اي استشاره جماليه للبشره لشعر او للرشاقه حوار مبااااااشر .

السلام عليكم جميعا
خاطري افيد الكل واستفيد من الكل
راح افتح حوار مع كل وحده بروحها باي استفسار للبشره او للشعر او للمناطق الحميمه باللي اقدر افيد فيه
شلون الطريقه اللي تبي تستفيد بس ترسلي رساله خاصه انها تبي برنامج خاص فيها بعطيها ايميلي تسويلي اد وندردش انا وياها بس راح انقل المحادثه اللي صارت كلها هني عشان يستفيد اكبر قدر ممكن من البنات انا ما اقدر اكون دايم موجوده اكيد بس بحاول كثر ما اقدر واذا في اي وحده من خواتي عندها خبره ياليت تساعدني ونسوي رابطه خبيرات البشره والشعر والرشاقه نتساعد وراح نسوي شي جديد طبعا اكيد بعد اذن الاداره بتثبيت اتمنى اني قاعد اسوي شي ينفعنا كلنا
تحياتي اختكم مطيريه




اول وحده حبيبتي الحلوه تشتكي من السمنه وتبي توحد لون جسمها تبي نضاره وتبي عنايه ببشرتها دار بينا هالحديث
كان طويل شوي بس تستاهل الحلوه ****لله تطبق وتقولي بنتايج بعد شهر انا اتحراج

الحلوة:
*صباح الورد
sara:
*صباح رضا ربي
الحلوة:
*اعلومج يالغلا
sara:
*هلا ومرحبا
*بخير بفضل ربي
*علومج انتي
*
لقد أرسل لك الحلوة لتوه إشارة تنبيه.
*
sara:
*ولكم
الحلوة:
*مشغولة و لا حابة أسولف شوي عن ادماني الخلطات و العناية
sara:
*ههههههههههههههههههه
*ابدن نفضيلج حالنا لبا عينج
الحلوة:
*تسليمن
*أولا هههههههههههههههههه
sara:
*ايوه اولا
الحلوة:
*عندنا مناسبة قريب يعني بعد شهر و أبي أكون أحلا وحده أغطي على الكل :D شو تنصيحني أستخدم
*بقولج شو حابة أغير في شكلي
*أبي أضعف واااااااايد و أنحت جسمي نحت و أشده في نفس الوقت
sara:
*بشهر
الحلوة:
*لا مو شرط اهم شي أتغير
sara:
*تنحفين اكيد سوي رجيم واشربي ماي واجد شاي اخضر ورا كل وجبه
*زنجبيل مع الشاي الاخضر ينحف
*للشد رياضه ومشي لو تمشين باليوم ساعتين لمده شهر اكيد بتنحفين مع الشد
*كريم زبده الكاكاو يشد
*زبده الشيا روعه للشد
*انا اعطيج اللي اعرفه وانتي نقي المتوفر عندج او اللي سهل توفيره
*خل التفاح + لسان البحر يشد ويخفي الخطوط البيضا
الحلوة:
*أوكي قوللي عادي بحاول أوفر
*جربتي لسان البحر
sara:
*لا بصراحه بس سمعت عنه زين
*اللي جربته وفادني الشيا
*روعه
*تسبحي بماي حار وحاولي تسوين مساج قوي يشيل السلوليت
*هذا للتنحيف
*وعشان بسرعه تنحفين وتشدين لو تمشين وانتي لابسه بدله السونا بيكون اروع بواجد بس لازم تشربين ماي واجد لانج بتفقدين ماي واجد
*عا يستي بعد شنو تبين
*ها *
الحلوة:
*مشكورة ياقلبوووووو
*أنتي كم وزنج ؟
sara:
*انا وزني 70
الحلوة:
*و كولج
sara:
*|-)
الحلوة:
*طولج
sara:
*طولي 170
الحلوة:
*ما شالله عليج
*عارضة أزياء
sara:
*بس انا ما احب الضعف كنت 64 قبل 4 سنين
*اي انا الحمد لله طويله
*الحين ملين عودي بس اهم شي عندي ان خصري نحيل
*اردافي وفخوذي كبار بس من فوق لا زنود ولا لحم اكتاف
*يعني جسمي زين الحمد لله
الحلوة:
*مثل تشكلية جسمي
*بس أنااااااا مش طويلة
sara:
*جم طولج
الحلوة:
*علشان كذا أبي أنحف الفخوذ
*156
*ووزني 78
sara:
*طول بنت خالتي
*بس انتي سمينه
*لازم تقطين على الاقل 20 كيلو
*جم عمرج
الحلوة:
*هيه
*لازم
*23
sara:
*كبري تقريبا
الحلوة:
*أبي وزني 56
sara:
*شوفي ..... شسمج
الحلوة:
*..................
sara:
*................ ونعم
الحلوة:
*في حالج
sara:
*شوفي يا قلبي اخوي طوله 174 كان وزنه 113 كيلو
*بثلاث شهور صار وزنه 72
*طول عمره سمين
الحلوة:
*شو سوى أنقذيني هههههه
sara:
*وفجاه والله كنا مسافرين وهو عنده صيفي جانا بعد شهرين انهبلنا منه
*عنده عزيمه صخر
*ماشالله
*عندج عزيمه بتضعفين بس دلع ماراح تضعفين
*لازم تضعفين
*انتي بنت
*السمنه شينه
*وتشين وتضلمج حرام
*انا اكلمج كاخت امانه مو تزعلين
*ترى انا شوي صريحه
الحلوة:
*لا فديتج
*بالعكس أريد هالاسلوب علشان أحس على دمي
sara:
*لا يقلبي السمنه بلاء
الحلوة:
*أنزين أخوج شو سوى
sara:
*مثل ما اي مرض بلاء
*واي مرض علىجه نفسي قبل لا يكون عضوي
*والله يكفيج الامراض
*اخوي ما كان ياكل الا خضار مفيوح على الغدا
*والصبح توست اسمر بجبنه سلايت دايت
*وطول يومه سوائل
*لمده 3 اشهر
*كان يشوفنا ناكل مطعم احيانا وربي يبجي والله انه يبجي
*والله بدون مبالغه
*يبن الحلال لقمه عن نفسك
*لا
*مافي مجال
*يروح الحديقه يبجي بروحه لين يطيح اللي براسه كله
*ولا ياكل
*كان يشرب عصاير واجد
*خضره مسلوقه ياكل واجد
*توست اسمر توسته وحده باليوم بس
*لمده ثلاث شهور قط تقريبا ثلاثين كيلو
*طبعا مع المشي ساعتين ببدله السونا
*يوميا
*تقدرين
*؟
* تقدرين تسوين نفسه
*
لقد أرسلت لتوك إشارة تنبيه.
*
sara:
*معاي
الحلوة:
*ويااااااج
*بس شفت أختي صحت من النوم
sara:
*اها
*مشغوله
*عادي يا قلبي
*اخليج
الحلوة:
*لااااااااا
*ما صدقت شفتج
*خليج
*شو كان يحط في جسمه تعرفين الترهل لي يصير مع الرجيم
*
لقد أرسل لك الحلوة لتوه إشارة تنبيه.
*
sara:
*للحين جسمه مترهل شوي لانه ضعف 30 كيلو مو شوي
الحلوة:
*يعني ما في حل للترهل
sara:
*لا في الرياضه
*هو بس كان يمشي ساعتين دشي نادي انتي
*او امشي اكثر
الحلوة:
*خلاص من اليوم ما عاد فيه خربطة أبدااااااا
*بسوي مثلة بالظبط بس حرام خدودي بتروح :'(
sara:
*شكو كل نحيفه مالها خدود
الحلوة:
*لا بس مع الرجيم تروح و تختفي
sara:
*في ابر بوتكس
*يعني ففي اشياء ممكن تتعوض بس اشياء لا
الحلوة:
*في غير الابر شو رايج في الخلطات الطبيعية و الكريمات
*
لقد أرسل لك الحلوة لتوه إشارة تنبيه.
*
sara:
*تنفع
*الخميره زينه
الحلوة:
*أوكي شكلي بمشي مده ساعتين +بدله السونا +كريم نتحيف أنا بسويه في البيت شوو رايج
sara:
*اي بالبيت مو ضروري تطلعين
الحلوة:
*خلصنا من الجسم و الرشاقة
sara:
*ايوه التالي
الحلوة:
*كيف أنحف خصري حسيت من مواضيعك اناا خصرك روعه ما شالله
sara:
*حزام السونا والفكس هذا من سنين وانا عليه
*الملفوف حطيه بماي حار شوي وحطيه على خصرج واربطيه
*طبعا الفكس والسونا للجسم كله ينفع
*بس لا تشربين مشروبات غازيه بذات وقت الدوره
*لا تاكلين علج واجد وان كان لازم سكري حلجج وانتي تتعلجين عشان ما يدش بطنج هوا
*لا تشربين وانتي قاعد تاكلين ابدا لا شبعتي اكل اشربي بعدها
*بس
الحلوة:
*حزام السونا كم ساعة تحطينة
sara:
*انا بعد ولادتي اخليه من الصبح لليل لمده شت شهور بعد الولاده
*بعدين ساعتين باليوم وقت الزنقه اذا حسيت اني طشت
الحلوة:
*ما شالله عندج عيال
*ما طلعت لج كرشة بعد الولادة
sara:
*عندي ولد ومطيحه مرتين
*امبلا شلون ما طلعلي انا طلعت من الولاده كنت اصيح من الخرعه بطني شكله يخرع كان بس بالعنايه الحمد لله الحين مالي بطن
الحلوة:
*يعني مسح قالو لي البكن بعد الولادة ما ترد طبيعي
sara:
*لا مو صحيح كان امي كرشها لركبها الحين هذي امي ماشالله 8 بطون
*والله يباركلها خصرها وخصري وخصر اختي ام 15 سنه واحد
الحلوة:
*ما شالله
*شو تسوين
*حبيبتي مشغولة
*حابة ننقل لشي ثاني
sara:
*باك
*اسفه يا حياتي رحت اشرب دواي
الحلوة:
*لا عاااااااااادي
*أوكي الجسم و الوجة كيف أعتني فيهم
sara:
*شلون كيف تعتنين فيه
الحلوة:
*أبي جسمي يفتح و ووجهي بعد و يصير فيه نضارة و صفاء
sara:
*انتي بشرتح شنو
الحلوة:
*مختلطة
*و جسمي فية أماكن سمار مع اني بيضاء
sara:
*اها وين الماكن السمرا
*نخلص من الجسم ونبلش بالوجه
الحلوة:
*أوكي حلووووووو
*سوري اذا ثقلت عليج
sara:
*لا حياتي اساسا بنقل المحادثه هذي كلها وبحطها بالمنتدى اذا ما تمانعين لان فيها نصايح واجد ابي البنات يستفيدون
*اذا ما عندج مانع
الحلوة:
*لا عادي
sara:
*اها جسمج
الحلوة:
*بس لاتذكرين أسمي ههههههه
sara:
*مو مبين الايميل
*بس محطوط التوبك
*الحلوه
*واسمج بمسحه لا تحاتين
الحلوة:
*أوكي حياتو خذي راحتك
sara:
*طيب ياقلبي كنا بايش
الحلوة:
*في الجسم
sara:
*توحيد لونه
الحلوة:
*كل شي من نعومة و توحيد و صفاء ههه طماعه
sara:
*اشربي يوميا عصير عنب مع برتاقال او اكلي عنب واشربي عصير برتقال
*اوكي
*كثري ماي
*سر الترضيب والبشره الحلوه
*الترطيب*
*خلطه بسيييييييييطه سهله وحلوه للجسم تبيض وتشد لانج تعانين من ترهل وترطب بنفس الوقت
*جيبي علبه كريم جلوسوليد + كوب ليمون + ملعقه شبه مطحونه اخلطيهم واستخدميهم كريم ترطيب عادي
*تمام
*غسلي جسمج عدل بصابون يكون حلو
*البابايا مثلا خلطه الصابونيه
*والصابونيه سوو منها الوان واشكال
*برايي لو تضيفين لنفس المكونات كريم تنحيف براتنر مثلا وتحطينها بليل وتغسلينها الصبح راح تضعفين وتبييضين وتشدين بوقت واحد
*يعني كريم 3 في 1
*تمام
*شاحلوه
*يا حلوه
الحلوة:
*تماااااااااام
*كلمي يالغلاااااااااا
sara:
*وجهج بما ان بشرتج مختلطه غسلي بالبابايا يزيل الدهون المتراكمه
*ينضف بعمق ويجفف بعدها رطبي كثر ما تقدرين يكون الكريم مو زيتي هذا الترطيب العادي
*الماي واجد يوازن بشرتج والله عن تجربه
*للتبيض والنضاره
*كبسولات فيتامين اي روعه للنضاره وتوريد
*اي مفعولها ابطء بواجد من خلطات التبييض بس بدون اي سايد افكت
*افضل شي للتبيض الصبح كل يوم ليمون ابو زهيره الاخضر الصغير افركي فيه وجهج قبل لا تغسلينه له فوااااااااائد كثيييييييييييييييييييييره غير البياض
*مسام انسيها
*شعر وجه كثيف انسييييييييه راح يقلب شعر وجهج ناااااااااعم بدون لون والله
*كل يوم سويه لمده شهو وشوفي بالمناسبه بشرتج شلون بتصير
الحلوة:
*يعني أفرك وجهي بالليمون قبل ما أغسل وجهي بالصابونة
sara:
*ايوه
*وخليه 5 دقايق لين تحسنه جف
*وبعدين غسلي راح يحرق شوي بس راح تتغيين بسرعه
*تتغيرين*
*بعد في وصه للخت معانا بالمنتدى عشان شعر الجسم والوجه
*اللي هي ماي التمس المنقوع بعد الحف يقال انها روعه في تقليل الشعر خبرج الشعر يخشن البشره ويفقدها لونها الحلو
*تمام ياحلو
*بعد ياقلبي امريني
الحلوة:
*رووووعه منج
*ما يامر عليج ظالم
sara:
*:)
*بس خلاص ولا تبين شي بعد
*عيوني لج انتي بس امري لا تستحين فديتج اعتبريني اختج
الحلوة:
*اممممم شوفي بالليل شو أستخدم لوجهي
sara:
*بليل كباسيل فيتامين اي ممكن
*وممكن كريم سودو هذا انا اعشقه الكريم روعه
*او ممكن خلطه رتن اي والدكوين واليكوم اذا ماعندج دوام وبتقشرين تقشير خفيف
*سوي ماسك اسبوعيا مره عباره عن روب وعسك نخاله واذا قدرتي ولج مقاقه سويه 3 مرات بالسبوع ما تحتاجين تقشرين وجه بيصفي وجهج بطريقه ملحوضه
*عسل *
*يعني بمقادير العسل ملعقه صغيره وروب ملعقه اكل وملقتين شاي نخاله
*هذا بيعطيج رونق ونضاره وبياض ولمعه مو طبيعيه
الحلوة:
*شو ا لنخالة
*
لقد أرسل لك الحلوة لتوه إشارة تنبيه.
*
sara:
*النخاله لها اسم ثاني جنين القمح
الحلوة:
*أها القمح
*بخصوص الرؤوس السوداء و شفايفي شوي سمراء و ضروسي صفراء من الكوفي و الحاي هههه ما خليت شي
sara:
*حبيبتي تدرين ان اسنانج من القهوا والشاي
*قللي منهم
*وبعدين استخدمي بيكربونات الصوديم فرشي ببيكربونات الصوديوم مرتين الا ثلاث بالاسبوع
*الليمون وماسك العسل والروب والنخاله راح يشيلج اياهم
*ولاسنانج وصفه ثانيه الملح والفحم مفعولها سريييييييييييييييييييييييع
والافضل منها حطي خبزه على لهب النار لين ما تحترق واخذي الرماد اخلطيه بعسل وفرشي فيه بالفرشاه وشوفي اسنانج كيف
شفايفج سودا رطبيهم
*رطبيهم ثم رطبيهم ثم رطبيهم لا تلحسينهم بلسانج واجد يسودهم
*لا تعضين عليهم بضروسج
*يسودهم
الحلوة:
*بس أحي المرطبات تسودهم اكثر
sara:
*لا مو اي مرطب لابيلو واجد زين
الحلوة:
*شفايفي ماكانوا هاللون لهم سنه تقريبا
sara:
*الفازلين روعه
*حسسو عليج
*صح
*ما نشفو
*تذكري
الحلوة:
*هيه
