السلام عليكم ورحمة الله
بالبركه المولود الجديد
هذي بعض الافار بعضها منقوله وبعضهامن عندي اتمنى تعجبكم
اذا حابه تقدمين فلوس بس هذي بعض الافكار
هذي وحده مصلحه هديه
هدية عربانة الجمعية
- مناسبة الهدية : ولادة رفيجتي بولد الله يحفظه لها
-فكرة الهدية : فكرت وااااااايد ابطريقه تكون يديده وغريبه ابشكلها ومضمونها
ووصلت الى هالفكرة .. عربانة جمعية .. يعني انا رحت الجمعية وشريت لها اغراظ حق البيبي مالها .. وحطيت لها مع اغراظ البيبي الفلوس الهديه
- المستلزمات :1- عربانة جمعية عنونة
2- دبدوب سماوي
3- شرايط سماوية ورقية + فضية عادية ضعيفة
4- كور فلينية صفرا
5-ورد اصفر ورقي - ورد ورقي ابيض
6-قش اصفر
7- تور ابيض
8-ورد ازرق كبير
9- ورد امجفف صغار لون فضي
10-اغراظ البيبي: ممية + مصاصه + عضاضه+ والعلاقة اللي تتعلق فيها المصاصة بلبس البيبي.
11- فراشات لون ازرق
12-الهديه (فلوس 30دك وامصرفتهم خمسات)
13- ورق سماوي مقوى لعمل كرت الهدية
14-الاساسيات : مقص وصمغ كهربائي
* خطوات العمل: 1-اولا ناخذ الفلوس اللي اهمه الخمس دنانير وانلفهم بشكل اسطوانه
ونربطهم ابشريطه فضية
2- ناخذ الفلوس المربوطه وندخل خمستين داخل الممية
وخمسه نربطها مع العضاضه _ وخمسه مع المصاصه _ وخمستين مع علاقة المصاصه
(الصورة فيها مقراظة اظافر وعضاضة ما استخدمتهم بالهدية لأنهم صاروا وايد بلعربانه)
المميات داخلهم الفلوس والبقشة
3-ناخذ اغراظ البيبي اللي حطينا معاها الفلوس وانلفها اتور ابيض ابطريقة البقشه.. ونربطها ابشريطه فضية وسماوية ونحط عليهم كره صفرا وورده بيضه وورده مجففة فضية. ونلزق ابمنتصف ربطة البقشة من فوق ورده صفرا
(شكل الكور الصفرا داخل التور من فوق)
4-انزين الحين عربانة الجمعيه.. نلزق في بعض زواياها الورد الاصفر
وانحط بقاعدتها من داخل القش الاصفر..
وعقب انصف الهدايا اللي غلفناها بالتور الابيض داخلها على القش
ونلزق فراشة على كل جانب(يمين العربانه ويسارها)
وبعد انسوي ورده(نفس الورده اللي ربطنا فيها البقشة مالت الفلوس)
من الشرايط السماوية والفضية ونلزقها على اجناب العربانه
5-انثبت الدبدوب السماوي علعربانه.. يعني جنه قاعد فيها
6- كرت الهديه : بكل بساطه : ورق مقوى لون سماوي .. ونطويه على شكل كرت
نلزق عليه اول شي القش الاصفر وبعدين الفيونكه اللي من شرايطنا الفضية والسماويه
وانحط ابمنتصف الفيونكه ورده بيضه - ورده مجففه فضيه - نص كره صفرا
(انا قصيتها بالنص عشان ما تكون كبيرة وبارزه على الكرت)
لما انخلص من عمل الكرت انحطه تحت بلعربانه ابهالشكل
7- بالنهايه : للحفاظ على نظافة الهدية .. ولأبقائها سليمه من التلف
لازم انلفها بالتور الابيض بطريقة البقشه .. وانحط على منتصف ربطة البقشه:قش اصفر - وردتين لون ازرق - كور صفرا من داخل البقشة.
- الوقت المستغرق لعمل الهدية : ساعه ونص تقريبا
- الوقت المستغرف في التفكير بتغليف الهديه : اسبوعييييييييين
من سارة ستايل منتديات كويتيات
عبارة عن فلوس فممكن تغلفينها بهالشكل
من الداخل
اول شي ورد مجفف وفوقهم شمعتين كشخة وتوزعين المبلغ بهالطريقه
جيبي سله او صندوق وزينه وحطي فيه ادوات الاستحمام
بامانك الاستغناء عن الدببه لان فيها الرواح باورده بالقطن او مخده قطن صغيره على صورة هلال ونجمه للولد
والبنت بالونات او فونكات او ورود
وبامكانك تحطين مع الملابس كتاب تحفة المودود بأحكام المولود روووعه لابن الاقيم الجوزيه
والاذكار
اوتقدمينها مع صندوق صغير مع الكتاب ملفوف بكيس نايلون عليه ورده
او مع شوكلاته
اوتحطينها بوسط سياره لعبه