اي وحدة تمتلك كلمة ومواساة طيبة تجي خصوصا الأخت فيث والجميع

الزبدة اني احتجت جراحة وزوجي حاليا مستحق للاجازة وكلما حاول رفضوا يعطونه وصايرين يفصلون الموظفين بدون اسباب فصلو كثير من أصحابه وهو حتما بيجيه الدور
وزي ماقلت انا تعبانة وحاليا محتاجة مراجعات ضرورية وتكون صباحا والتأمين انتهى ولازم حكومي والحكومي قالو المشكلة شوي صعبة فبيحولوني على استشاري جراحة لمشكلة صحية وحاول فيهم عندنا موعدين ضرورية رفضو نهائيا حاول يشرحلهم الظروف رفضضوا بالمرة وقالو تطلع مهمة مدينة ثانية وحنا مالنا دخل بظروفك
زوجي تعب منهم نفسيا وبدون سابق انذار قدم استقالته بشكل مفاجئ ومو ندمان طبعا لانه تضرر نفسيا منهم وصار عنده هاجس الغياب يخاف يتأخر ويروح تعب الشهر كله...
وانا بصراحة حاسة بضييقة وألم افكر في الديون اللي علينا كثيييرة مرة.. من جهة ظروفي الصحية ومن جهة الوظيفة والظروف المادية
الوظيفة البقاء فيها صعب وتركها صعب.بالقوة لقيناها لكن عشنا مهانة فيها غير طبيعية وظروفي الصحية مشكلة ثانية


لكن الله يعوضنا بأفضل منهالاتحرموني دعواتكم ومواساتكم اعرف مابيدكم شي بس حاسة اني بحاجة نصيحة دعوة اي كلام ممكن يخفف عني ويزيد قوة احتمالي وتفاؤلي

الله يفتحلكم ابواب الرزق ويرزقك وزوجك من حيث لاتحتسبون .. اتوكلي على الله ياقلبي وفوضي الامر له .. واتذكري دائما ان كل امر صار بقدرة الله وحده يمكن استقالة زوجك تكون فاتحة لخير ورزق ما كنتوا تتوقعوه .. اكثري من الاستغفار والصلاة على الرسول عليه الصلاة والسلام ( الصلاة الابراهيمية ) كل يوم لو ١٠٠ مره .. وبحول الله الواحد الاحد يفرج همك .. ما راح انساك من الدعاء ❤️

خسبي الله عليهم

ياااعمري ..الرزق مو بيد أحد وقسوة البشر لاتعدلها قسوة
يمكن لماتركهم أفضل من لما يفصل بسبب ظروف فوق إحتماله
أهم شي حاليا صحتك ..كملي علاجك بالمستشفى الحكومي
وفكري في مشاريع صغيرة تنفعكم
يعني فكري باللي جاي ..
يارب ينفتح لكم باب رزق مالأحد فية فضل ولامنه

الله يشفيك يارب ويرزقكم من حيث لاتحتسبون..
يقدر زوجك يشتغل بمرسول كريم اوبر كلها يسجل فيها بإذن الله بيطلع لكم دخل مناسب..
وبالنسبه لمواعيدك روحي لها مع اخوك او امك او احد من اقاربك او كريم او اوبر .. اصبري ياحبيبتي ومابعد الصبر غير الفرج..