sara:
*ايوه كنتي مع الحساسيه ترطبينهم بلعابج صح
الحلوة:
*مرات ههههههه
sara:
*ايوه هذا سبب تغير لون شفايفج
*رطبيهم بالفازلين والفكس يفتح لونهم
*سوي مره كل اسبوعين
حطي فازلين عليهم وبرشاه ناعمه ونضيفه فرشيهم على الخفيف
بعدين حطي عليهم عسل وسكر
*راح يفتحون ****لله
الحلوة:
*راح أضيف للفازلين دم الغزال
sara:
*ينفع بس وقتي
*يعني وانتي حاطه يصير احمر بس تقطعينه يرد لونه الطبيعي
*دم الغززال صبغه مثله مثل الحنه
*حطي الحنه على شفايفج انا احيان احطها لا بغيت لونهم يصير حلو يصير لونهم اورنج مشمشي حيل حلو
*بس يقعد يومين ويرد لونهم طبيعي
الحلوة:
*أوكي
*راح اطبق كل الي قلتيه بس بالليل بحط (سودو +أفالون )
sara:
*حلو السودو بروحه رائع والافالون اكيد روعه بشهاده الكل
الحلوة:
*يعني ما أخلطهم
sara:
*لا عادي اخلطيهم بس يفظل قبل الاستخدام يعني حطي بيدج مقادير متساويه من الكريمين ليلا وحطيه على وجهج
الحلوة:
*خلطة الجلوسليد للجسم قبل الشو رصح
sara:
*اذا بتضيفيله بارتنر واذا بدون بارتنر بعده يعني استخدميه مع بارتنر قبل وبدون بارتنر بعد
الحلوة:
*بخليها قبل الشور مع بدلة السونا وقت المشي
*بس شو أستخدم بعد الشور
sara:
*نفسها ليش تغيرين
*اذا تبين تغيرين استخدمي كريم فيتامين سي للترطيب روعه او لوشن الجسم من فير اند وايد هذا ريحته ومفعوله راااااااااائع
الحلوة:
*لاني ما احب جلوسليد بعد الشور فهمتي علي
sara:
*اها بدليه بفير اند وايت
الحلوة:
*حلووووو ياأحلى بنت في العالم
*قوللي طريقة الصابونية
sara:
*اها يا طويله العمر بلخصلج اياها بالمفيد
الحلوة:
*(F)
sara:
*صابونه البابايا + صابونه المره+ صابون الغار+ صابون الوزير المبشور +ماي ورد + سفيد اب+ 2 ملاعص صنفره كاب + سدر بودر 3 ملاعق
*بس والطريقه معروفه تبشر كل انواع الصابون وتنقع بماي ورد وتقلب على النار وتضاف باقي المقادير مع اضافه ملح شويه ولو حطيتي كركم جسم ملعقه بعد ازين
الحلوة:
*و السنفرات شو تستخدمين
sara:
*طحينيه + كاب + ملح اليوكو +قهوه تركيه ملعقتين
الحلوة:
*أطراف ياقلبي شو تسخدمين لها يعني اليد و الرجول
*خبرك رمز الانوثة خخخ
sara:
*والله ياقلبي اطرافي دلوسوليد وليمون بس وصنفره مره بالاسبوع زيت زيتون وملح لو سكر وافرك وبعدها افرك بليمونه لحد ما تنشف ايدي واغسل وارطب بجلوسوليد
الحلوة:
*و أخررر شي
*الشعرررررررررررر
*شعري ناعم بس مشكلته ما يطول بسرعة و فيه تقصف
sara:
*تقصف طرفي شعرج كل اربع شهور
ما يطول من تغذيتج اكلي جرجير واجد بسرعه يطول
سوي الدهن هذازيت الوزار+ 10 حبات مانع الحمل دياني 35 مفعوله سحري بطول الشعر
شامبو ميتال يطول الشعر بعد
شوي مغلي البابونج وحطيه برشاش ماي ورشي منه شعرج 3 مرات بالاسبوع سحر باطاله الشعر


الحلوة:
*بس زيت الوزار وين احصلة في الامارات
*في بديل عن هالخلطة
*وينج وياي
sara:
*اي وياج قلبي
*ما حصلتيه بدليه باي زيت ترتاحيله
*جدايل مال عبد الصمد القرشي حلو فازلين الشفاف ابو لزقه زرقه
