والله انك صااااادقة

انا من الناس اللي تنشغل
وش صار عليها ؟؟
عسى امورها انحلت ؟؟
ليت تطمننا موب لازم تفاصيل ......

مشكورة على الموضوع

ياليت والله دايم افكر ببعض اللي حطوا مشاكلهم واسال نفسي يارب وش صلحوا

انا اتاثر كثير بالمشاكل الاسريه هنا واستفدت منها كثير اتمنا بالفعل يدخلون ويبلغونا

وشكرا للاخت صاحبة الفكره

جزاك الله خير فكره رائعه

طيب وانا اللي.. (احس مالي وجه لأني جديدة والمشكلة اللي كتبتها كانت الأولى وياااااارب تكون الأخيرة)
المهم انا كتبت اني أكتشفت مع زوجي ذاكرة جوال!! فيها بلاوي ولما واجهته وانا اصيح ويالله يطلع صوتي..
قال انها لزميله طالب منه انه ينقله الملاحظات على الابتوب..
أنا تأكدت إنها لزميله مو لأنه كلم عليه قدامي..بس لأن فيه رسايل الرقم اللي مستقبلها هو رقم زميله هذا..
طبعا بكى هو وقتها وحلف انه ماعنده علم باللي فيها..وانا بصراحه لهذا اليوم ما ارتحت..معقوله زميله يتجرأ يعطيه زي هذي الذاكرة..دون ما يعرف موقفه!!حسيت أن الموضوع عادي بينهم..خاصه انه صاحبه الوحيد ومن ايام الدراسة..
عرفت أن زوجي رجل عادي يعني مو ملتزم..حياته كلها أفلام ونت ..بس بعد الزواج حاولت وألهيته عن هالأشياء وحتى صاحبه هذا ابعدته عنه أول كان يكلمه ويزوره بس الحين ما له ذكر ابد ويااااارب على طول ان شاء الله..
مشكلتي اني احبه..وهو ما يقصر علي بشي ويخاف يزعلني وهذا اللي مجنني ..
ومن بعد ذاك اليوم وانا من وقت لوقت اذكره بالموت وبالحساب..واننا ماعدنا مراهقين نسهر الليل على فلم وإلا على النت..ومن هالكلام...
ومع ان السالفة صار لها أكثر من شهرين ألا أني رجعت قبل ايام وبكيت عنده وبقوة (عاد انا حامل والنفسية زفت ياربي لك الحمد من حملت وانا اصيح) المهم صحت بقوة ومن قلب وأنا صادقة.. هو انهبل.. وش جاك؟ وشفيك؟ اذكري الله؟
قلت له بعد ما هديت شوي: تذكرت مشكلتنا .. وحز بخاطري إني عشت عمري ببيت ابوي وما شفت ذيك البلاوي..وشفتها ببيتك انت..!!
انا قلت هالكلمتين وانفرطت بالصياح وهو نزل عينه وما قدر يطالعني....................وكأني شفت عيونه دمعت
يعني الحل اللي فيا يدي اني ألهيه..واملا حياته حتى ما يلقى وقت ابد لهذي الأشياء..دامي عرفته طيب وقلبه كبير..

فكرة جيده لكن اعتقد والله اعلم لو ان كل واحده كتبت ماحدث في موضوعها نفسه سيكون افضل ..

العضوة التي تفتقدونها وتريدون الاطمئنان عليها يفضل ان تراسلوها على الخاص وتطلبوا منها طمئنتكم على ماحدث معها ..

واتمنى من كل العضوات ان لايبخلن على بعضهن بالرد والطمئنة فكما نساعد بعض في المحن فلا اقل من ان نتشارك في الافراح وفي معرفة الاخبار السارة وبان كل شيء اصبح على مايرام ..