دلوعة عتيبة :

نسيت اشكر صاحبهـ الموضوووع اكبر الالم مشكوورهـ ع الفكرهـ الحلووهـ والموضوووع الأرووع جزاك الله خير

نسيت اشكر صاحبهـ الموضوووع اكبر الالم مشكوورهـ ع الفكرهـ الحلووهـ والموضوووع الأرووع...

ريعان العمر :

اشكر صاحبة الموضوع على هالفكرة الله يجزاها خير ويجزى البنات خير ماقصروا انا امس حطيت مشكلتي ان زوجي بعد مناقشة اشتدت قال لي روحي لاهلك مع العلم انها مو اول مرة وقالوا لي البنات لاتطلعين ورحت لاهلي 8امس عشانه يومي ورجعت بالليل ولما رجعت مالقيته بالبيت ومارجع الا قبل الفجر سلم وسلمت وبس ماعاد تكلمنا مع بعض لين اليوم قمت وسويت الغدا وكنت ناوية مااجلس معاه على الغدا بس قلت يكفي اني ماكلمته وجلست واكلت من الغدا ولقيته جايب كرز(انا متوحمة عليه من حملت بس كان لسه مو موسمه وتوه يجي وجاب معاه عشان ولدي يبيه بعد) مااكلت منه ولا قربته قام سالني الرز فيه نكهه غريب قلت له كبسه عاديه وكملت اكل وقمت بسرعه ورحت الغرفه وجلست بغرفتي وهو بالجلسة ولا كلمنا بعض ولما جا وقت الدوام خذا لبسه وقال السلام عليكم وراح وهذا انا اكتب لكم ماادري وش اسوي يابنات تعبت من كثر مايستهين فيني ويرخص فيني ويزعلني ويبيني اجي انا اعتذر له او ارجع اضحك واسولف والله لو اني صخر كان يتفتت تعبت الكاس لما ينملي يفيض وانا قاعده اشيل واشيل بقلبي ولايعلم بي الله سبحانه لا انا راعية شكوى ولا احب افضح فيه عند اهلي ومهما سوى فيني مااحب احد يهينه ويغلط عليه ولايقدر هالشئ والله فيني حره مو طبيعيه بقلبي ماادري وشلون اعامله عاملته بالطيب والدلع والبس واتزين وافاجأه واهديه واسوي له سهرات وكل شئ تسويه اي زوجه تبي تملك زوجها ووالله مافاد فيه انا لي 10 سنوات زواج كل سنه من اتزوجت احتفل بذكرى زواجنا وكل سنه ابيها غير اللي قبلها واتحمس بالهديه والجاتوه واللبس والجو والاكل لدرجة احيانا اخيط بيدي المفارش واطرزها واسوي اشياء بيدي قبلها باسابيع وماابي منه الا يجلس معي وقتها وننبسط اول سنه ترك كل شئ مسويته وكشختي له وطلع وتركني راح يسهر عند اصحابه ووقتها كانت ذكرى زواجنا وتوني طالعه من النفاس لاجاب لي هدية النفاس مثلي مثل غيري والا انا لهالدرجة مااستاهل وناقصه ؟؟ بكيت بكي حرق خدودي وحرق قلبي اكثر قلت باجرب ثاني سنه وجلس ثاني سنه بس من غير نفس ويخرب اي شئ اجيبه ويحسسني اني تافهه وثالث ورابع وخامس سنه لين سادس سنه زواج وانا على هالحال قبل ماتجي ذكرى السنه السادسه انا غلطت واعترف بغلطي بس تتوقعون عاملني مثل مااعامله لما يغلط؟؟ ابداسوى لي مشكله كبيره عريضه ضربني ودعى علي وفضحني عند امه وعند اهلي طردني وبعدها جا بيت اهلي ب3 ايام وجلس يذم فيني ويسب واني مو محترمة فيه ولا بامه واني مااسوي شئ بس حياتي نوم وابي اطلع وبس والله لو احد غيره يمكن عايش معي سنه ماسوى فيني اللي سواه زوجي على هال5 سنوات والعشرة وعلى كثر مااساعده واسكت عليه وافوت واضغط على نفسي واذل نفسي له واسهر لما يمرض واستر عليه عند امه لو صار شئ عشان مايصغر بعين امه وافرح له واهديه بفرحه وبالاخير يسوي فيني هذا كله بعد هذا كله قال لي بتجين عندي تحترمين امي وتسوين اللي ابيه وبس وظيفه مافيه ولا فيه دراسة ولا شئ تشتغلين بالبيت وتصيرين ربة بيت وتناظرين عيالك وامي وانا وبي (وقتها حسيت بالذل اللي ماقد حسيت فيه بحياتي وحسيت وش كثر انا ضعيفه ولاعندي احد بهالدنيا صحيح عند اهل بس اهلي حالتهم الماديه ضعيفه يعني لو اتطلقت وين بروح وشلون باقدر اعيش معهم وهم اصلا اسلوبهم يحسسني بالضيقه واحيانا يرمون كلم اذا طفشوا مني بيومي العادي اللي مااجلس فيه اكثر من 5 ساعات وشلون لو باقي ايامي ؟؟وبنفس الوقت يمكن يرفضون اتوظف يعني ماعندي احد لااهل ولازوج وين اروح بس؟؟) بعد هالتفكير وافقت وقلت طيب ورجعت معاه بس حلفت اني ماعاد اسوي اي ذكرى زواج او اي حفلات خلاص قلبي انكسر منه يكفي كذب على نفسي احتفل بايش والا ايش احتفل بذكرى زواج مع زوج ماعرف قيميتي والا مع زوجي بدال مايستر علي مثل مااستر عليه فرح بغلطتي عشان يفضح فيني ويذلني والا مع زوج يحترم ويقدر كل الناس ويدافع عنهم حتى الشغاله الا انا زوجته وش اقول وش اخلي بعدها صرت اهديه بس بالاعياد اقول لنفسي يمكن الهديه تقربه ويحن قلبه واخر هديه كانت بعيد الفطر ولا استخدمها كل الهدايا يجي عليها التراب ولا يستخدمها مع العلم ان مصروفي على قدي واقعد اضغط على عمري حتى اللبس والعزايم اقطعها عشان اجيب له شئ صاحي بالفين وثلاثه احرم نفسي سنه او 6 شهور لين تتجمع واجيبها بعدها بنفس السنه بشهر الحج حملت (مع العلم لي 7 سنوات ماحملت وهو اللي يبي الحمل ودايم يزعجني فيه ويلح علي ) لما قلت له ماقال لي الا مبروك وطلع يسهر مع اصحابه والله جت بخاطري لين يومكم هذا حتى هديه لو من ابو ريالين ماجابها لي بهالمناسبه بعدها قلت خلااص والله احيانا اكون بالسوق والقى شئ ودي اشتريه له وارجع اقول وش الله حادني ماراح يعطيني وجه ولايبين بعينه وقررت خلاص ماعاد فيه شئ الطامه الكبرى مو بهذي الطامه الكبرى لما جا وقت ذكرى زواجنا وانا حامل قبل كم شهر كلمة كل عام وانتي بخير ماقالها احيانا نفسي يجي يسالني يقول لي ليش ماعاد تسوين شئ بهالمناسة ودي يعتب علي معقوله لهالدرجة ماكان يهمه اللي اسويه ولا كان ينبسسط فيه لدرجة انه مافقده؟؟؟ لهالدرجة كنت مغفله وغبيه ومسخره عنده؟؟؟ يومها جلست ابكي بكي لدرجة جسمي ولع نار من حرقتي وهذا انا اكتب لكم بعد اللي قلته لكم لما قال لي روحي لاهلك هي مو جديدة ولاطلعت بس وشلون اعامله يابنات؟؟؟؟ والله تعبت تعبت

اشكر صاحبة الموضوع على هالفكرة الله يجزاها خير ويجزى البنات خير ماقصروا انا امس حطيت مشكلتي...