*او سانسلك مزيج 7 زيوت روعه هذا
*:D بعد ياقلبي امريني
الحلوة:
*حياتي والله ما قصرتي وياي
*عطتني خلاصة خبرتك و تجاربج
*من اليوم ببداء في كل شي قلتي لي لانا أغلب الاشياء متوفرة عندي
*بقولج النتايج بعد شهر بالظبط
sara:
*اوكي انتظر على احر من الجمر مو تنسين تقوليلي شلون صرتي
*واذا تبين اتابع معاج ياليت تقولي اسبوعيا شصار معاج
*يعني يوم بالاسبوع
الحلوة:
*أكيد
sara:
*;)
الحلوة:
*لوتبين بوقلج باليومي
*اهم شي أصير قمر مثلج :D
sara:
*حياتي فديتج لا انا ما اقدر يوميا انشغل والله حبيبتي فديتج القمر والله انتي لبا عينج
*طبعا اكيد لا تنسين ان الحلاه بروح ترى كل الزين زايل ويبقى معدن الانسان اكبر نصيحه بفيدج فيها
نقي نفسج من الحسد والحقد والكره بتعيشن سعيده ارضي يرضى الله عنج والله على كثر ما انضر ما ناس قراب عمري ما نمت وانا اكره احد ولا اتمنى الشر لاحد هشي بيحبب الله فيج والله اذا حب عبد حبب خلقه فيه واطيد ما بقولج شنو علامات الطيبه بوجه العبد يصير انسان مريح للي يشوفه هذي اهم من كل اللي فات ذكره
الحلوة:
*طبعااااا مهما كان الجمال جمال الروح و الوحدة بدون روح حلوة و اخلاق ماتسوى و لو كانت ملكة جمال الكون
sara:
*;) يا عيني عليج الله ينقي ارواحنا من امراضها
الحلوة:
*سؤال على الطاير
sara:
*ابشري
الحلوة:
*حبيبتي عندج يشد الصدر بضيفة للجدول أحس صدري شوي رخو
sara:
*سويله رياضه
الحلوة:
*تشد
sara:
*وحطي عليه ماي ورد بارد
*قوالب ثلج ماي ورد مشيها عليه يشد
*اي الرياضه تشد
الحلوة:
*خلاص توكلنا على الله
*في أي شي حابة تضفينه من نصايج الدرر
sara:
*امسكي كفينج ومدي ايدينج لقدام بعدين فجيهم ورديهم لوره اخر شي تقدريت تتحملينه
*سويها يوميا كثر ما تقدرين
*لا بس ادعيلي الله يوفقني ويسهل اموري
الحلوة:
*الله يوفقج ويسهل لج أمورج و يسخر لج الصالح من عبااادة يارب
sara:
*حياتي تسلمين يالغاليه ويوفقج ويسهل دربج ويجعلج من اهل الجنه يارب
الحلوة:
*مشكورة ياقلبي على وقتج و نصايج لي بقولج النتايج أول بأول
*حتى في صبغت شعري بستشيرج
sara:
*حبيبتي فدوتن لج الوقت والدين نصيحه والله لا يحرمني الاجر
*لا لا لا تصبغين
*شلفايده تعالجين مني وتصبغين شحادج
الحلوة:
*أغير شكلي
*يعني دوم شعري غامج
sara:
*اوكي ضعفي فتحي رفعي شعرج درجيه بس صبغ حرام يدمر الشعر
*على هواج بس لا تدمنين
*البابونج يفتح الشعر اذا خاطرج تفتحين
*مغلي البابونج يوميا يخلي شعرج كستنائي
الحلوة:
*على قولتج الضعف أساسا بغير شكلي 180 درجة
sara:
*اها بشريني انتحراج
الحلوة:
*هونت على الصبغة مابا اضيع تعبي
*أن شالله ببشرج بكل خير
*أذا بتنقلين المكالمة للمنتدى غير علشان ما يعرفوني
*أوكي ياحياتي
sara:
*اجل تصبحين على خير يا الغاليه انا استاذن
*اكيد بشيل اسمج بس التوبك عادي صح
الحلوة:
*عادي
*بس لاتقولين أنها هاذي العضوة
sara:
*اوكي ياقلبي باي يالغاليه اشوفج على خير
*لا اكيد لا
*بس بحط توبكج
الحلوة:
*أن شالله
*تصبيحن على خير و نوم العوافي