اي استفسار عن جده && تحت امركم &&/ تم دمج مواضيع الاستفسارات

شقق مفروشة أكثر ما كثر ربي في جدة بس ما حددتي وشهي الميزانية ؟؟

يعني من أفخم الشقق المفروشة اللي عندنا راديسون ساس اللي في طريق المدينة فوق مفروشات المطلق بس لا تتلخبطون بينه وبين فندق راديسون ساس وبرضه في طريق المدينة
وفيه شقق مفروشة ثانية فخمة كثير بس هذي اللي أذكرها

أما بالنسبة للأسواق فحدث ولا حرج
شارع التحلية : بتلاقين فيه على اليمين وعلى اليسار كل مراكز ومحلات الماركات كلها الرخيصة والغالية
عندك مجمعات مشهورة في التحلية مثل
مركز البساتين : تابع لأصحاب مجموعة السواني فراح تحصلين فيه كل محلات السواني ومحلات ثانية كمان حلوة ولا يفوتك الكريب اللي ينباع في الجلسة تحت تراه مشهور إنه ألذ كريب في المملكة

مركز التحلية التجاري : مركز كبير وشامل ومنوع فيه فود كورت حلو وألعاب فوق حلوة للي عندهم أطفال كمان فيه محل فوق تتركين عندهم أطفالك ويعلمونهم على الرسم على البورسلان وأعمال فنية ثانية أو يجلسون يلعبون كمبيوتر ومرات يكون فيه وحدة تقرأ قصص للأطفال الصغر بس كل ما رحت ما لقيتها ههههه

هذولا على اليمين أما على اليسار :
مركز جدو مول : تلاقين محلات لملابس السهرة النسائية وفيه محل مشهور فوق يبيع فساتين زواجات وملك على الستايل الأمريكي .. الفود كورت حقه رائع .. لا يفوتك الفطور عندهم محل يبيع فول خطير وفيه محل تحت للأطفال برضه ممكن تتركين أطفالك عندهم وتروحين وأسعارهم أفضل من المحل اللي في التحلية التجاري
لاصق بجدة مول مركز الخياط ( 1 ) على نفس شارع التحلية ومركز الخياط ( 2 ) من الناحية الداخلية
هنا تلاقين الماركات الماركات ، آٌقنر ، كوتش ، قوتشي ، دونا كاران ،كريستيان لاكروا، بول سميث ، فندي ، تودز ، لويس فويتون وداخل مجموعة رباعيات تلاقين كنزو تحت وبرادا فوق هذولا كلهم في الخياط ( 1 ) جيفنشي لحاله في الخياط ( 2 )

برضه في الخياط ( 1 ) يوجد مركز جمالك هم أفضل ناس يسوون لك صبغات هنا في جدة ويدهم حلوة بالقص عندك عطرة مشهورة جداً بس أنا أفضل أميمة

عندك برضه بنفس صف جدة مول المنتزه ( 1 ) والمنتزه ( 2 ) في ( 2 ) مطعم فوق مرررررة لذيذ وجلسته روعة بس ربي يفكهم من المعسل

عندك كمان في التحلية لو دخلتي يمين عند كودو بيجيك مركز على اليمين قبال مطعم فدركرز اسمه مركز كورال عنده محلات حلوة بعد وماركات شيء غالي غالي مثل آرماني وشيء غالي وسط مثل مس سكستي

إيش كمان ؟؟؟ عندك مركز لو مول برضه من المراكز اللي في التحلية على اليسار مركز صغير ومهضوم وفيه جلسة للمأكولات الخفيفة بس لكن فيه مطعم فوق تطلعين له بالمصعد جلسته رومانسية بس أكله عادي

وبقية المحلات اللي في التحلية باينة من الشارع وما يحتاج من يدلك عليها


عندك كمان الصيرفي ميجا مول هذا عند تقاطع شارع التحلية مع شارع الستين مقابل إيكيا بالضبط
من اسمه هذا مركز بالمررررررة كبير ولكللللل العائلة ألعابة بالمرة حلوة ، الفود كورت منوع جداً ، ويوجد فيه مكان يحبونه أولادي فوق للعوائل ألعاب الكترونية وبولنق وبلياردو وتحت بس شباب سباق سيارات ورمي سهام وألعاب ثانية حلوة بس ما يدخلون إلا أولاد من عمر معين لكن عادي ممكن تجلسين أنت وبنتك بالجلسات اللي فوق عند قسم العوائل وزوجك ينزل يتسابق ويطلع هههه

عندك كمان عزيز مول هذا بحي الصفا بجوار دوار الطيارة فيه جيان وكل المحلات الثانية اللي في البلد مركز كبيييييييير وحلو بس زححححححمة آخر الأسبوع
ألعابه حلوة والفود كورت كمان بس عشان تلاقين محل تجلسين فيه عدل لازم إما تكونين في وسط الأسبوع أو فطور أو غداء

عندك الصواري لاند مارك في شارع الملك قبل دوار الكرة الأرضية فيه سينما للأطفال وفيه ألعاب فوق 3 أدوار .. الدور الأول فيه صالة تزلج وألعاب الكترونية الدور الثاني ألعاب الكترونية وفود كورت وتليفريك يطل على السوق كله والدور الثالث حق بولنق ومعسل ولو زوجك يزعل بسرعة لا تطلعون أحسن لنكم بتشوفون العجب هناك من الشباب والبنات اللي يارب يهديهم بس ولا يبلانا مثل ما بلاهم

