انا روز :

شوفي بصراحه انا ولدة قبل كذا وحامل الان .. الم محتمل ...لحد يقولك مو محتمل... لانك تحملين ولو مايتحمل كان ينفجر الرحم عند المرأه لكن الم الم..بمعنا الكلمه مافيه الم اتوقع بدنيا كثره ... يعني انا بعتقادي مثل سكرات الموت ... اما الشعور الي ينتابك كأنك داخله عاصفه ترابيه من حقات ولايات امريكا تاكسس وشلتها مو مثل الحفر ورفحا عاصفه عاصفه ..ماتدرين وش بيجيك مره تجيك حجره بدماغك على غفله ومره نعله على عينك ...ومره كرسي بطنك ..يعني شعور منتي عارفه وش بيجيك ولا الطلقه الجايه شلون ..ومجرد ماتنهي الولاده تحسين كانك منداشه خبله مع احترامي ثوله غبيه متنحه منتي عارفه تتكلمين ولا تعبرين ولا يجيك نوم وتكثر هذرتك ومن الفرحه بالحياة وانك شلون نجيتي تحسين بسعاده غامره وخل اوصفلك وصف اقرب شوي لشعور الولاده كأنك مربوطه بخيشه وجوك افغانين وبعصى كل واحد من جهه وانتي جواة الخيشه عارفه ان بتجيك ضربه بس ماتدرين من وين وتبقين خايفه ومترقبه الظربه الجايه وبعدها يفكونك من الخيشه وتشوفين النور يروحون ويخلونك تحسين جسمك مكسر ومهدود حيلك وتحمدين الله ان هذا ولا غيره وانك مامتي... بس الغريب بالامر والي راح تستغربينه انه مجرد مايطلع الراس كأن العداد من 3000 الى 0 مباشره ينتهي كل الالم ولا كأنك مريتي بشي ..وربي كل الطلق يروح اذا جاء بيطلع الراس وتحسينه صابونه زلقت بس ترجعين وتحملين ولا كان شي صار رحمه من ربي نتحمل شوفي الحيونات الي تولد وتتعسر ولددتها ولا عندها من يساعده ولا احنا الحمدالله يارب من سعه كل الامور... واذا بغيتي تعرفين نعمة الم الولاده قارنيه بضرب الكيماوي لمرضى السرطان الي يعطونهم ثلج ياكلون ويحطون قبعات ثلج بروسهم عشان يخفف حرارته وش النتيجه يمكن يشفى ويمكن لا.. لازم نقارن الاشياء عشان نحس بنعم الله وربي انا عارفه اني بولد وماكذ عليك خايفه بس اقول ياربي انت ارحم مني بي ماحطيته وانت عارف انك بتظرني وشوفتي كل هالوصف وكل هاألم ضعفه سعاده وهدوءء وراحه بعد خروج الطفل والمشيمه.. والولاده تجربه حلو لو فكرتي كم من عقيم تتمنى تجربها..وكم من عمليات اتحملوها الحريم وتلاقيح وابر بشهور مقابل انها تحمل وبعد هالتعب مايكتب الله.. ولا الحامل تستنى شي حلو يجيها عسى ربي يفرحكم ويفرحنا ****لله .. ويسهل عليكم ... ولازم تعرفين مدى المها ومدى الاشياء الي تفرحك بعد.. ادعيلي ان الله يسهل علي ويطول اعمرنا على الطاعه والعباده..

شوفي بصراحه انا ولدة قبل كذا وحامل الان .. الم محتمل ...لحد يقولك مو محتمل... لانك تحملين ولو...