Dandosh ماشاء الله عليكم وربي يديم عليكم نعمته ومشكوره على الدعوات الحلوه

*ياعمري* هلا فيك حبيبتي والله يعينا وياك يارب وبقضي دينا ودينكم ويرزقنا بالوظيفه الرسميه اللي تبرد الخاطر الله كريم

ام حنووونه ماشاء الله عليك مدبره صح خلك معانا في هالموضوع اكيد راح تفيدينا بخبرتك الله يحفظك

تدرون وش المشكلة عندي مو باالدين هذي ثالث مرة يجيني زوجي ويقولي أنا مديون وهاالمرة ب100000 ريال وش سبب الدين فيزا كافل واحد وماسدد وياليت يتعض باالعكس مايبيني أقوله دبر فلوسك وخلنا نقتصد وحاليا أصرف من راتبي والله يعين أنا ما همتني الفلوس كثر ما يهمني مستقبل عيالي وما أبيهم يضيعون بها المعمعة 0

والله الدين هم الله يعين بس واكره ماعلي لما اشوف زوجي مهموم وسرحان يفكر في الديون
وما يجي نص الشهر الاوهو متسلف
9000 متسلفهم من امي ويقسط لها كل شهر 500
بنك التسليف كل شهر 500
السياره 1700
امه 500
البنزين كل يومين 50
باص الجامعه تبعي 600 كل شهر
كل يوم نفطر ونتغدى برا البيت لان دوامنا ماينتهي الا 5 وندخل البيت 6المغرب
الحفايظ والحليب والسيريلاك طبعا
بس الحمد لله ابوه مايقصر معنا ساكنين معهم في شقه ومقاضي البيت الرز والسكر والدجاج والخضار ابوه يشتري ويعطينا
وانا ما اكثر طلبات لان عندي مكافأتي اصرف منها
واحاول اقتصد مررررررررررره ومو كل شئ ابغاه والله يعينا
على فكره ام حنونه عجبني ترتيبك ماشاء الله عليك

هلا وغلا خواتي
الله يفرج علينا جميع ونفتك من هالديون باقرب وقت
بس لازم نرفع الموضوع باستمرار كل وحده تعطينا اشياء حلوه توفر منها
وحده تقولي انها تجيب حفايظ عاديه للنهار ووقت النوم بامبرز او اي شي زين

السلام عجبني الموضوع وجاء بوقته زوجي عليه دين وياخذ البنك منه كل شهر 6000الاف واربع مائه واجار البيت 3000 الف وشغاله 700 مائه وفواتير 2000 تقريبا المهم ولاهم اني موظفه وراتبي 5000 اسدد سواق المدرسه واغراضي الشخصيه واحتياجات البيت تقريبا المشكله كل شهر نفلس فجاه تخرب السياره وزاد الطين بله الفيزا تركمت علينا من دون مانحس فيه وانا متضايقه من نفسي ومن زوجي كم مره تتركم علينا مدري العيب فينا احنا بس مدري وش اسوي وانا الحمدلله عندي بنت وكبرت باقي ع القرض سنتين والفيزا30000 الف واها واها نفسيتي زفت كل ماتذكر ان فلوس القرض راحت بالاسهم يعني نسدد ولاستفدنا منه الله يسدد دين والمسلمين اجمعين ابغ طريقه تساعدني