بأسرع وقت ابي حل لمشكلتي الله يسعدكم ويطمن بالكم

انا متصفحه جديده بهالقسم وان شاء الله اقدر افيدكم واتفيدوني ....بس عندي ملاحظه ليش ممنوع دخول الرجال بهالقسم احس وجودهم مهم ورايهم فالمشاكل الزوجيه مهم بالدرجه الاولى بحيث لما تشتكين لوحده احياناًماتوصلين لحل ولاتقدر تحلل شخصية الرجال عكس الرجل يقدر يفيد في بعض المواقف لان الوحده تقول انا عارفه زوجي وفاهمته اكثر من نفسه وعقب سنين تكتشف انها ماعارفه شي والرجال بطبعه غامض اكثر مماتتصورين خصوصاً اللي قليل الكلام ..فااحس ان راي الرجال مهم واذا قصدكم ان القسم في مواضيع عيب الاطلاع عليها فتأكدوا ان الرجال عارف كل شي عموماً بقولكم مشكلتي اتمنى اللي عندها حل تجاوبني

مشكلتي زعلانه مع زوجي من شهر وهذا شي عادي متعودين نزعل بالسنه والاشهر تخيلوا المهم قبل الزعل اعتمرة مع زوجي واهله وقررنا بعد العمره نسافر اي بلد عربيه انا احددها وهو من 10 سنين عمره ماسفرني المهم بعد مارجعنا من العمره صارت بينا مشكله وقام يعايرني توني موديج عمره انتي مايبين فيج شي وهذا الكلام خارج الموضوع بس حسيته يبي يتمنن علي وفخلال هالشهر مايكلمني بس بين فتره يرسل ولده يسأل اذا ابي اسافر اولا كنت اقوله قول لبوك ايسافر مع اهله وياخذكم معاه انا بقعد عند اهلي واستخرة ربي حسيت نفسي اسافر اغير جو بس مع اهلي اما اذا معا زوجي لازم يطيب خاطري اول
((لاتلتهب ياجرح ماهو على كيفك الحاجه اللي تذل النفس مابيها)) المهم بعد فتره من المحاوله مع ولدي وانا رافضه (عنيده) اليوم عرفت من ولدي قال رحنا السفريات وحجزنا وبنسافر وابوي حجز لج معنا والسفر عقب 3ايام وعلى فكره اهو يبي يسافر عشان اهله وعشان يستانس مو عشاني قولوا لي اذا قالي الحين شقوله وعلى فكره زوجي مايحب النقاش يعني اقول ايه مااقدر ادوس على كرامتي اكثر اقول لا ممكن اخسره خصوصاً ان الزعل بيستمر حتى فالسفر يعني اه من بطني واه من ظهري وجات الحزينه تفرح.......................