اي مشرفة توجيه تدخل موضوعي الله يحرم وجهه عن النار

السلام عليكم ورحمة. الله وبركاته             خواتي في الله.    ابي منكم استشاره  قبل مااروح التوجيه   بخصوص  بنتي بصف اولى ومعيده.     انا ابقولكم  معاناتي.  بنتي بأحد  المدارس الابتدائيه. التابعه للملز.               الموضوع     انه    في.      السنه الماضيه.     بنتي كل متأخذ.  التقييم تاخذ اربعه.   وكل من سئلته.    يطمئني انه  ماراح.  ترسب  ولا تعيد لانه.   تقييم.    وانا.   يشهد الله ماقصرنا.  جبنا له بدال المدرس اثنين.   والمدرسين اللي فيً البيت بنفسهم. يشيدون انه.   صارت أحسن ومنطلقه في القراءه.    الين.  جاء وقت.  النتيجه النهائيه.    وبرضو. تاخذ اربعه.  يعني. تعيد السنه.    المهم طلبت يقيمون البنت مره. ثانيه.   وانا موجوده  والا.   يدخلون علينا.   اربع مدرسات مع.  المديره.   والله. لو كنت  انا لحالي لاخاف من الكثره. هاذي فما بالك.   البنت اللي. ماله لاحول ولاقوه.   على. قولة حامد.  زيد.  جيتكم.  فرد  وجيتوني جماعه.   البنت ارتبكت. ما عرفت  تطلع الكلمه هاذا وانا عنده.  وبرضو.   قررن انه لازم تعيد.    المهم. قلت.  الشكوى لله.    نعيد. منا.  ان البنت.  تاخذ خبره اكثر.  ومنا. يتطور مستواها.   هاذ الكلام كله العام.     السنه هاذي.   جيت من بداية السنه وطلبت. من. معلمة الفصل اللي جمبهم.    طلبت منه خصيصا انه تحط بنتي عنده.  لانه معلمه تئسيسه صح. وانا قد.  حطيت بنتي الاوله عنده  لأني قلت مابي أطيح باي  خطاء طحت فيه العام لأني ماخليت بنتي عنده.   لان بصراحه بنتي لوكانت عنده من العام ماصارت المعاناة  هاذي كله.   طلبت منه كذا.  ورفضت بلباقه.  قالت  والله عندنا مدرسه جديده.   قلت ابوها طالب انه عندك.  تكفين لاتنسين الموضوع.    والا اتفاجاء انه عند المدرسه الجديدة   وقلت يمكن خيره.   وطوفت الموضوع.   وبعد الاسبوع الثالث من الفصل الدراسي اطلبوني  ولازم ضروري ضروري. قلت يارب استر وش فيه.   الا.  وتقول.   المشرفة مع المدرسه الجديدة.  ذي.  والله بنتك.  كثيرة الغياب.  وانا امسك راسي. بنتي اصلا. ما غابت من بداية السنه. الا يوم واحد. بس. وبعذر بعد.  ويؤمن شافني. انفي بشده. وتقوم. المشرفة تصحح للمعلمه الجديدة  ذي.   ويوم انتبهت قالت.    لا لا.  ماتغاب.    قلت خير طيب وش طالبيني له قالت والله بنتك  مستواها. ماهو زين وشدو عليها.   قلت الحين لازم تحطون الغياب عذر.  ومبرر.    لمستوى بنتي.   وحنا ترى تونا ببداية السنه مايمديكم.  تحكمون عليها.  قالت انتي وش شايفه قلت انا شايفه بنتي. متطوره السنه ذي.   وحتى بالقراءة والاملاء أحسن   قالن شدو عليها قلت ان شاء الله.     المهم جاء التقييم. قبل امس.  وأخذت اربعه بلغتي فقط.  وكاتبات       بالتقييم    الطالبه كثيرة الغياب        ثاني مره    تكرر الحركه هاذي    وش السالفه      والبنت  من بداية  السنه الى هاليوم   ماغابت الا اربع ايام   وبعذر   وواحد  منهم بعذر طبي وغير  كذا ياخواتي والله والله انه ما عمره  صار عليها إملاء  الا وتكتبه اغلبه صح مثلا اربع كلمات تكتب اقل شي ثلاثه صح ماشاء الله.      والدفتر عندي.   محتفظه فيه لأني أبروح التوجيه.  يطلعون عليه.  بنفسهم.    وقبل. ما قررت اروح  التوجيه. قلت   أحاول محاوله أخيره ورحت لم المساعده.   حاولت افهمها.  وشرحت له كل شي ان من بداية السنه وانتم   تقولون الغياب ومدري ايش.   قالت انا متابعه موضوعك من العام  يوم طلبتي نعيد التقييم وعدناه.  وانتي الحين جايه تشكي بنزاهتنا. قلت انتي نزلي معلمة الغياب واسئليها.  ونزلتها وجت. ومعها دفتر الغياب. قالن عليها. ست ايام. قلت لا. اربعه واثنين بعذر.  واليوم الرابع. هو اخر يوم.  قبل عطلة الحج. ماحد. في السعوديه راح ذاك اليوم.   اشوف الحين طلوعو اربعه. ولو ادقق.  مافيه الا يومين.    قالت المساعده يعني انتي منتي معترفه.   بالسته.  ذولي.  قلت. لا.     قالت.  وهي تضحك. باستهزاء.  علي.   تقول للمشرفه.    والله العظيم أقولها. سته تقولي اربعه.      قلت. فرضا فرضا.  سته مع اني. ماعترف الا باربعه.    هل هاذا يخليكم. تقولون كثيرة الغياب    قالن واذا الغياب ايش المشكله    قلت    انتم.   ثاني مره. تستخدمون.  مبرر.   للحكم. بمستوى البنت.    انا صراحه صرت أخاف اذا المعلمه بنفسها. ماتدري البنت حظرت ولا لا.      شلون. اخليها.  تحكم على مستوى البنت.    وكالعاده.   طلعت بدون تتيجه.   فقلت لهم.  انا اطلب تنقلون البنت. لصف المعلمه اللي جمبهم. وهاذا طلبي له شخصيا من بداية السنه.  وماشفت تجاوب واضح منكم.   رفضت المساعده.  قلت. اجل ما عندي حل ثاني.  ابروح لتوجيه.    عطوني اسم التوجيه ألتابع. لكم.   اكتبوه.  لي  رفضت بالبدايه قالن لا منكتب شي.  قلت انا اكتب.   قالن روحي للإشراف المربع. وعطتني اسم.  موجهه معينه بالاسم.      انا عاد ماني رايحه لها. ابروح.   لمديرة التوجيه شخصيا.             انتهى.     وادري.  صدعتكم. بمشكلتي.  بس مالكم الا الأجر.  وألثواب من الله فمن فك كربة من كرب مسلم فك الله عنه كربة من كرب يوم القيامه.         نوروني يرايكم.  وخبرتكم وش اسوي.  وهل انا صح