... ا ســــــــأل مـــــــجـــــــرب ...

حبيبتي طبعا الاضاءه لها دور غير انك لما تجربين على الكف غير عن الوجه او الشفايف وهذي الغلطه لون الروج او الشدو تحطينه على يدك جنااااااااااااااااان واذا جربتيه على العين او الروج على الشفايف يطلع اللون خرطي..والاضاءه تلعب دور كبير خصوصا اذا كانت صفراء لان في الاضاءه الصفراء كل شي يطلع حلو..
اما العطور فلانك تجربين كذا عطر غير انك اصلا اول ما تدخلين محل عطور تشمين ريحة خليط من العطور فيدخلون على بعض..نصيحتي بالنسبه للعطور انك تسوين زيي تخلينه يبخ لك عينات ويكتب اساميها وتحطينها باماكن مختلفه عشان ما تنخلط الريحه ببعض وروحي البيت وشميها بعد ما تبرد ويصفى انفك من ريحة العطور المتداخله وتاشمين على رواق واللي يعجبك ردي اشتريه..
بالنسبه لي انا مره وحده اخذت مقلب في روج جربته على يدي جنان ورحت البيت حطيته على شفايفي طلعت طقاقه كنت في البدايات او ما بديت احط مكياج بس الحين مفتحه..اذا اللون صك راسي وجربت كثافته وعجبني خذته ويطلع يجنن..اما بالنسبه للبياعين انا عارفه انهم نصابين وهمهم تصريف البضاعه وبس ..فاسكتهم اصلا من البدايه اقول له لو سمحت اسكت بشوف اللي يعجبني ما سمع الكلام مشيت عنه خل تنفعه الهذره..اختي المسكينه عكسي تستحي تقول لا ومره انا وياها بفيسز خلصت كل الماركات تقريبا وهي ناشبه عند كلارنس واشوف الا وهي بغت تشتري الستاند كله بس انا قصرت السالفه ومشينا تقول استحي اقول لا وبعدين تقول فعلا البضاعه حلوة..
مره خليتها تسوي اللي تبيه عشان تاخذ عظه وعبره ليس الا خذت كريم اساس امتحنتنا فيه وطلع يفشل وقمت اعيرها بس الحين صارت شاطره وتسمع الكلام..وووووووووووووبس يا ستي:):)
عورت راسك بالهذره عيوني بس انتي سالتي..

اما بالنسبه لسؤالك الثاني والله ما اعرف لاني ما قد جربت ماكس فاكتور..



اختك..
سبائك العسجد..

اي والله كلامكم صحيح

يعني اروح للمحل في بالي شي اطلع وانا شاريه اشياء ما اتوقعها وغير السعر يطلع بالدبل هههههههه

واذا خبيره يووووووه عاد ما تسكت تطلع لك كل الماركات وتاكل عقلك وعيونك وغير فلوسك ههههههههه


وبالنسبه للماركه مادري عنها يا دمعة لقا

وتحياتي :)

أنا كل المحلات كوووم والمكياج كوم ثاني
أروح أبي شي محدد وأطلع بشي وشويات واللي أبيه ماشريته ؟؟؟
هاليومين رحت بودي شوب وناويه أدخل وأنا مغمممممممضه وأشتري محدد حواجب وأطلع ومابي أشوف شي لانه زوجي اللي موديني مو سوااااق ؟؟؟ وقام اللبناني تأبريني هيدا بيجنن وهيدا الكولكنشن الجديد
وأنا فتحححت افمي وقعدت أتفرررج وأخطط على كفي وأشوف زوجي بالسياره زهقاااان وشوي وأنا اللي طولت قام نزل المرتبه وأنسدح ....
المهم طلعت وأانا شاريه روجين وكم شدو وخرابيط ثانيه
واللي أبيه المحدد ماشريته ؟؟؟؟؟؟؟


وفعلا الاضاءه بالمحلات تغرررري وتزين الشي
وأنا مع سبائك بس أنا زي أختها أستحي وأتأثر وأحب أكتشف بعد وكل مره أنوي اني أقوله لوسمحت اسكت بس استحي
لكن اذا كان أبوهنود أرتكه يقرقر وأنا ساااااكته وممكن اسفهه
لكن لبناني مشششششششكله والله ؟؟؟

الحمدلله ما عندي مشكله من هالناحيه والله لو يسوو اللي يسووه ما اشتري الا اللي براسي ...بس ذوقي والحمدلله كلن يطلب رايي في المكياج:27:

مساكم الله بالخير

حبيبتي سبائك العسجد
أشكرك على المداخله والتوضيح وبدون شك لازم نستفيد من خبرات بعض
(مرررره عجبني روج الطقاقات عن جد ضحكتيني والله يسعدك دنيا وآخره)
أما بالنسبه للروجات فأنا ياما انخميت وللآن عندي أرواج ما عمري حطيتها منها الفاقع ومنها ألوان فظيعه ما أدري ليه وكيف اشتريتها !!!!!!
بالنسبه للعطور أنا فعلا مثل ما قلتي أجرب بالمحل وأخذ العينات للبيت ..وحتى العطر اللي يدخل مزاجي ما اشتريه من أول مره حتى وأنا متأكده اني راح ارجع أشتريه بعد فتره.
واذا في عطر عاجبني أدخل موقع عطور على النت وأدخل اسم الريحه اللي أحبها على search.وأعمل بحث لانواع عطور لها تقريبا نفس الريحه spicy مثلا
وتطلعلي لستة عطور .. أروح للمحل وأجربها ... وهكذا
هذا كله لأني سبق واشتريت عطور كثيره ومو رخيصه .. وفي البيت ريحتها ما عجبتني

بالنسبه للهايبرفل كنوعيه فهي ارواج روعه لما تنحط على الشفايف أنا جربتها و أنصح فيها.. بس حبيت أسأل عن
أحلا الألوان الموجوده.

وشكرا جزيلا على مداخلتك ولك كل التقدير


عطر المساء
حاولي ما تاخذي أشياء انتي ما تحتاجيها
والخبيره سكتيها .. قوللي لها اذا مدحت في حاجه هذا اللون عندي أو فعلا حلو وجربته ... وهكذااا
أتمنى لك التوفيق ومشكوره


قرطاسهاللبناني قوليله نفس الكلام .. وهو اللي راح يستحي... هاللانواع أحسها تضحك علينا من جوه لما نشتري حاجات ما لها داعي.
والله يوفقك.

بنت النور
هيك لازم نكون
تحياتي لك.

تـــــحــــــيـــــاتي
د مـــــــعـــــــــة لــــــقـــــــا