بسم الله الرحمن الرحيم
السلام عليكم ورحمة الله وبركاته
شخباركم يا حلوات
طبعا راح ابدأ في الموضوع بدون مقدمااات
المهم يا حلوات
اي وحده متزوجه زي ما قلت لكم تفتش جيب زوجها قبل لا تدخله الغساله قبل لا تحصل كارثه لأنها يا بتلاقي فيه مناديل وهذي هي الكارثه
يا بتلاقي فيه فصفص
يا بتلاقي فيه عود اسنان خارق قماش الثوب
ههههههههههههههههههههههه
شرايكم بالله مو عنوان خطير
..
طيب نجي للسالفه الثانيه اللي دايم افكر فيها
وزوجي يتمسخر علي ويقولي ارسلي برقيه ارسلي برقيه
لا ويضحك بعد
اللحين لما نجيب شغاله وتشتغل في البيت ما تستلم اخر الشهر مبلغ وقدره (طبعا حقها)
طيب حنا نشتغل ونكنس ونكوي ونغسل ملابس وننظف حمامات(اكرمكم الله) ونطبخ ونستقبل الضيوف سواء قهاوي والا عشا
طبعا الدوريات حقت القهوه لازم يكون فيها القهوه وملحقاتها
والشاهي وملحقاته
والعزايم اكيد راح يتبعها هذا كله غير العشا او الغداء اللي بينطبخ وحتى لو جابوا ازوجنا من برا راح في النهايه ننظف لحد ما تنكسر ظهورنا ..
وفوق هذا كله يجب على المرأه ان تحترم زوجها ولا تبدي له اي وجهه معفوس والا اي اعتراض وفوقها لازم تكونين كاشخه ومرتبه وبيتك نظيف اربع وعشرين ساعه علشان (سي السيد) (سبع البرمبه) ينبسط ويحس انه دايم الاسد
في البيت هههههههههههههههههطبعا انتو اللحين تفكرون
وتقولون ليه هذي جالسه تقرقر من اول فوق روسنا وما جات من الاخير 
اقولكم ليه
واقولكم ليه دايم زوجي يقول ارسلي برقيه سوي فيها اعتراض انا وشدخلني على قولته ..
اللحين بالله حنا فوق هذا كله نربي عيالنا ونسوي كل شي ويجي اخر الشهر وما نستلم ولا ريال بحجة ان الزوج مديون والا ماخذ قرض والا راتبه يالله يالله يكفي وفي اعذار اكثر بكثير من كذا
حنا نعتبر موظفات خارقات في بيوتنا بالله حنا ما نستحق راتب يوصلنا لحد باب البيت اقل شي اقل شي يرضينا احس اننا نشتغل اربع وعشرين ساعه على مدار السنه بدون مقابل طيب ليه كذا انا اعترض وبشده
نفسي اكلم الملك بنفسي واقوله تكفى يا ملكنا حنا موظفات في بوتنا نكرف اربع وعشرين ساعه بدون مقابل الا الاكل والشرب كأننا نعلف بس زي الغنم ههههههههههههههههههههههه
يعني ما يجينا الشي الا بعد معاناه ومغص الراس وصداع البطن هذي الاعراض ما تحس فيها الا المتزوجه ..
واطالب عالم حواءبراتب شهري لا يقل عن مليون وريال ونص علشان وقتنا اللي نقضيه فيه
اترك المايك لكم ههههههههههههههههههههههههههه
الله يسعدك ضحكتيني
انا مثلك ماعندي شغاله
لان اسرتنا صغيره