اي احد مر بهالموقف تعلمني وابي نصيحتكم

السلام عليكم
بنات ببداء في الموضوع ع طول تخيلوا امس كنت معزومة عند وحدة من جاراتي السابقات وقلت لزوجي وصلني لها ووافق لان بيتها بعيد
ومايرضى اروح مع سواق نهائي
طلع للسيارة قبلي وعيالي اثنين معه
باقي بنتي كانت تمشط شعرها عندي وانتظرتها وطلعنا وماحصلناه
وكلمته قال انتظرتك ومشيت لانك ماتمشين بسرعه قلت انا لابسه عباتي وانت موجود وعلى نيه امشي وراك تجادلنا ورفض يرجع لي انا وبنتي وارسلت لجارتي اعتذر منها اني ماراح اقدر ازورها
صار عندي ظرف
رجعت نزلت عباتي بعد نص ساعه كلمني قال تجهزي اوصلك بسرعه بدون مجادلة ماحب الي تجادلني قلت انا اعتذرت من الحرمة مستحيل اروح لها قال والله لتروحين غصب عنك وثلاث دقايق اكون عند الباب رحت البس وارسلت لجارتي اني اجيها ورحبت فيني وانبسطت ورحت لها وانا منهلكة ومنهد حيلي
تخيلوا على صلاة المغرب دق علي قال ربع ساعه وجايكم خلوكم متجهزين قلت طيب مرت ربع ساعه ماشرف وادق عليه قال انا كيفي متى ماجيت اجي
قلت تمام مو مشكلة تخيلوا يابنات رجعنا نسولف الا هو يدق واتساب ويرسل يالا اطلعي انا برا انا من شفت الاشعارات مادخلت الواتس ع طول لبست وطلعت ماحصلتهدوارسله انت وين قال مشيت انتظرتك ماطلعتي قلت والله بسرعه لبست وطلعت ماحصلتك قال دبري نفسك خليها تجيبك وارجع لجارتي وانا متفشله قلت زوجي راح قالت مو مشكلة البيت بيتك والله لتتعشين عندي وننبسط وانا والله يابنات مو معها
بعدها بربع ساعه دق قال ليش مادخلتي الواتساب قلت انا شفت الاشعارات لبست وطلعت وجارتي تشهد لي قال شوفي معك خمس دقايق اذا صرت عند الباب ادق وتطلعين بسرعه ماحب الانتظار قلت طيب
تخيلوا سكر من هنا لبست من هنا وطلعت
وجارتي واقفة عند الباب معي تنتظر وانتظر انتظر ماجاء وهي تقول ادخلي يابنت الحلال مصيره يجي
انلطعت عند الباب تقريبا ربع ساعه الا حضرته يجي ويوقف بعيد عن بيت جارتي ويقول تعالي لي مشي
ورحت له مشي اه بس حتى جارتي ماودعتها مثل العالم والناس
حسبي الله وكفى
يوم ركبت معه قال هذا درس لك عشان مرة ثانيه ماانتظرك
بالله وش رايكم
هل اقدر اتحمل الخبال هذا ؟
والله مر علي شي منه يشيب شعر الرأس
وش نصيحتكم لي