لية هو اخذ يهودية !!!!هو اخذ مسلمة وعربية بعد....فما لها داعي العنصرية..
والعنصرية هذي بسبب المشاكل الي تصير عادة من الي ياخذ وحدة اجنبية لانه وللاسف البعض من الاجنبيات مو الكل ياخذون السعودي عشان فلوسة مو عشان شي ثاني..ولا وش يخلي وحدة ترضي بشايب عمرة فوق الخمسين؟؟؟
والشاب الي ياخذ من برا عادة يكون معيوف من بنات بلدة يعني محد يبية.....او انه يدور الرخص في المهر بدل ما يدفع مهر مية الف ولا ميتين يدفع خمس الاف ويتزوج ...
اما ××××××× بالعكس الشاب اذا حب انه يتزوج يهتم باصل البنت وفصلها

××××××××
واقول لصاحبة الموضوع.....اختي لاتاخذين بخاطرك والي يقولك يابنت السورية قوليلهم مثل ماقالت~لولان~ ايه بنتها ولي الشرف مدام ربتني على الدين والاخلاق.......

أهلين القصيميه ..

مافيها شيء أبد :42:..

حبيت أبدي وجهة نظري لبعض الردود ..
-قال رسول الله عليه الصلاة والسلام(لافرق بين عربي وأعجمي إلا بالتقوى) منعاً للعصبيه القبليه وأننا جميعا أخوان بالدين ولكنه ايضا لم يفتح الباب على مصراعيه حيث قال:(تخيرا لنطفكم فإن العرق دسّاس )
- و حديث الرسول عليه الصلاه و السلام (((تنكح المرأه لأربع : لمالها و لحسبها ولجمالها و لدينها _فأظفر بذات الدين تربت يداك ))).

الحسب والنسب .. أساسي و شيء مهم بعد الدين طبعاً.

لكن فيه رتب وطبقات للنسب ..

طبقات .. ترفض الزواج بتاتا البته "يخافون على أصلهم و عرقهم"
وفيه طبقه ممكن في بعض الحالات
وفيه طبقات مايمانعون "عادي" ماخذين راحتهم والاصول أخر شيء يفكرون فيه

على حسب .. بعدين ليش وشدخلنا احنا فيهم :o
بيتزوج سوريه يتزوج ..بياخذ مصريه /عراقيه/ أي جنسيه بكيفه
يعني أقطع ارزاق العالم ليه

اخواتي وصديقاتي
دفاعا عن حديث الرسول صلى الله عليه وسام لااكثر ولا اقل وليس عصبيه قبليه ولاغير هذه الترهات
اقول
ان حديث غربوا النكاح حديث ضعيف ولقد سمعته من فضيلة الشيخ خالد الخليوي في برنامج اريد حلا
ولكن جزييييل الشكر:26: :26:

ســـلام ع الـجـمـيـع ..

موضوع حلو .. وودي شوي أتخلف وانا اتكلم فيه :o ..

انا وبكل فخر امي فلسطينيه .. أصيله .. يعني اللي يحسب انه سالفة قبيلي وما قبيلي بس بالسعوديه .. فهي بفلسطين أكثر بكثير .. ما علينا ..

انا الحمدلله ما قد عانيت نهائياً من هالموضوع .. لان أمي اساساً عايشه هنا طول العمر

ويمكن لان عايلة امي معروفه .. إذ كل من سألني عن عايلتها قال والنعم والله !

المووووووهم .. مرّه من المراريت .. مدري كنت امزح مع صديقتي .. هي قصيميه

بس لك عليها .. " بالأصل أقصد " .. طبعاً انا قلت من البدايه ان ودي اتخلف شوي :p

المهم .. قالت لي بالعباره .. حبيبتــــــــــــــــي أهم شي أبوي وامي قصمااااااان ..

قمت ابتسمت وقلت .. اذا ع الاصول والقبايل ماله داعي نتكلم ونحرج :27: ..

أهم شي أصلي وفصلي معروف .. وأصل امي بعد ! .. وسكتت وصار وجهها لا يوصف ..

ما علينا .. ولكن اساساً انا أرفض اني أقول قبيلي وخضيري .. ولكن اللي يغلط يتحمل :o

أما بالنسبه للزواج من سوريه او حتى فلسطينيه وغيره .. فـ رغم ان أمي فلسطينيه ولكني أرفضه ..

لأن بنت البلد أحق من بنت البلد المجاوره .. ليس إنقاصاً لها ..

يعني حتى السوري ما ياخذ خليجيه .. لان بنت بلده أحق .. مع انها ما تصير

واخوي ما أرضى له ياخذ سوريه ولا فلسطينيه ولا غيره .. لانه ما أضمن الطبايع والعادات تتطابق

بعكس أمي اللي بحكم معيشتها وتربيتها هنا تطبعت بهالعادات .. وحتى اختها اللي هي خالتي ماخذه سعودي ..

عموماً .. انا حتى والله لما أسمع فلان أخذ سوريه ولا فلسطينيه أنقهر .. مو إنقاص طبعاً

ولكن بنات بلده هاللي قاعدات أولى .. خاصه انه صعب عندنا ياخذون البنات من بلد ثانيه .. " مع اني أرفض هالنقطه بعد " :42:

اما الإخت سولاف3 اللي تقول انه ايه فيها شي ؟
ليه عيوني فيها شي ؟ الحمدلله اني سعوديه نجديه قبيليه .. وقبيلتي وعايلتي معروفين
ومن أم فلسطينيه أصيله وذات عائله عريقه .. يعني جامعه أصلين مشرفين
يعني زاد أصالتي أصل .. وش اللي فيها شي ؟
ما أقصدك انتي .. ولكن هاللي أمهاتهم موب سعوديات .. فيه منهم أأصل من أم وأب سعودي

مو الكل طبعاً ..

×××××××××××
ومعليه طولت عليكم :23:

اول مرة اسمع عن هذا الحديث غربوا النكاح ..........؟؟؟