اي واحد فيهم اللي ظلمني؟ ساعدوني جاوبوا السؤال :(

بنات ،، انا الان جالسه احاول اجاوب السؤال ليش
تزوجت -او بالاصح- زوجوني اهلي لشخص وانا عمري 18 سنه ،، عشت معه اجمل اجمل سنوات عمره وعمري،، مااقدر اوصف مقدار الحب والعشق،، عشت معه 8 سنوات حب وخيال وعشق وترحال،، كنت حسب كلامه اكثر من الزوجه المثالية،، قسما بالله يابنات كنت اصحى الفجر احضرله القهوه قبل يطلع، امه وابوه كانو امي وابوي واكثر قسما بالله،، الشخص هذا طلع عقيم ومافيه امل يجيب عيال ،، تطلقت منه لان حسب رأيه مابي احرمك من الذريه،، طلقني وانا عمري 25 سنه،،
بعد ذلك وخلال سنه خطبني شاب ماسبق له الزواج ،، تزوجت وجبت بنتين ... في بداية الزواج حبني موت وبعدين بدا يعايرني اني مطلقة قبله، وبعد ذلك بدأ هو يبعد عني وعن عيالي وعن البيت ،، ضغطت عليه ومن ثم على اهله انه شلون كذا لازم يصير مسؤول ،، حسيته متورط بالزواج وطلبت الطلاق وطلقني مباشرة وانا عندي بنتين،، بعد 7 سنوات زواج،، انا مثل ردة فعل مباشرة تزوجت من شخص اخر تقدملي على الرغم من انه متزوج ولكن كنت ابحث عن استقرار واحد يساعدني افتح بيت واربي بناتي،، طبعا ابو بناتي اخذهم مني لمن تزوجت،، بعد ذلك جبت ولدين من زوجي الثالث،، زوجي الثالث كان يعاملني كما الاميرة،، علي فكرة انا جميلة جدا على حسب كلام الاخرين زائد جسمي رشيق جدا فكان زوجي الثالث يقولي انتي اميرتي (اميرات الديزني هههه) المهم طلقني بعد 8 سنوات زواج لانه يقول انا رجعت لام عيالي مع انه كان ميت علي ويحبني موووووت
الحين السؤال اللي محيرني ,,,, اي واحد فيهم اللي ظلمني ,,,,, لاني اشعر بالظلم والكسرة :(
الاول اللي كان عقمي ورماني او ثاني اللي تعذر اني متزوجه قبله او الثالث اللي تعذر بام عياله؟؟؟؟؟؟
زائد وشلون ابربي ببنتي وولدين من ابوين مختلفين :(