوفون الويل>>شريرة
هذا اللي ناقص،،و الله اول ما قريت الجملة هذي ضحكت لان ما عندنا هالشي و مستحيل تقدر تسويه معاي ،،بس يوم تخيلتها و اخوي بعد معاها ضدي دمعت ،، الله يفتح على البنات اللي يمرون بالشي هذا
الله لا يجيبه من يوم



اللهم لك الحمد كما ينبغي لجلال وجهك و عظيم سلطانك

اخوي اكبر عني ب8 سنين و عندي اخ اكبر عنده لكن عكسه تماما بشكل ما تتصورونه...واحد متشدد و واحد منفتح ..