امي الله يعطيها الصحة والعافيه طبخه بريمو بس مو راعيه كيك وفطاير ترا
مشهوره مشاء الله عليها بطبخ الذبايح مررره مررره مررره
لدرجة الناس تقول اذا كان فيه عشاء عند ام قمر رمضان ما نتغدى وقسم بالله العلي العظيم
مرره لذيذ طبخها لذبايح مرره مشاء الله
وكمان الاكل الشعبي
عصيده ( محلى ) عصيدة الجنوب اللي معها لحم يمي
مرقوق
جريش
مراهيف
قرصان
قرص مفروك
خبزة الحجاز
مصابيب
وتبدع فيها يعني تسويها كل مره بشكل احلا من الثاني
قهوتها ررروعه وانواع الشواهي تبدع فيه
الاكل نفس
وامي تقول كلا حوفه مثل جوفه
والله يعطي امهاتنا الصحه والعافيه ويطول بعمارهم يارب
والله يجزاهم الجنه على كل شي سووه لنا من قلب يارب

فديت أمي ربي ما يحرمني منها و يخليلكم أمهاتكم
كل شي من يدها حلو بالذات الكبسة

امي الله يحفظها تتميز في الكبسات لها نفس في الطبخ والمحاشي والبسوسه المحشيه ما شاء الله تطلع متماسكه ومليانه حشوه ولذيذه واللي يذوقها لازم يطلب الطريقه منها وامي ما شاء الله ما تلتزم بالقادير يعني تقول العين ميزان وبرضه تتميز في السمبوسه العجين تطلع تجنن طعمه وهشه رغم ما تحط خميره وسبحان الله يمكن الطبخ نفس احيانا اقلدها في كل شئ يعني اشوف واطبق بس ما تطلع نفس النكه

امي الله يغفر لها ويرحمها تسوي طبخات طعمها مميز اولها قهوتها مميزه مع انها فقط قهوه وهيل ولكن شغلها فيه سنع من حمسها الى تبهيرها وكذلك قرصانها ومصابيبها وسمبوستها ولقيماتها من البر كله مميز الله يجعلها تاكل بالفردوس خير ا منها وجميع موتى المسلمين

الله يخلي امي ومهاتكم
ياحياتي عليها كل شي حلو منها بس والله امي فنانه في المطبخ كل الاكلات ماهره فيها واكثر شي الماكولات البحريه تسوي منها العجب العجاب وحشني اكلها