بأنقل بيتي لـ خرابة .. فزعتكم يااااااااااااااا بنات حواء

السلام عليكم ورحمة الله وبركاته

ما أعرف من وين أبدأ ولا إيش أقول

بالمختصر المفيد ببنتقل من الشقة اللي ساكنين فيها الآن لشقة ثانية

اللي نحن فيها بنتركها لأنها غرفة وصالة وصغرت علينا كثير لأن العيال يا خوانا كبرت

وصار لازم نغير

المهم لفينا ودرنا وما لقينا إلا شقة وحدة بالمواصفات اللي نريدها

المشكلة اللي أواجهها الآن أن الشقة تحسيها خرابة مو بيت أعوذ بالله

طبعاً ساكنها ناس قبل و عينك ما تشوف إلا النور

أنا قلت الحمد لله هذا قدري ونصيبي أرضى بيه

لكن ما يعني هذا ان مافي مجال وما في حل إني أشتغل عليه بحيث إنه يصير مثل الجديد وأحسن بعد

لكن يا بنات أريد فزعتكم أريد أفكاركم وإبداعاتكم

تكفوووووووووووون لا تطنشوني ولا تهملوني والله إني متحطمة حديييييييييييي ومتفائلة بس معكم


أهم خطوة ان الشقة بنصبغها كلها

يبقى لي المشكل الأساسي المطبخ اللي الصراصير قاعدة تلعب فيه لعب و تغزو الخزانات والمكان كله غزوووووو
طبعاً المفروض بتجي شركة مكافحة الحشرات وترش البيت ، بس أنا قلبي مقبووووووووووووض
غير الحمامات اللي ما أدري بأي نفس بندخل عليهم والا كيف بخلي أطفالي يستخدموهم
ما أدري أحس مهما نظفت بيبقى وسخ ومو نظيف

بنات ساعدوني الله يساعدكم دنيا وآخرة

بعدما يخلص الدهان ورش الحشرات رايحة أجيب كم وحدة من هالبنات اللي يشتغلو بالساعات
وأخليهم يساعدوني في تنظيف البيت

بس قولوا لي شو هي المواد اللي ممكن استخدمها وتنفعني إن شاء الله في تطهير البيت تطهييييييييييييييييير
تعقييييييييييييييييييييييييييييييييييم

ما أقول لكم سقف المطبخ والشفاط كيف صاير يا لطيييييييييييييييييييييييف عسى ما تشوفي مثلها

بنات في أمل ؟؟

ممكن تساعدوني


أرجوكم :(

قمة اليأس