السلام عليكم ورحمه الله وبركاته
كيفكون صبايا ان شاء الله بخير
ماطول عليكم
من فتره وانا ادور تورتيلا الراشد وماحصلته الاقي انواع ثانيه بس ماتدخل مزاجي
عاد اليوم وانا اقلب بمواضيعي لقيت طريقه لاختي قد عطتنى اياها لعمل خبز التورتيلا
جلست اراوى هاه ؟؟ ازين ما ازين اخاف تنحاس اخاف ماتنظبط
توكلت على الله وسويتها (( سويت نصف المقدار كميه سعنووونه )) لانها تجربه << تبغون الجد ما حصلت نشاء يكفي :hahaha:
طلعت رووووووووعه عجبت امى واهلي كلهم امى تقول خلاص انتى سويها والله احسن من الجاهزة
ومررره طرررررريه ماتصدقون قد ايش طراوتها والله
عاد يكفي مقدمه نبدء بالشرح
اولا : بالخلاط كاس نشاء بياله زيت بياله ونصف البياله مويه
لما نخلطها نقسم الخليط لقسمين او 3 اقسام حسب رغبتك انا قسمتها قسمين
ونخلط مع احداها في الخلاط فلفل رومي (( قليل بس عشان يطلع لنا اللون )) هذ1 المقدار اللي حطيته من الفلفل واحس انه كثير بعد وممكن تحطين اي لون فلفل
وبعد الخلط ..
بعد كذ1 نضيف الدقيق بالتساوى (( تقريبا مقدار نصف كاس لكل مقدار او قد تزيد حسب تماسك العجينه )) الى ان تطلع لك عجينه متماسكه زى عجينه الفطائر (( ممكن تحسين اول ماتحطين الطحين انه فيه تكتل من تحت هذ1 الشئ عادي نتيجه النشاء مجرد ماتبدين بالعجن يذوووب التكتل ))
بعد كذ1 نقسم العجينه لدوائر صغيره (( انا حطيتها صغيره وطلعت كانها مينى تورتيلا ))
يتــــــــبع
نحطها في الاله ونضغط عليها ضغطه وحده قويه ونرجع نفتحها نتاكد لايكون العجينه سميكه واذ1 سميكه نرجع بسرعه نضغطها مره ثانيه اقوى بس انتبهي لا تتقطع خخخخخخخ (( ماتجلس في الاله اكثر من عده ثوانى لانها لو طولت تكون يابسه
بعد ما نضغطها مره وحده بس في الاله بسرعه نشيلها ونتركها على الصاج حق الفرن ولازم الصاج يكون حامى وبسرعه نقلبها فوق وتحت ونشيلها بسرعه وندخلها في الكيس ونسكر عليها عشان تحتفظ بطراوتها
وبعد ما خلصنا لاحظوا شكل الخبز وطراوته
بعد كذ1 حضري الحشوة اللي تحبين وانا كانت هذي حشوتى
وحشيها وعليكم بالف عافيه
وثلامتكم ..
استنى رايكم
مع الثلامه