اي وحده تروح لمركز SCENTEDاللي بمملكة المراة......انتبهي

حبيت اكتب هذا الموضوع لكم يابنات عشان تنتبهون لما تروحون لمركز سنتد اللي بمملكة المراة
لايلعبون عليكم رحت لهم باصبغ شعري ومدحولي البنات فتيحة 1 قلت لها بصبغ لولايت فاتح قالت اوكي بس لازم اوحد لون شعرك قبل بس لازم تعرفين الاسعار رحت للرسبشن شافت شعري قالت 500صبغة 675لولايت لونين و150 رنساج التوتل ب1325
قلت صراحة غالي بصبغ شعري واجي قالت الكوفيرة اوكي والرسبشن بسم الله علي قالت كيف تسوين لنفسك اصلا صبغاتنا كويسة ماتخرب الشعر وماتلاقينها بالسوق
بعد اسبوع صبغت ورحت لهم قالت الكوفيره تبين تعرفين الاسعار قلت لا واثقه الاخت:42: وطلعت فوق ثم شافت شعري قالت حلو وش تبين قلت ابي فاااتح الله يعافيك توصي فيني زوجي يبي فاتح قالت بحطلك لونين عسلي ومعاه لون فاتح قلت سوي الي تبين بس فاتح
وهي تصبغ قلت ابي تقصين اطراف شعري يوم خلصت بسم الله طارت تجيب المقص وقامت تقص قلت بس لا اطراف الشعر بعدين قلت لها كان العسلي كثير شوي قالت بالعكس يجنن تبين افتح من كذا يطلع قروي بعدين بيفتح اكثر نزلت احاسب كلمت الرسبشن وانحاشت قلت الحساب قالت 1075 طااااااااااااارت عيوني يربيه وش الفايدة وش سوييييينا:icon33: الصراحه مهما كان اقدر ادفع المبلغ عادي بس اعوذ بالله حرااام :(
قلت لها وشلون قالت اللولايت 775 عشان لونين وانتي سويتي لنفسك الاساس عشان كذا اضفنا 100 والقص ب150 قلت بس اطراف الشعر قالت لوالغرة كان ب80 قلت احسبيه بسعر الغرة حراام ماقصيت شي قالت هذي الاسعار والرنساج ب150 من القهر قلت سوي فاتورة قالت اوكي بكل ثقة واذا تبين تكتبين شكوى تفضلي طبعا بعد النقاش الطويل:angry2: كتبت واخذت الفاتورة وطلعت وانا في السيارة طلعت الفاتورة تفاجات انها كاتبه مع القص +شامبو من جد مت قهر ودي ارجع بس ماقدرت وشلون ماانتبهت عندها :42:
رحت للبيت قالو اهلي غامق قلت انتظر زوجي يوم جا من السفر قال حلو بس بني انا اقولك اصبغي فاتح قمت كلمت المركز قالو تعالي ثم كلمت فتيحة 1 بجوالها انهبلت وقالت ليش كلمتيهم خلاص اذا تبين تعالي بس بيخرب شعرك مو تقولين ليش بعدين هذا طلبك قلت انا قلت فاتح قالت لو قلتيلي فاتح كان صبغت لك فاتح (صراحة هي مااشتهت تسوي فاتح وبس!!!) اجل وش انا اقول من الصبح :angry2: كل هذا وما قلت فاتح حتى اختي معي وتقول نفس الكلام
عاد انا جلست ثلاث اسابيع ثم كلمتهم قالو وينك (انا غلطانه اتاخرت)تجين بس بفلوس فكرت وكلت بلاها اخاف يخربون شعري وبس لو سوت لي من البداية احلى
من جد يبنات انقهرت عشان كذا مابي اي وحدة فيكم يتكرر معاها نفس الموقف والله لو فيه دورات تعلم الصبغ والقص على مستوى طبعا كان ادخلها ولانحتاجلهم الشكوى على الله ومدري ليه هالاحتكار لرويال ماجيكل مانلقاها بالسعودية الا عند المشاغل عشان نضطر نسوي عندهم حسبي الله ونعم الوكيييييييييييييييل
معليش عارفه اني اوجعت روووسكم سامحوني بنات