فيه بجنب الكرة الأرضية سوق الروشة مدري الروشانا ( لأنهم اثنين واحد في التحلية وواحد بجنب الكرة الأرضية فألخبط بينهم ) هذا جديد وحلو ومرتب وأحلى مافيه ألعابه والفود كورت حقته


عندك كمان أسواق شعبية حلوة في جدة مثل مجمع الشرق شعبي بس مو تحسبينه بالمرة رخيص يعني من مستوى سويكت عندكم تلاقين فيه أقمشة حلوة بس أنت دام إنك من الشرقية لا تاخذين من أقمشة جدة لأن أصحاب المحلات يحطون الأقمشة الحلوة في الشرقية والرياض لأنهم يفصلون أكثر


فيه عندك كمان سوق محمود سعيد هذا أظن فيه ناس يسمونه سوق البدو الجديد فيه أثاث رخيص بس أهم شيء عنده اكسسوارات بيت رخييييييييييييييييييصة وبعضها حلوة ومثل اللي عند هوم بلازا .. عندك ناس مذينك وتبين تهدينهم روحي هناك هههههه فيه سوق البشوات ويابلاش برضه في محمود سعيد هذا لو كنت شاطرة تطلعين من عندهم أشياء لقطة مرة وحدة أعرفها أخذت من عندهم طقم شاي الكل يحسبه من أغلى الماركات ما صدقت يوم قالت لي إنه من يابلاش

عندك كمان سوق البوادي شعبي ورخيص
وفيه سوق الشاطيء بعد شعبي لكن عليهم طلعات بالأثاث شيء جنان وأول كان سعرهم رخييييييص بس الحين صار مثل محمود سعيد الأكسسوارات حقت البيت ممكن تلاقين عندهم شيء مميز كمان بس اكسسوارات محمود سعيد أرخص

عندك في البلد سوق شارع قابل هناك عاااااااااااااااالم محلات ومراكز أشكال وأنواع
وفيه محلات حلوة مثل لو طلعتي مركز الكورنيش الدور الخامس تلاقين المحلات اللي تبيع لك العطور وأدوات المكياج الأصلية وبسعر الجملة بس انتبهي لازم تروحين مع زوجك هنا لأنه مو سوق لا عبارة عن مكاتب عارضين بضاعتهم


وفيه كمان لو حبيتي تحوسين في الزحمة سوق باب مكة وباب شريف بس هذولا لازم تروحين لهم مع دليل سياحي لأن هذيك جدة القديمة وسهل تضيعين لو ما تعرفينها بس عندهم أشياء بأسعار جملة الجملة هههههه

صحيح ذكرت كمان سوق بترومين أو سوق الميناء بس هنا ممكن تلاقين البضاعة حقت الماركات اللي تاركينها عند الميناء تنباع بأسعار جداً رخيصة تخيلي قريبتي مرة جابت بلوزة ستيفانيل أصلية بعشرة ريال ؟؟ وعقب فترة لقيناها تباع عند ستيفانيل بأكثر من ميتين ريال ( لاحظي إنها لبستها قبل لا تنزل في ستيفانيل ههههههه )
بس أنا ما قد عرفت أطلع منهم شيء فبطلت أروح لمهم من زمااااان

يلله أظن إن أمداك تلفين على كل هالأسواق معناتك ما سويتي شيء غير اللفلفة فيها هههههههه

ـــــــــــــــــــــــــــــــــــــــــــــــــــــــــــــ
عندك بالنسبة للملاهي لايفوتك الشلال رووووووعة روحي من العصر ولا تطلعين إلا آخر الليل ( آخر الليل عندنا 2 ، 3 ) مو مثلكم 10 ههههه
صدق هنا بتلاقين ألعاب لكل العائلة وصالة تزلج ومرات يكون فيها عروض استعراضية حلوة والفود كورت كمان حلوة وتلاقين برضه في الجزء الخارجي جلسات بالهواء الطلق ويوم الثلاثاء عندهم نساء فقط

عندك طبعاً ملاهي عطاالله كمان في الكورنيش بس هذي قديمة يمكن قد رحتيها ؟
عندك للأطفال الصغر تشكي تشيز في الكورنيش قبل ملاهي الشلال ألعاب الكترونية وصالة تزلج والبيتزا حقتهم خطييييييييرة

ـــــــــــــــــــــــــــــــــــــــــ
طيب خلينا ندور على معالم ثقافية ؟؟؟
على البحر فيه مركز جدة للعلوم والتكنولوجيا هذا حلو للأطفال ولاااااااااااازم تودينهم له وعند الدخول اسألوا عن الخصومات لأن بعض الشركات مثل أرامكو لهم أسعار خاصة

فيه متاحف مثل متحف جدة الوطني خلف مركز الكورنيش
ومتحف عبدالرؤوف خليل ( مدري وينه هههههه )


وياهلا ويامسهلا وحياك الله في بلدك الثاني هههههههههه
<<< صدقت إنها مرشد سياحي

شقق عندك في جنب الايس لاند على شارع الامير سلطان
بس مو فاكره الاسماء ان شاء الله لما اخرج اكتب الاسماء
بالنسبه للسواق اشوف اسال بس مو اكيد القه
ولو تبغى مساعده لاتتردي

تم تعديل العنوان

بارك الله فيكم يابنات

تسلمين يأم سعود ماقصرتي كفيتي وفيتي
زوجي لقى على شارع التحليه بس للحين مو أكيده

الله يعطيك العافيه ياجودي الساحره مشكوره مالي غناة عن اهل جده