بأعطيكن عشرة نصائح والله يعينكن . مداعبات

عزيزتي المتزوجة يمسيها بالخير .

بأعطيكن عشرة نصائح والله يعينكن .

عشان ياقباقب عيني تكون حياتكم في سعيده تمعنوا في النصائح وفكروا فيها زين .

1- اذا جاء زوجك من العمل وطبعا تعبان وودة يقيل ( نومة بعد الغداء ) شغلي الغسالة وابدأي في غسيل الهدوم وياريت يكون باب الحمام مفتوح علشان يستمتع بصوت الغسالة.

2- اذا رحتي معاه للسوق واصر انة يدخل محل معين أصري على عدم الدخول تراة شايف وحدة مزيونة دخلت المحل ووده هو وخشمة يتميلح قدامها.

3- اذا تأخر في الليل عن الحضور في موعدة وبمجرد ما يفصخ ثيابة ويدخل الحمام يغسل شمشي فنيلتة الداخلية هي نفس الريحة حقتة والا تغيرت وشوفي الثوب من الخلف من جهة الياقة فية روج ولا لا.
وشوفي بعد شماغه شعرة لاصقة هنا والا هنا.

4- اذا حصلتيه منهمك في مطالعة التلفزيون ولازم يكون مبارة بين الهلال والنصر حطيله طرطيعة وراء ظهره من حقت البزارين بقايا عيد رمضان.

5- اذا كنت تشتغلين وهو برضه يشتغل يعني اثنينكم بتروحون الصبح يم الدوام طبعا لازم يكون فية شغالة خليه الين تجي الساعة 9.30 واتصلي على البيت وبترد الشغالة وفي نفس اللحظة دقي على جواله واذا سمعتي صوت جرس الجوال في السماعة معناه تتركي الدوام وتروحين للبيت وتدعسين في بطنة ولا تنسين الشغالة.

6- حاولي انك تبرمجين الرسيفر حق القنوات الفضائية بأنك تلغين قنوات لبنان كلها وتحطين قناة اليمن / السودان / السعودية 1.2 / والشارقة واذا اصر انه يتابع عليك بأفيوز العداد خرجيه وارميه فوق سطوح الجيران.

7- اذا جاء في يوم وعادة يكون في الصيف وقلك عندي انتداب لتبوك او جيزان تراه كذاب مسافر كازا بلانكا ( المغرب ) مع الشلة ( اصدقائه ) حتى وان كان الجواز معك بيطلع بدل فاقد.

8- اذا جاء في الليل ودخل ينام واعطاك اشكل يعني ظهره قومي سيدتي ببخ الغرفة بالمبيد الحشري ( فليت ) وقفلي الباب وروحي كملي سهرتك قدام التلفزيون.

9- حاولي تقشطينه اول بأول ترى اذا كثرت الدراهم راح يتجوز عليك علشان كذة غثيه كل يوم طلبات.

10- سيدتي العزيزة انا ماني مسؤل اذا طلقك رجلك.



خخخخخخخخخخخخخخخخخخخخخخخخخخخخخخخخخخخخخ :D :D :D

منقووووول