كندويشه حبيبتي ..مشكوره على اقتراحك وحنا الحمدلله مقتطعين مبلغ مالي بسسسسسيط من الراتب صدقه شهريه الله يتقبلها يارب وفعلا الصدقه مفعولها عجيب في تفريج الكرب ورفع الابتلاء والحمدلله والشكر على نعمه اللتي لاتعد ولاتحصى

بنات نبغى افكار تقدر الوحده اللي ماعندها وظيفه تكسب منها وتزيد دخلها يعني مشروع منزلي بسيط تتكسب منه بعض البنات عندها مواهب لكنها غافله عنها ...يالله بنات نبغى افكاركم

ايييييه يالدين نصف الراتب يروح بس الحمد لله اخذنا شقه ملك بقيمة الايجار بس لحد الحين ما قدرنا ناثثها لان علينا ديون من اول صرت ما احب اروح لاحد او احد يجي عندي ويتاسف على حالي وانا ادري ان ما باليد حيله الله يعين بس
وما فيه تماشي الا للاما كن العامه حتى نوفر واحينا مره بالشهر نضغط على انفسنا ونروح نفلها وسفر ما فيه الا للاهل كله عشان نمشي الحال حتى تنقضي الديون ان شاء الله ويوسع ربي رزقنا ويرفع عنا الدين

الله يعينا ويصبرنا
انا زوجي عنده قرض للبنك شهرين يسحب 2100 واجار الشقه 1300
غير الفواتير يبقى من الراتب 3500 احسها زينه بالنسبه لشخصين بس مايجي نص الشهر الا مطفرين رغم اننا قتصد ف اشياء كثيره والمطاعم قطعنا الروحه لها صرنا نطلب سفري واغلبه سندويشات او وجبات
امممممممممم مافي سفر ولا في دخلات سوق الا للضروره
الحمد لله على كل حال

الي عندهم طفل وش تسوون في المصاريف انا قريب اولد ومادري شبيصير في الميزانيه

اي والله قلبتي المواجع وهالديون الي ماتخلص من عشر سنوات وحنا بدوامة البنك الي مايخلص الراتب يزود والبنك ياكل ههههههه بس الحمد لله هانت ماباقي الامبلغ بسيط بس انا مافيني صبر وتفقت انا وزوجي ع فكره تخلصنا من هم البنك بنصف المده نجمع خمس الاف من الراتب بحساب خاص بالبنك طبعن من غير صرافه عشان مانضطر نسحب منه ونسدد البنك مره وحده والباقي خير ونعمه جهزت ظروف وكتبت على كل ظرف مقاضي الشهر . مقاضي اسبوعيه من خضار ولحوم .مصروف يومي .طواري تتضمن مستشفى لاقدر الله عزيمه مفاجئه تحتاج سوق ...الخ . فواتير ونهايت الشهر اذا بقى شي من الظروف وانا وشطارتي طبعن يكون مكافأه لي .

الله يفك عنا الدين وجميع المسلمين
عندنا قسط للبنك 2000 ريال
فواتير جوالات بحدود 1500 جوالي وجوال زوجي وجوال ام زوجي
فواتير كهرب ومويه بحدود 500
اللي بقى من الراتب ياله يكفي مصروف وعندي بنت عمرها 3سنين فكتنا من الحفايظ شوي بس في الليل
انا على دين بحدود 4500 لامي الله يخليها لي كل ماشافتني محتاجه عطتني وترفض اني ارجعها بس انا بالمطاق ارجعها عشان لو احتاج ماانحرج اخذ منها
زوجي ماعنده ميزانيه محدده ودنا نجمع بس مدري وشلون يجينا خارج دوام ومكافئه سنويه بس تطير مدري وش فيه وللمعلوميه ماعندنا ايجار
صح يساعد اهله بس ماادري وشلون نجمع راتب زوجي حليو فيه ناس اقل مننا وعايشين احسن منا ماشاء الله تبارك الله بس انا وزوجي اكثر ناس يصرفون