كلي حكمة @kly_hkm
عضوة نشيطة
ا بنات شوروا علي اخبر ايوي و لا ؟؟
يا بنات انا امس تقريبا بعد المغرب اتصلت فيني ربيعتي كنت مواعداها اني اجي عندها بس المشكلة انها هي انتقلت لبيت جديد و مما ادله فهي راحت توصف الطريق وبعدها هم بعد ما دليته لاني صدق صدق ما ادل المكان لين ما حد يوديني اول مرة بعدها ابدا ما انساه فقلتلها طرشي سولقكم حقي و انا بمشي بسيارتي و بلحقه لين ما ادل بيتكم قالت ان السواق مو موجود فقلتلها خلاص بكرة باجي بس هي بتسافر وامس كان اخر يوم حقها و تريدني اودعها و ما كان حد في بيتي عشان يوصلني قالتلي خلاص لقيتها قلتلها شو؟؟؟ قالت اخوي موجود وهو كذا مرة وصلها بيتي فيدل بيتي قالت هو يجي عندك هو يكون بسيارته و انت بسيارتك لين ما يدلك قلت و الله فكرة خلاص طرشيه و صدق كلها ربع ساعة و كان عندي الولد لا شافني ولا شي لانه سيارتي المخفي مالها مايبين فلما رجعت البيت اختي سالتني مين السيارة اللي كنت تلحقينها فقلتلها السالفة عصبت قالت لو ابوك يدرى ليذبحك و ما يخليكي تطلعين من البيت و الحين ابوي بيجي فاكيد بيسالني كيف رحت البارحة لانو امس ما كان موجود و اتصلت فيه عشان اساله عن العنوان و اساذن منه فأخاف يسالني كيف دليتي المكان لانه يعرف ما ادل الاماكن بسهولة اختي تقلي لا تخبريه و انا عمري ما كذبت على ابوي فشوروا علي الله يخليكم:(:( يعني اكذب ولا لا و نا و الله ما اعرف كيف ردة فعل الوالد بتكون ؟؟؟؟؟؟؟؟
7
764
يلزم عليك تسجيل الدخول أولًا لكتابة تعليق.
كلي حكمة
•
ابشركم يا بنات قبل شوية ابوي راح و نام و قلتليه دليته بصعوبة من دون ما اجيب سيرة اخو ربيعتي و الله اختي خرعتني على الفاضي و حسستني اني سويت شي غلط السموحة اعرف موضوعي تافه شوي بس ما كنت اريد اكذب على الوالد و اصلا ما حسيت سويت شي غلط ^^ هههه صدق لما تحاتين شي تحسينه اكبر مشكلة في العالم
الصفحة الأخيرة
ياليت يسمحون لنا نسوق اغلب قريباتي تركو الدراسه عشان مافي سواق يلتزم معاهم طول السنه