اي وحده ماتعرف تسوي ورق عنب تعالي اعلمك مثل ماتعلمتها

السلام عليكم اخواتي في الله
اول مره اكتب موضوع ويارب يوصل لمستواكم وقدركم العالي عندي
هذي طريقة ورق عنب روعه ومضبوطه اي وحده ممكن تعملها وتنجح فبها
بس على شرطّّ لازم تتبعون المقادير وكل الكلام المكتوب بالضبط
بسم الله نبدأ
1-ثلاثة ارباع كاس بصل مفروم ناعم يحمر ب3ملاعق زيت زيتون ورشة ملح ثم يضاف له 2كاس رز مصري بعد نقعه لمدة ساعتين بماء حار وتصفيته ويقلب الجميع لمدة دقيقتين على النار.
2-يبشر الطماطم بالمبشره مقدار كاسين ويوضع فوق الرز مع مكعب ماجي مفتت و2ملعقه صغيره ملح
و2ملعقه صغيره ملح الليمون ورشة من السكر وقلب حتى ينشف.
3- اضيفي عليه بعدين كاس نعناع مفروم (قيسيه بالكاس قبل تفرمينه ).
4-الحين صارت الحشوه جاهزه - اسلقي ورق العنب شوي بالمويه بعدين لفيه (انا الفه بالآله).
5-توضع حلقات بصل وفوقها حلقات بطاطس في القدر ويرص ورق العنب بشكل طولي (واقف) ويفرش
فوقه ورق عنب ليغطيه.
6-يطبخ بخلطه مكونه من(نصف كاس عصير ليمون+ ثلاث ارباع كاس زيت زيتون+ثلاث ارباع كاس ماء+ملعقه صغيره ملح+ملعقه صغيره ملح ليمون+مكعب ماجي مفتت)ملاحظه:كمية المرق هذي تكفي
لقدر مقاس قاعدته شبر واربع اصابع.
7- يغطى بغطاء القدر العادي بشرط يكون محكم ويوضع على عين الفرن الصغيره حتى يغلي ثم يقصر
للنار ويترك لمدة ساعه.

بعدين بالعافيه على قلوبكم
اتمنى من كل قلبي اللي تجربه ترد على موضوعي