كبرت ولا صغرت ولو عمرها صك الخمسين
ومتزوجه لها ثلاثين سنه ،،،،ماتستغني عن اهلها ابدا ،

أنا رأيي الزوجه ممكن تطلع بأي عمر وبعد أي مده مرت من زواجها بالعكس إلي تطلع بعد عشر سنين يعني صبرت وجربت كل الحلول وما نفع ونفد صبرها ووصلت لمرحلة حكم من أهله و حكم من أهلها كمحاوله أخيره عشان تحافظ على زواجها وعيلتها ، أما إلي تطلع بعد شهور أو سنه سنتين من زواجها أصعب مافيه عشره طويله بينهم مالحقت تتكون بينهم موده ورحمه تخليهم يحنوا لبعض وكل واحد يتذكرالآخر بوقفات وقفها معه أثناء عشرتهم بالعكس ما لحقوا يعطوا لبعضهم فرصه عشان يعرفوا بعض صح فكل واحد كون عن الآخر ففكره خاطئه يتذذكر إلا مساوئه فيضيعوا فرصة التصالح .

المهم المهم المهم إنها موتطلع عشان تطلع لا تطلع وهي مستعده للطلعة ودارسه عواقبها ومحضره حالها لكل العواقب عشان تتصرف من مركز قوه مو مهزوزه تصبروتحل المشكل من جدوره ، مو تطلع وبعد يومين تحن له وبعد أسبوع تتوتر وبعد شهر تبعت له رساله وهو مهمشها وبعد أربع شهور تطلب منه يرجعها وبعد سنه تترجاه ينسى ويسامحها وما يطلقها وحجتهاعشان أولادها كان من الأول ماطلعتي عشان أولادك وحفضتي كرامتك ووفرتي على أهلك تنكيدهم عشانك ويمكن مالهم كمان هم إلي كانوا ينفقوا عليكم لأن حضرته مطنشكم وماينفق وعايش حياته ووفر حق زواجته الثانيه بهسنه كمان

نصيحة إلي مو قد الطلاق وظروفها جبرتها لا تطلع من بيتها وتهدد وتقول إستحالت العيشه طلقني لا وإذا حبت تطلع تقول تعبت نفسيتي وحابه نبعد شوي عشان ما تكبر مشاكلنا أكثروكل واحد يفكر براحته بالوضع من غير زعل وإذا قال متى ترجعي تقول مادري لما يطيب خاطري وأوصل لقرار بمشاكلنا إلعبي على أعصابه وخليه هو ينتظر والإنتظار نارلما تحسسي أنه طاااااب وتوصلتوا لحل ولو نسبي تقوله تعال خدني

اتفق 👏🏻👏🏻