بأتطلق اذا ماقريت قرآن 😢

السلام عليكم

بنات ماني عارفه من وين ابدأ ، انا اخطيت بحق زوجي وكان راح يطلقني بس سامحني واشترط عليَّ كم شرط ، من بينهم اني اختم القرآن في اسبوعين قبل سفرنا لأهلي ( لأني كنت مريضه واروح لرقاة قبل زواجي ويبي يسوي خير يعني يحببني بالقرآن وكذا ) المهم انا وعدته اني احاول و والله العظيم جالسه احاول بس صعبه اختم في اسبوعين مرررا صعبه وانا كنت انفر من القران واتعب اذا قريته بس اللحين استغفر الله اذا قريت ما احس بحماس واطفش بسرعه وانا معاهده نفسي اني اقرا كل يوم ولو آيات بسيطه عشان ما اهجر القرآن بس بهذي الطريقه احس اني جالسه اقرا عشان ارضي زوجي مو ارضي ربي فهمتوني؟ ما ابي كذا ابي لما اقرأ اكون برغبتي وابتغي بهذا وجه الله بسس مو رياء او مغصوبه على القراءه

السؤال هنا : ماني قادره اختم واذا ماختمت احتمال كبير انه يطلقني ولا راح يتفهّم ايش اسوي؟ اكذب واقول قريت وربي يدري اني اكذب؟ او اكون صادقه معاه وانهي حياتي الزوجيه بأبغض الحلال الى الله؟ علماً ان اهلي مستحيل يستقبلوني اذا تطلقت وانا لسى عروس وعمري باول العشرين

ساعدوني مالي بعد الله غيركم 😩