بأيش تنصحونها يا حكيمات ....... خمس شهور !!

بنت عمي استشارتني في مشكلتها و قلت لها بستشير لك بنات حواء اكيد بيفيدونك ان شاء الله ( هي راح تقراء كل الردود)
هي عندها ولد عمره 8 اشهر و من بعد ولادتها زوجها ما قرب منها الا مرتين مره من بعد الاربعين و مره بعدها بشهر و شوي و الى هذا اليوم ما رجع قرب منها، و هي في حيره من امرها ما تدري ايش السبب و تقول انه جسمها بالعكس رجع مثل قبل و الحمدلله ما عندها اي مشاكل في الاماكن الخاصه ، تنيم الطفل وتكشخ و تتعطر ، بس لا حياة لمن تنادي ، زوجها ابد مو راعي خرابيط بالعكس ما شاء الله عليه من الدوام للبيت و العكس ، حتى ما يحب الخرابيط من واتس او تويتر جواله مرمي طول الوقت عندها و جالس قدامها من اول ما يرجع من الدوام الى ما ينام يسولف او يطالع برامج في التلفزيون و حتى لو بيروح اي مشوار اخذهم معاه ، و باقي تعامله معها ما تغير مثل العاده كل شي ممتاز بس الا هالموضوع و هي ملت و منحرجه و محتاره، قبل كم شهر كتبت رسالة عتاب مرتبه و سألته ليش ما عاد تقرب لي و مشتاقتلك و من هالاكلام لانها ما قدرت تتكلم معاه مباشره، رد عليها بجمله وحده في رساله: انت اجمل شيء في حياتي و انا احبك جدا و الحمدلله اللي رزقني زوجه مثلك. تقول ما فهمت شئ و لما رجع من الدوام بمزح قلت له ما رديت على رسالتي ، و غير الموضوع و ما رد على الكلام، تقول لي حسيت باحراج بعدها كأني ارمي نفسي عليه اذا هو الرجال ما اشتاق لي و لا يحن ما اقدر اجبره . وفي نفس الوقت ثقتي في نفسي اهتزت معقوله عنده حرمه يوميا قدامه ما حركت مشاعره خمسة اشهر لو انه جماد تحرك .
انا قلتلها اجلسي معاه وجها لوجه و اسأليه ايش المشكله نفسيه او عضويه ، بس هيا رافضه و تقول حتى لو جاني بعد كلامي معه ما احس نفسي بتقبله خلاص احس كأني اغصبه علي و احس اني مجروحه من داخل
ايش رأيكم و ايش التصرف الصحيح