اي بنت لها علاقه تتفضل قصتي

السلام عليكم
نصحيه لكل بنت لها علاقه مع شاب اقري قصتي
مو من نسج الخيال ولا تاليف الله لايوفقني اني صادقه بكل كلمه
عمري ٢٨
قبل عشر سنوات لما كان عمري ١٨ نجحت
وطلبت من امي لابتوب وجابت لي وليتها ماجبت لي
تعمقت بمنتدى حبيته وحبيت اعضاه كان منتدى
مختلط وفيه شات دخلت الشات ع اساس بستكشف
حصلت كل اعضاء المنتدى ورحبو فيني وهلو ولزمو
اجلس معهم وكل يوم صار هالحاله من ارجع من للدوام
اجلس معهم لين وقت النوم اطلع لاهلي
بين فتراة وقت الاكل والعصر بس
امي لاهيه عني بالطلعات والمسايرر
اهملت نفسي اهملت دراستي صرت حقت طقطقه
تعمقت تعمقت لما عرفت كيف الشباب نظرتهم للببنت
كيف يلعبو عليها كنت حذره من الاشياء هاذي
وكانت اشوف اعضاظ المنتدى كيف يخططو ع البنات
للاسف الولد اذا شافك ثقيله مستعده يركض وراك
لو ١٠ سنوات لين تعطينه وجهه ويجيب راسك
بعدها يرميك
ويدور غيرك
حصلت معاي كنت صعبه لحد الموت ماحد قدر يشبكني استمر معاي واحد يحاول لمدة سنتين ونص
مستوعبين لين صار عمري ٢١ وهو يحاول
كنت بذاك الوقت
غبيه
مغفله
مادري كيف لعب فيني ابليس وقلت اضيفه
واشوف اللي عنده كنت بنت بريئه
ماعرف ايش وراء العلاقه المحرمه
بدا فيني بشوي شوي اولها مسن
بعدين مكالمه مره بسمع صوتك
بس مره
تكفين مره
اذا تحبنيني مره
وسمحت بهالمره
وصارت كل مره يبدون بكلام حلو
انا احبك
انتي اول بنت بحياتي
انا ارتحت لك
والله وعد مني ماتتركك
تصحين ع كلام حب وتنامين على الاحلى
وتبدين تبنين احلام ورديه
ولا تدرين انه ذيب همه الوحيد اشباع رغبته
فجاه وريني شكلك وريني جزء من جسمك
صوري لي جسمك صوري لي صدرك شفايفك
وكل مره كذا كذا
لما تستسهلي الشي
فجاه بعد سنه او اقل تبدين تلاحظي
الانسحاب والتهرب لانه بكل بساطه
شبع منك
مل منك
فحاب يغير لاتصدقي كلام الحب لاتصدقي الاستعطاف
انا كان يبكي عندي اذا مارديت عليه وكنت
غبيه مغفله
اصدق اصدق
تركني ولا اهتميت لاني بكل بساطه
ماحبيته ولا ملت له بس حبيت اجرب شعور الحب
بعد سنتين لما صار عمري ٢٤
طحت بواحد مو من عالم النت من الواقع
حبيته بكل مافيني وكل شي
بس كنت حذره معاه يدري اني احبه وجالس
يحاول يستغلني ويضعفني
انك لو ماطلعتي معاي بنقطع
واخليك او بحب بنت غيرك
كنت معاه مكالمات وبي بي
ونفس طريقه اللي قبله يصحيني بكلام حب
وانام ع كلام حب ونفس الكلام كلهم يقولون
نسخ لصق حبيتك ارتحت لك ماعيش بدونك انتي وش سويتي فيني
تعلقت فيه بشكل رهيب جنوني
من كلامه من حبه من خوفه
اللي يشوف كلامه يقول هذا مايعيش بدونك
لاكن الصدمه
بعد مدة سنه ونص صار يسحب صار راعي علاقات
بالتويتر والبي بي قدامي يكلم بنات
يستهبل معهم جيت تهاوشت انا وياه
وقلت تحذفهم الحين الحين!
تدرون ايش رد
لايكون على بالك انتي زوجتي!
هالكلمه صحتني من عالم ثاني
اكبر مصيبه تتخيل بنت ان فيه ولد بيرضى يتزوجها
وهي له علاقه معاه والله ثم والله
ان ٩٠ بالميه اذا مو ١٠٠ بالميه
ماخذك تفريغ شهوه وتصبيره لاكثر ولا اقل
انتي يمكن تكوني صادقه بعواطفك بس الرجل
مستحيل والله اذا جاء الجد قال لاهله دورو لي
بنت حلال من الاقارب او المعارف
وانتي اسمك عشيقه بالظلام ومن اول مايتزوج
بيسحب عليك
وربي صحيت على نفسي وبكيت على اللي سويته
وتبت لربي توبه نصوحه والحين لي اكثر من سنتين
اجاهد نفسي اترك الاماكان اللي فيها اختلاط اوسوللف مع شباب حتى التويتر قفلته وخاص لي ولصديقاتي
ووقتي اشغلته بالطبخ والتنسيقات وبنفسي
والله ان فيه بنات يجيها مرض نفسي
وتعب وتكرهه نفسها واهلها بعد هالعلاقات اذا سحب عليها فنصيحه
لاتضيعًوً انفسكم بعلاقات وهميه
وكل ام تنتبه ع بناتها ترا البنات عاطفيات وحساسات
بكلمه يروحو ويجو