عواطف تركي :

يوم ان عقيدتي مشكوك فيها وعلمانيه وليبراليه وكافره وعلى غير ملتكم ليش تركتو الموضوع وتناقشوني انا الكافره اللي ماعندي دين ؟!! لا تحرصون على اقناعي اول شي اقنعوا انفسكم لاني ماني بحاجة لكلامكم انتوا اساساً تتخبطون وتقولوني اشياء ماقلتها ولا تطرقت لها انتوا تفكيركم سقيم التشكيك في عقيدة الناس صار سهل عشان ايش ؟ عشان قلت نعرف الحلال والحرام نحتاج حلول وانقاذ ومساعده !! اهدأ من كذا لا يطق لكم عرق يا ام الغيره انتي وياها والله لو اني سارقه ازواجكم منكم ما جيتو كذا مطفيين النور ومنطلقات بلا شعور كله كوم واللي تناقشني في علاقه حب خاصة بي كوم ثاني وتحلل بمزاجها وتوصف كيف كان يسكر ويقول لي كلمتين حلوين وتتمسخر كيف كنت اساعده حسيت انها كانت تحبه بدالي وتحس بدالي !! الاسف بعد الذبح ليس له قيمه للميت والمحبه المزيفه لا احتاجها وفروها لأنفسكم ويعني يقال لها بتلجمني تلمح بإن اللي مثله اكيد وده يتزوج لانه ماهو بعقله طيب شفتي كلامي يوم اقول كان لي علاقه سابقه وماشفتي يوم قلت وحده من قريباتي تزوجت اللي تحبه ووحده ثانيه ماتقرب لنا تزوجت اللي تحبه ؟!! يعني المسأله مجرد محاولات استفزاز وبحث عن انتصار للذات وليس انتصار للحق ؟!! ويا الله على اللي تناقشني في ان حب الام والاب مايغني عن الزواج والغرائز من جد شي يضحك اذا الحب عجزتو تفهمونه وصنفتوه انه علاقة تناسل وجنــس اللي حتى الحيوانات تمارسها كيف بالله بتفهمون كلامي اللي قلته من الاساس اذا الحب عندكم صار جنـس ؟!! واللي تقول عجزانه تفهمني يكفيني اعترافك هذا انك ما تفهمين كلامي عذر مقبول ، وبخصوص ان فلانه حبت فلان وتدعي على نفسها بالمرض انا أذيت وضريت نفسي وصحتي انا فعلت ما تكلمت مجرد كلام ماحد راح يحس الا اللي تعذب ولازال يتعذب ويتصارع بداخله وانتو استمرو بالاستهزاء والسخريه لعلها تصيبكم وتذوقون المر اللي جربته وقتها تعالو وزعو الفضيله والرذيله وصنفوا الناس . يمكن بالنسبه لكم كلامي مجرد تبريرات مالها قيمه وبالنسبه لي كبنت عشت تجربه اشوف كلامي مهم جداً شئتم ام ابيتم او كابرتم البنت والولد يحتاجون اهتمام ومحبه واشباع عاطفي واحتواء واذان صاغيه من الاهل . من جد رد بعد رد ونقاش بعد نقاش معكم اكتشف ان بيني وبينكم مئات السنوات الضوئيه مو قادرين تستوعبون ولا حرف من اللي اكتبه ودايما تفسرونه مقلوب بإستثناء القله النادره اللي هنا فهموا كلامي بدون تحوير وتأليف للاستفزاز الله يكثركم بكم ترتقي الامم . واكررها احنا مو محتاجين احد يقول لنا انتوا واقعين في الحرام ويسمع لنا آيه وحديث كلنا حافظينها وخلاص احنا محتاجين احتواء اذا قلتي حرام واستشهدتي بآيه وحديث كملي جميلك وحطي حلول عمليه للتطبيق شاء من يشاء ويأبى من يأبى كلامي ما اشوفه كفر ولا جريمه ولا خروج عن المله . انا اعبد الله ما اعبد *** ومنيره وفلانه وعلانه كلامكم واستفزازكم ليس مقدس ولا يحرك فيني شعره بل اشفق عليكم كأمهات كبار بالسن وتحت ايديكم اطفال ومراهقين تربونهم وهذا تفكيركم يصدم ومحدود ونظرتكم ما تتعدى خشومكم ولا عندكم قابليه تستوعبون الاختلاف ولا قادرين تقتنعون اننا في جيل غير جيلكم سرد المواعظ والخطابات والصياح قد ولى زمانه وفقد تأثيره بنسبه كبيره وهذي حقيقه ان تجاهلتوها فأنتوا توسعون الفجوه بينكم وبين الجيل الجديد يا أمهات يا مربيات يا فاهمات

يوم ان عقيدتي مشكوك فيها وعلمانيه وليبراليه وكافره وعلى غير ملتكم ليش تركتو الموضوع وتناقشوني انا...

33TiNa :

لا يمكنك مشاهدة هذا التعليق لانتهاكه شروط الاستخدام.

