🤔انا عجزت افهم عليك يا عواطف
كيف كنتي بعلاقه مع واحد علاقه شريفه
تقصدين متملكين ؟
اذا كذا صح يعتبر حب شريف
انا مااتكلم عن اللي تحب حب شريف
لا
وكررت هالشي لماً تعبت
بقولكم حاجه
قبل شويه كنت اسولف مع وحده من صديقاتي
بالواتس
وقلت لها موضوعي واللي حصل فيه
وكنت اعرف قصه لوحده من قريباتها
قلت لها عيدي القصه
او اكتبيها برسلها لانهم يبون تجارب وحلول
قالت طيب


وحده من قريباتي تعرفت ع واحد بمجال عملها
مكان بينهم اي شي ابداً
المهم قدر يعطيها رقمه
ورفضت تاخذه ومع التكرار اخذت الرقم
اتصلت بعد شهر من اخذها لرقم
كلمته وهي خجوله سلام فقط
وبعده صار هو يتصل ويسأل عنها وعن الشغل
مع انه وقت العمل مايتكلم معها ابداً
بدون ماتحس تقول قلبي يفز له اذا شفته
وافرح بشوفته
وبقت تتكلم معه مر سنه ع نفس الوضع
مكالمات ورسائل عاديه جداً
تقول بديت اتغير مااحب احد ينصح
تقول قبل كنت اشغل اليوتيوب على المحاضرات
واحب اروح لدروس في المساجد لداعيات
بعده تقول اضيق مااحس بالانشراح
اللي كنت احسه قبل
ايام المحاضرات او الدروس
تقول مرت الايام لماً وصلت العلاقه بينهم سنتين وهو باقي محترم بمكالماته
سوالف عاديه عن اي حدث يحصل
اهم شي يسمع صوتها وهي تسمع صوته
وفي يوم تقول كنت جالسه اتأمل حالي!!
والامور اللي حصلت لي
تقول قبل اتعرف عليه فيه اشياء بيومي اسويها
سوا مع اهلي او صديقاتي
او اشياء لنفسي انا
يومي من اصحي وهو تفكير فيه
ومكالمات معاه ورسائل مافيها غرام وحب
لا بس اي رساله توصل معه تقول يفز قلبها
وتستانس برساله والمشكله الرساله احياناً
دعاء يعني رسائل دينيه !!
المهم
تقول تعبت من حالي تغير شكلي
و تغير كل شي فيني
احب اجلس بلحالي واكلمه او اراسله
يومي بالنهار اشوفه وقت العمل برغم مااقدر
اكلمه بس اشوفه
ووقت رجعتي للبيت مكالمات ورسائل
تقول ع هذي الحال كأني مسجونه له
مقيده نفسي برضاي امشي وراء قلبي
مجنونه فيه مااشوف بالحياه الا هو
يوم كله هو حياتي كله تفكير فيه
تعبت
تقول حسيت اول مره ودي اسجد وابكي
مشتاقه لربي
كنت اصلي اي كلام صلاه وخلاص
حركات ركوع سجود واقول صليت !!
واروح اوضي وضوء وكأني اول مره
اوضي من سنتين
وتصلي ركعتين اخر الليل تقول سجدة سجده
غسلت سجادتي بدموع ودعاء
واخر دعاها تقول من شدة حبي له
دعيت هالدعاء يارب ابتلني بمرض يلهيني عن حبه!!!!!!!!!!!!!!!
متخيله درجة الحب اللي وصلت لها
تقول وبقيت ادعي وانا ساجده وابكي
تقول بعد الصلاه حسيت بشوق غريب للقران 😭
اشد من الشوق للمويه وقت العطش
تقول واقرا سورة البقره
ومن لحظتها حسيت قلبي يطير من الفرح
احس قيد وانفك


تقول اقسم بالله العلي العظيم ان ربي طلع حبه
من قلبي
وتقول بقيت اقرا سورة البقره
واصلي اخر الليل وتضرع ان ربي يغفرلي
وتقول سبحان الله تعلقت بسجاده
اصلي سنن الرواتب وزاد تعلقي بالقران
والتسبيح
وتقول ارسلت له ان العلاقه انتهت نهائي
ارسل عليها وش فيك
قالت يكفي اغضبت ربي سنتين وانا اتكلم مع رجال غريب مايقرب لي وبعد انا وانت نبرر
لأنفسنا إننا مانقول شي حرام
وعلاقتنا اصلاً حرام انت ماانت من محارمي
ولا انا من محارمكم والحمدلله اننا ماتوفينا
ع هذي الحال
تقول تأثر من الرساله و رد عليها
قال اوعدك ماارسل لك شي وبعد كم شهر
نقل من عمله وانقطع نهائي


