بأي اسلوب افهم زوجي يا بنات

انا احس اني محرومه من حنانه بشكل ما تتصورونه
وكل مره اجي احكي له شي يعصب
ما يسمع مني
اجي من الدوام معبيه سواليف وكلام من افتح فمي مدري وش يجيه
يصير يعصب ويناقش بحده وياخذ الامور جد
احيان احس انه يغار من شغلي واحيان احس انه تعبان من الدوام واحيان اقول هذي شخصيته
الين بديت امل
وبديت اتغير عليه
صرت دايم ساكته
وهو دايم ساكت
وبس يقول لي سولفي سولفي
وانا وشلون اسولف وانا كل ما فتحت فمي خانقني ولا نشب في حلقي
والله احيان اسمع كلام فيه حنان من مديري ولا من اللي معي في الدوام ما اسمه من زوجي
مثلا الاسبوع الماضي كنت مريضه وغبت يومين
مديري قعد يقول لي سلامتك ما تشوفين شر ارتاحي وكثري سوائل وانتبهي لصحتك
وزوجي ما راعى لا نفسيتي ولا صحتي
وبس يخانق ويقول انتي متغيره انتي ما تحكين انا بزعل عليك انتي ما تعرفيني اذا زعلت
طيب يا رجال انا مريضه معي نزله معويه وانت ما سالت فيني ولا وديتني مستشفى الا بالحسره ويوم وديتني كنك ملحوق ما صدقت يعطوني مسكن حتى ما اخذت نتايج التحليل
وشلون ما اتغير عليك

وشلون ما اتغير وانت دايم ساكت ومبوز واذا شفتني اكلم في التليفون يجيك جني سكري سكري كن عندك اهم شي في الدنيا
واذا حطيت شي في التلفزيون يبي يغير ما يعجبه واللي يحطه طبعا ما يعجبني
واذا قمت علشان اخليه يتفرج قام يخانق ليه تروحين
اروح اشوف شغل البيت اللي ما يخلص من ورا حوسته
بنات ابي حل ابي افهمه اني احتاج لحنانه وهو مره جاف
والله زوجي كويس بس يبي له تعديل وتفهيم ابيه يحن علي شوي
وهذا واحنا بس لنا 8 شهور متزوجين