منار السديس :

قلتلك متناقضه وذا اكبر دليل مشكلتك مصدقة نفسك ومعطيتعا فوق ماينبغي رفقا بنفسك اخت عواطف والله اجزم ان اسلوبك بذا التناقض وشعور القسوه اللي تطلعيها عالعالم بسبب امور وظروف مريتي فيها مع اهلك هي السبب اقدر هالشي لكن اوزني نفسك ومشاعرك تكلمتي كثير بامور مناقضه للصحه وعديناها لأن عارفه اسلوبك ذا ماجا من فراغ لكن زي ماانتي تهاجمي العالم تقبلي كلامنا اللي ماهو هجوم هو حقيقه بس مصره تعتبرينه هجوم تبيحي لنفسك وتحرمي على غيرك ثانيا اكثر شي ضحكني انك تقيسي كم زيجه ناجحه عن طريق الحب! اذا مره ودك تدافعي اقلها انصفي شوي قولي فيه قله تزوجو.. وفيه اللي انتفل بوجيههم خلك واقعيه ولاترددي كلام باطل لانه اعجبك بس واذا على العباده كلنا نعبد الله مانعبد خلقه واذا وافق كلام فلان وعلان كتاب الله باخذ فيه رضي اللي رضي وسخط من سخط سوا هذا بنظرك شي صح او خاطئ ماتهمنا نظرتكم اهم شي اكون راضيه عن نفسي زي ماانتي عاجبك منهجك وش دخلك باللي جت ماتبي تسمع موسيقى وشبيتي فيها ؟! والله انك مسكينه منتي راضيه عن نفسك وعارفه انك متخبطه ماتدري ع وش ترسين مهماحاولتي تتوازني ردودك الا تبين الشي ذا الحين تقولين حره باعبد الله بطريقتي طيب خلي الناس تعبد الله حسب ماتشوف! حلال عليك وحرام علىغيرك الكلام كلن يعرف يصف له كلمتين فريحونا بالله وكل كلامك الدين عندكم نمص وعبايه ودايم ترددي فيها طيب هي حره يعني لازم تخربها من كل جهه عشان ترضي حظرتك ! قلتا لك بلاش تناقض واسلوبك ذا ماعاد يمشي سوقه لانه قديم الناس فاهمين مين الصادق ومين اللي ماغير يصايح ولاعنده سالفه ولافيه حدود يلتزم فيها اذا ماعندحدود ومعطيه نفسك مساحه مفتوحه حتى بالامور المحظوره اذا ماقدرتي على نفسك وضعفتي قدامها غيرك كان اقوى فاذا فشلتي في شي غيرك قدر عليه مايصير تهاجميه بيديك ورجولك لانك بس ماوصلتي له واذا تشوفي نفسك محد يفهم عليك شي طبيعي بعمرك ذا يكون فيه اندفاعيه للذات لكن هي مجرد مدة مؤقته وبتمر السنين وتتزن مشاعرك وتضحكي على كلامك هذا وتقولي منجد كيف كنت اعظم نفسي واشوف كلامي غصب صح زي الشي اللي يلمع ويخفت ويبهت بمرور الايام هي مجرد مشاعر تتفرغ وترجعي تهجدي ويتهدل تفكيرك ياحبييتي الناس عندها عقل تميز الصح من الخطا تعرف اللي ينصح وهو عنده كبت ويتخيل شكله بكل مشكله والشخص اللي يفصل مشاكله عن المواضيع ويكتب شي حقيقي لكن مايتعدى حدوده كمسلم حتى لو وده يكتب غير كذا وفالاخير الله ينور بصيرتي وبصيرتك ويغفر لي ولك وللعلم والله والله مااسخر ولاهو طبعي زي ماتقولي لكن زي ماانتي تتكلمي بشكل قوي تحملي الردود اللي بتكون بنفس القوه وخلك اكثر مرونه وتقبل تحياتي

قلتلك متناقضه وذا اكبر دليل مشكلتك مصدقة نفسك ومعطيتعا فوق ماينبغي رفقا بنفسك اخت عواطف والله...

زويا اسد :

ظهر الحق وزهق الباطل ههههههههههههههههههههههههههههههههههههه طلعن اللي ينابحن ف الموضوع يحبن خخخخخخخخخ وعاشقات ياربيه كل ذا الردود اللي طول قريح عشان تكذبون ع انفسكم وتطبطبون عليها ضحكتيني يالبوح اجل اذا جالها ولد تسميه انستقرام ككككككككككككككك ككككك 😂😂😂😂😂😂😂😂😂 وانتي ياعواطف تكفين يابنت ارحمي يدينك شكلك مخلصه دراسه من عشرين سنه وعاطلة حشى ماصار رد انقلب روايه

ظهر الحق وزهق الباطل ههههههههههههههههههههههههههههههههههههه طلعن اللي ينابحن ف الموضوع يحبن...

عواطف تركي :

هرطقات وتأليفات وسيناريوهات جديده ماقدرت اقراها استمري

هرطقات وتأليفات وسيناريوهات جديده ماقدرت اقراها استمري