هذي تقول هالمعهد والله انه زين قالت الثانية أمحق والله انهم مغربليني قالت الثالثة أبددددد عليكم بذاك المعهد
قالت الرابعه والله انتس تعقبين انتي اكيد موظفتن فيه وتسوين دعاية
قالت الخامسة مير ماهناك أزين من المعهد الفلاني والله العظيم
لا قلنا كيف ووشلون
قالت البنات فيه ذربات وسنعات وكل يوم يجيبن حلا وقهوة
آآها طيب والمدرسات
قالت أبد ماازين منهن احد
طيب ليه
والله مايهاوشننا نتقهوى وهن يشرحن
لعنبو دار ابليس واهله وذريته
انتي رايحه تدرسين ولا علاقات اجتماعيه
فأنا يابنات أحترت
أبي معهد عن حق وحقيقي تدريسهم طيب وأجواؤهم حلوة(يعني المكان اذا صار مريح تقدر الوحدة تدرس برواق)
انا صراحتن أفكر بالعالمية طبعا انا ببريدة
وشفت الخليج بس مو متأكدة
وهورايزن عوفوني الناس فيه
وأبي المعهد يكون معتمد من الخدمة المدنية مدري الديوان مدري الوزارة والله اني متلخبطة مدري وش يبون
انا ابي ادرس حاسب 6 أشهر
طيب وش اختار اسمع معالجة بيانات وووووإلخ
أبي شيء مطلوب أول ماأدور وظيفة يقولون حياتس
وكل الشكر
وأما المعهد التقني اللي ضيعوني يقولون الكلية التقنية نهاري كله أفرفر طلع هو
طبعا انا رحت أمس 27 من شهر 1
قلت أبي تعليم موازي اللي هو أدفع لهم فلوس وادرس مسائي قالت موقفينه من ترمين ويمكن الترم الجاي مدري السنة الجاية يمكن يرجعونه وانتي مانقبلك حتى لو كان فيه لأنك متخرجه من ست سنين
وطلعت مكسوحة:42: سدوها بوجيهنا من كل مكان حسبي الله ونعم الوكيل
ماعاد عندي الا معهد حاسب ساعدوني الله يجعل لكم مساعدتي سبب في سعادتكن:26:
ملونة لكم الموضوع عشان تحسون انكم بالروضة
وردةاليابان @ordalyaban
عضوة فعالة
اي معهد حاسب أدخل والله حيرونا....ارجو المساعدة وتراني رحت للمعهد العالي التقني\تعالي
الطالبات •
4
586
يلزم عليك تسجيل الدخول أولًا لكتابة تعليق.
الصفحة الأخيرة
رفع لعيونك