بأذن الله لتسهيل الولاده

السلام عليكم ورحمة الله وبركاته :

اخواتي في الله:
الله ييسر اموركم اجمعين وتولدون بسهوله وسلامه وترزقون بالذريه الصالحه الجميله .
حابه اتكلم عن اشياء تسهل الولاده لاني الان بالتاسع والموضوع هامني واعتقد انه يهمكم كمان .

اولا : التوكل على الله سبحانه وتعالى الرحمن الرحيم خالق النفس من النفس ومخرج النفس من النفس . لايوجد من هو ارحم منه سبحانه وهو القادر على كل شئ فلا يقدر على تيسير الولادة الاهو سبحانه وتعالى . فلندعوا الله ونتوسل اليه ونتصدق ونصوم اذا امكن والله كريم وقريب وهو مولانا ونصيرنا نعم المولى ونعم النصير . وحابه اقتبس تجربه احدى الاخوات لانها قيمه جدا وكلامها ماشاء الله يدخل القلب .

الكاتبه : جالكسي ساده (الله يسعدها ويجزاها خير )
انا عندي لكم قصتي الطويله مع الدعاء :
لما كان عمري 18 تقريبا وتخرجت من الثنوي .. رفضت اني ادرس بالجامعه .. ويبست راسي ماابي ادخل جامعه .. والله بالخير جامعاتنا اذا مادخلتيلها بنفس السنه إلي تخرجتي منها ماراح يقبلونك السنه إلي بعدها .. ومرت ا لعطلة الصيفيه .. ولما صار على اخرها انبتني امي وقالت الا تقدمين اوراقك .. بس كان فات الوقت ..
وقدمت على جامعه ثانيه بس القسم إلي عندهم تسويق فاشل شوي .. ويمكن يستمر معاك 6 سنين .. عدى انه تكاليفه غاليه .. فسحبت اوراقي
وبدت السنه ولاانا إلي ادرس ولا شي ..
بعد كم شهر اخذت دورة سنه وانتهت ..
وجت السنه إلي بعدها .... وقدمت على اكاديميه بس ماقبلوني ..
ورحت ادعي بليل وصليت الليل والله اني اقولكم ماتصدقون كنت تقريبا اصلي حول ال 40 ركعه او ال100 واسبح وادعي واقرى قران وابكي وحفظت ادعيه مأثوره كنت اقولها بعد .. والله يبنات بدت الاكاديميه دوام وانا بالبيت يجي 3 اسابيع وسكرو باب القبول نهاااااااااااائي لاني اتصلت عليهم وترجيتهم ولا فيه امل ........
وذيك الليله إلأي صليت فيها ودعيت لما صليت الفجر وجيت انام حطيت راسي على المخده وقلت بكره يوم مش عادي لأني دعيت واكيد ربي سبحانه راح يساعدني ... بكره يوم حافل جدا ونمت ... ولاني لاأدرس ولااشتغل طبعا قعدتني امي الظهر لصلاة الظهر وقالتلي قومي بدلي وألبسي عباتك ابي اخذك للاكاديميه تراهم اقبلوك ..... الله مااعتقدت انه المفاجئه كبيره لفراشي واول ماأقوم من النوم عاد ؟؟؟ سبحان الله ..
ورحت مثل إلي مش مصدقه ودخلت على الاداره وقالتلي المديره انتي يافلانه (...) اسمك جاي من الاداره العليا ان نقبلك افرحي انتي vip ?? اثاري امي كلمتهم الصبح ورضوا بسهوله
أعجوبه... ودخلت الفصل ودرست ..
عقبها بسنه دعيت ربي انه سبحانه يقبل دعائي ابي الكليه تقبلني .. وانا متخرجه صارلي 3 سنوات تقريبا .. قدمت اوراقي ورجعت للبيت .. وظليت اصلي وادعي ومثل ماقلتلكم اصلي فوق ال20 او 40 او 100 مع الدعاء وقراءة القران وكنت مرات بعد كل صلاة فريضه اصلي ركعتين صلاة الحاجه وادعي صمت وتصدقت .. وهذيك الليله .. صليت ونفس الشي لما جيت انام قلت بكره يوم مش عادي بكره يوم حافل وجميل وربي سبحانه راح يحققلي إلي ابيه ...
وقعدت من النوم الظهر عشان اصلي الظهر ونزلت عشان اكل ولا امي تقول ترا طلع اسمك بالجريده انقبلتي ؟؟؟ وكنت بعد داعيه لقريبتي انه تحليل الورم الي عندها يطلع حميد .. ولا بالوقت إلي امي تقولي فيه انقبلتي رن التلفون ولا هي ام قريبتي تقول ان الورم حميد .. ياااااااااالله سبحانه قريب اشد ممانتصور .. وأروح انشر قصتي هذي على كل من شفته .. وقلت لاختي الكبيره ..أذا انتي تبين تعرسي بنفسك هالشي صلي بليل كثير كثيييييييييييير واقري قران وادعي والاهم انك تكونين سعيده وانتي تسجدين لله سبحانه فرحانه انك اتصلين في حين غيرك محروم من الاسلام واخذت بكلامي والله وصلت كذى اسبوع والله يبنات الذي لاإله إلا هو انها الحين مخطوبه وملكتها عن قريب ...... وبنت خالتي بتتزوج بعد عن قريب .......


ثانيا : هذه نصائح من مجلة( حملك )العدد الاول :
اذا دنا موعد ولادتك ولكن لم تظهر أي مؤشرات للمخاض :
# اخرجي في مشي طويل ولكن دون ان ترهقي نفسك كثيرا .
#تناولي طعاما ساخنا وذا بهارات اذ من شأنه ان يحرك كتلة الفضلات في الامعاء وهومايحدث عادة قبل بدء المخاض .
#الجماع مع انه قد يكون آخر ماترغبين به ولكن هرمونات prostaglandinالموجوده في السائل المنوي يمكن ان تحفزعنق الرحم على العمل .

ثالثا : هذه وصفه من حرمه قابلتها في المستشفى الله يجزاها خير والحمد لله من قبل ومن بعد وحسب كلامها ان الرحم كان مفتوح عندها فقط 2 سم واستمرت على هاالوضع يوم اويومين مااذكر بالضبط وسمعت بالتلفريون الدكتور عادل عبد العال يقول وصفه لتسهيل الولاده وجربتها وماشاء الله على طول بعد توفيق الله وتيسيره انفتح الرحم على الاخير 10 سم وولدت بالسلامه .
الوصفه هي : ملعقه من كل من : زنجبيل مطحون / فلفل اسود مطحون/ قرفه مطحونه .
تخلط مع بعض ويوضع عليها كاسه ماء ساخن وتفور(تغلى ) على النار فوره وحده فقط ثم تحلى بملعقة عسل اصلى وتشرب .
الله ييسر امورنا اجمعين .