اي وحده مطلقه وارهقتها الحياه بعد الطلاق ادخلي هنا

بسم الله الرحمن الرحيم
كيفكم صبايا ....
حبيت ادخل واقول لكم موضوع يخصني ..والله والله مانزلت هالموضوع الا ابغى كل وحده تتفائل وخاصه اللي مطلقه ..وتعرف ان الله ماكتب شي الا اكيد مكتوب لك اخير واحسن منه...لكل مطلقه تعالي واسمعيني ..
اانا مطلقه عمري 25سنه تطلقت قبل سنه ..كان زواجي تقليدي ويصير يقرب لي وولد خالتي ..
انا مابسرد كل التفاصيل بس بقول لكم بعضا منها..:من اول يوم زواجي اخذ شريحتي وكسره وكان مجهز لي وحده بفاتوره من اول يوم اعطانياها وبدا يهدنني انا راح اراقبك ممنوع تكلمي احد غير اهله ..سكتت ومشيتها وجائت الايام اللي بعدها وصرت عنده بس عبد مملوك..صرت جالسه لحالي مافي اروح واجي الا مع امه وبعد اذنه ..يعيرني ان يعيرني ان مهري قليل مع اني من بيت عز وابي انسان مقتدر والمهر كان40 والوالد بس صده يراعي ظروفه في المهر مع كذا يعيرني..
اذا طلع برى يقفل علي الباب ويجلس بيوم بيومين مادرى عني لحالي ولايخلي احد يجيني ولا اروح بس لحالي انا والجدران علما بان الجوال كان ياخذه علي بالشهور ..
واشياء كثيره من ظلم وتسفيه واهانات وتبلي علي رغم كل هذا الشي ماكنت ارد عليه اصلا مايعطيني فرصه يسوي اللي عليه ويسفلني ..حياه كلها نفسيات ..رغم هذا كنت ادعي ان ربي يكون معاي..حت لماا كنت اقرا من المصحف يقول لي انتي بس تمثلين قدامي واذا رحت ترمين بالمصحف ..استغفر الله وحسبي الله فيه ونعم الوكيل..
بعدها ماقدرت اتحمل وقلت لابوي بكل شي وهو يدري اصلا من اول وياما حاول يصلح الامور بس سبحان الله كان حن مع ابوي مافي احترام ولاشي رغم ان ابوي كان يكلمه بكل ادب لانه متدين..
المهم اني انا خلعته وعطيته المهر على الجزمه ..اكرمكم الله...
تطلقت منه والحمدالله اهلي ماحسسوني بانني مطلقه بالعكس كملت دراستي وعشت حياتي ..
دخلت التحفيظ وحاولت اني ادور رضضى ربي قبل كل شي وبعدها رضى والديني..الاذكار ..القران الاستغفار اصلي الصلوات بوقاتها ..في شي كنت اسويه وهو المهم ..
كنت كل جمعه ساعه الاستجابه قبل الاذان اصلي اقوم بغرفه لحالي اتوضا واصلي لي ركعتين بعدها اقعد ادعي من قلبي من قلبي يابنات بأن ربي يعوضني باحسن منه ..وكنت استغفر لحد ماياذن المغرب..
كنت اصلي الليل وادعي ..
بدات برضى ربي وبعدها رضى والديني وابتعدت ع الاغاني والمعاصي صرت متفائله كثير ..ماتكلم باحد ولا واحاول ابعد ع الغلط ..ترى انا مو ملتزمه حيل بس اقتربت من الله وسبحان الله اقترب مني اكثر ...
وبعد سنه بس سنه ..الحمد الله انخطبت بواحد الكل يمدحه واحد حسسني باهتمامه اي شي يبي يسويه يتصل ع الوالد ويستشيرني فيه ...لان لسا ماملكت عليه..
وع فكره مو اول مره انخطبت اكثر من مره بس العاده كلهم متزوجين...قولو ماشا الله قبل كل شي ..
والحمد الله على كل حال ..تفائلوا يابنات ..وخليكم قريبات من الله ...هذا اللي اقدر اقوله حبيت اني افيدكم يالغوالي ..
استغفر الله العلي العظيم ..