سبحان الله كلام صديقتي عن قريبتها
اثر فيني اكثر حاجه دعوتها ع نفسها
اوصلت لمرحله تبي تتخلص من حبه
لو بمرض
ياقلبي اي بنت لها علاقه مع شاب وغرقانه
بالحب
اسجدي لربك وادعي ان يخلصك من حبه
تضرعي بقلبك خاشع والله العظيم مايردك ربي
هذا هو الحل اللي مايخيب من سواه
ادعي يارب امحو حبه من قلبي وابكي وتضرعي
والله ربي مايرد عباده


نقلت لكم قصة وحده من قريبات صديقتي
وهي استأذتها قبل انشرها
وقالت انشروها تبي الاجر

اي موضوع فيه تذكير لبنات المسلمين
ماتجي وحده ليبراليه او مسلمه عاصيه او وحده ماتعرف الحلال والحرام وتفتي وتحرف الأحاديث وتسقطها في غير موضعها وتكذب على رسول لان من كذب عليه متعمداً يتبوأ مقعده من النار
ثانيا ماتجي وتبرر معصيتها وتوحي للعالم ان هاذي مو معصيه وتبرر الغلط للناس لانها راح تحمل أوزار غيرها
واللي بلاها الشيطان تنطم وتسكت ولا تجي تناقش في الغلط وتقول حريه وحضاره الا قمة الجهل والتخلف والغباء لانها عباره عن مقلده لدول الكفر والفسق وليس عندها ثقافة الاعتزاز بالهويه ولا تعرف انها من خير أمه اخرجت للناس / تبحث عن الدونيه وتترك خير أمه وهذا ان دل على شي يدل على الاميه والجهل (إنما يخشى الله من عباده العلماء)
يعني باختصار اذا جاء موضوع فيه تذكير بالله راح يدخل قلوب الناس اللي فطرتها سليمه
واللي فطرته مو سليمه راح يجادل في الباطل ويبرر الغلط
انك لاتهدي من احببت ولكن الله يهدي من يشاء

صحيح يعني كنت في مدرسة بنتي الثانوية وبعدين في محاضرة تقول فيها ان احتووا بناتكم والاب والاخ خلوهم يجلسوا مع خواتهم وبناتهم اعطوهم حنان وحب لا تخلوهم يدوروه برا
طيب على كذا خلاص اركز جرعات الحنان انا وابو بناتي وعيالي وبلاش يتزوجوا
يا جماعة في فرق ترا مهما الاخ او الاب اعطى بنته او اخته حتان هذا ما يغنيها عن الزوج والخب الحلال بعد الزواج لا تحطوا مبررات انا ما يقهرني الا حتى بعض شيوخ يقول ويوجه كلامه للاب وللاخ ان اهتموا بخواتكم وبناتكم
طيب مهما بلغ حب الاب والاخ ما يغني يا جماعة عن الميل للطرف الاخر لان هذي غريزة
طيب الحل ايش هو
الحل بان نسمح للبنات بالزواج المبكر اذا كان الشاب صالح وكفؤ
الحل ايضا ان اربي ابني صح وان يبتعد عن العلاقة المحرمة واني ارشدهم واوجههم للصح وكثر الدق يفك اللحام
دائما انبه اولادي يا ابني انتبه لاتضبع وقتك ولا يروح وقتك على التفاهات في برامج التواصل
وادعي لهم دائما
والحل مع البنات ان الامهات تعتبر نفسها صديقتها وتهتم فيها وتنبهها دائما وترشدها للصح والخطأ
اسال الله ان يهدي شبابنا وبناتنا لما يحبه الله ويرضاه
احنا الان في فتنة عظيمة وهي تغيير المفاهيم

من كثر ما البنات صارت تسمع مبررات صارت اذا واحدة انمسكت مع واحد قالت ما لقيت حب وحنان من احد بالبيت والله لو انك غرقانة حب واهتمام ما يغنيك عن الزواج لان هذه غريزة
كمان في شي انا مستغربة له يا صاخبة الموضوع تقول قريبة صاخبتك كانت تكلم شخص سنتين ليش ما قالت له تعال تزوجني ايش كان في تصورها وتصور الشاب عن نوع العلاقة بينهم
الله سبحانه وتعالى قال ( ولا متخذات اخدان

انا ماعلقت على كلامها ولو ﻻحظتي انا كتبت لها تكتبين رد معقول وتختمينه بطريقه غريبه عندها نصيحه لوحده ﻻ تقتبس ردي وتحطه كاني انا المقصوده بالكلام .. اذا حبت تخاطب وحده توجهه لها الخطاب مو تجي ترص لي الخطاب وتعممه باقتباسها لردي وتكتب لي كاني انا انحي الدين او العقيده خطر من ارائي ! بمبدأ اياك اعني واسمعي ياجاره اذا بترد تناقش فكره الي تبي ترد عليها مو تحط اقتباس لوحده وتجمع كل الافكار الي ببالها وتسردها على عماها علشان كذا كل نقاش يتحول لجدال ﻻنك تكتبي رد طبيعي فجاه تلاقينك تهددين العقيده ومدري ايش والمصيبه اني كاتبه ان العلاقات حرام وجاني هالرد ..