انصحك ابعدي عن ايكيا زمان كان فيه جوده الحين لعب بلعب
وربي مو خشب فلين حتى الفلين يمكن اقوى
يبغاله عنايه مرره مشدده وهذا القلق بكبره

الله يجزاكم خير الجزاء جميعا
انا ميزانيتي في حدود العشرين الف وممكن ازيد على شي عاجني
بس محتاره القلب ومايهوى حبيت مطابخ ايكيا
لكن بااعطي نفسي فرصة اخيرة واروح ان شاء الله كافكو والسعودي
لان امي مفصله من عندهم قبل رمضان في جدة كلفها ثلاثين الف رهييييييب المفاصل الماني هادروليك اللي ماتخلي الابواب تخبط بسرعه والشغل فعلا احترافي مطبخ كلاسيكي

فصلي في ايكيا وانتي مرتاحه
دواليبهم اوسع واعمق
وعندهم افكار بسيطه بس مريحه لك في الشغل
بالنسبه للخشب اللي جوااا عادي مو مره يتحمل اذا خليتيه غااااطس مويه
اما لو انتي محافظه عليه ماعليه اي كلام
الابواب خذي الانواع الغاليه شوي
ارخص نوع مره سيئ بس الاعلى منه كلها حلوووه
والله ايكيا احسن من اللي برى كلهم نصابين ويغشون عيني عينك واسعارهم ياعيني
وايكيا اي وقت تغيرين واي وقت تزيدين على مطبخك اذا تبغين
بس مثل ماقلتي السطح خليه من برى افضل
من تجربه كلامي

انا انصحك وبقوه وعن تجربه بمطابخ ايكيا
انا مطبخي من عندهم اخذت لون احمر وابيض وصارله عندي سنتين
وماشالله متحمل كرف ومويه عادي ايكيا جودتهم مره عاليه
وانا مطبخي الي من ايكيا ركبته في الديرتي كيتشن يعني مكان كرف وماشالله مره رايق
توكلي على الله وخوذي من عندهم

حبيبتي منتجات ايكيا حسب سعرها كل مارخص سعرها قلت جودتها يعني المطبخ الرخيص خشب نشارة والغالي خشب طبيعي والخشب الطبيعي مايتأثر لا بالموية ولا بالحرارة ولو لا سمح الله شي خرب ممكن تبدليه بكل سهولة وعندهم ضمان انا اقتنع بمنتجات ايكيا والله يوفقك