بأي حق استبعدت

عزيزتي والله موضوع اختك ينرفز وفي غاية الظلم بس اختك صاحبت حق يعني لا تسكت ترفع برقية االى الوزارة او المقام السامي ابد لاتسكت وبعدين موضوع الاثبات لا تستبعد مادام انها جابت اوراق رسمية شكل الموظفة ماقرت الشروط زي الناس تسمحيلي اساعدك

واتولى الموضوع والله لا اجيب خبرها بس مااوعدك احااااااااااااول وابشري بعزك وانا اختك اذا تبين ارسلي ايميلك على الخاص تمام
في انتظار ردك على فكرة الوزير صرحة بنفسة انا الاثبات يقبل اذا جابت اوراق رسمية سواء صحيحة او مزورة يقل كل واحد يتحمل مسؤوليتة وبعدين اش التخلف تبي بنت مو ولد كلهم اخوان وبعدين البنت كيف يقدرو يعيشو لوحدهم لازم يكون ولد سبحان الله محبتك زورق الغربة

ياقلبي عليكم 0000 لاتيأسون والحقوا وراء حقكم 000 والله هالمشرفات كأنهم يعطوننا من رواتبهم0000

روحوا راجعوا وراحعوا00000 الوحدة مننا يالله تلقى الوظيفة 000 وناس ماتخاف **** تحرمكم هيا00000

بالتوفيق0000 وبشرينا اذا صلحت الأمور00000

حبيبتي حطي ببطنك بطيخه صيفي والموظف صادق واعطاكم من قاصرها ((معكم واسطه بتظبط امورها مامعها تجلس ببيتها)):angry2:

والله اللي حصل مع اختك حصل معي بفارق بسيط


والموظفه الله لايسامحها وقعتني على ورقه بيضاء واستبعدتني

بالرغم ان كل اوراقي سليمه


لكن شكلها محتاجه تحط احد مكاني وسوت اللي سوته

الله لايسامحها لادنيا ولا اخره

أولا .... الله يعينكم ويعوض أختك خير إن شاء الله

ثانيا: لو مادعيتي على الموظفات أحسن لأنه لو كنتي ظالمتهن راح يرجع دعاءك عليك و أكيد ماتبين هالشيء لنفسك...

أما بالنسبة لموضوع أختك فأنا راح أشرح لك اللي صار

عندنا معلمة صار لأختها نفس الشي بس كان النظام واضح جدا قالوا لها: إن مدارس المنطقة لتعليم البنات اللي هي ساكنة فيها غير تابعة للمنطقة اللي هي قدمت عليها

طبعا مالهم علاقة بتعليم البنين أهم شي البنات لأنه هي مقدمة على إدارة تعليم البنات وليس البنين

متى يقبلون إثبات أحد الأشقاء الذكور؟؟ يقبلون إذا كانت كل من مدارس البنات والبنين ( كلاهما ) تابعين للمنطقة اللي قدمت عليها لكن لو كانت مدارس البنات تتبع لمنطقة ثانية أو مندوبية ثانية فلا يقبل إثبات السكن....

طبعا زي ماقلت لك النظام واضح

بس أكيد الوضع صعب عليك لكن والله فكرنا بالعقل هذا نظام ولازم يمشي ليش نزعل؟؟؟


وصعب تطلبين من الموظفات يخالفون النظام ويعرضون نفسهم للتحقيق عشان أختك ؟؟ صح أو لا؟؟؟

وهذا الكلام مو من عندي لا والله هذا الكلام من ضمن الشروط المكتوبة في المطابقة للسكن بس عشان أنتي مش معلمة ماإطلعتي على هذا النظام

وعلى فكرة أغلب اللي أعرفهم قدموا للوظائف و أنرفضوا لهذا السبب

وبعدين أنتي قلتي أن أختك قالت لهم وش تبوني أسوي ؟؟ أجيب أخوي يدرس بمدارس البنات؟؟

يعني الله يهدي أختك هذا كلام ينقال بدائرة حكومية ولموظفات حكوميات؟؟؟ لازم نكون ناس عمليين ونمشي بالنظام ونناقش أمورنا بعقلانية

وبالنسبة لأختك خلي أحد أخواتك يدرسون في المنطقة اللي تبي تقدم عليها هذي السنة عشان يكون إثبات رسمي وصحيح 100% لتقديمها العام القادم بإذن الله

كذا يكون أضمن

اتمنى تكونين فهمتي الوضع بالضبط عشان ما نفكر إننا مظلومين وندعي على الناس بدون سبب

ولو بغيتي أي إستفسار أو توضيح أو نقطة مافهمتيها عادي إسأليني و أنا مستعدة أجاوبك عن أي شي يخص هالنقطة حتى تكوني مقتنعة بالموضوع وبالتوفيق ياعسل :26: