السلام عليكم
كيفكم يابنات ان شاء الله بخير
مثل ماقلت لكم انا صار لي اسبوعين قبل الولاده اللي كانت بــ25/ 3/ 1429هــ
الأم تجي وتروح ضليت اسبوعين روحه ورده للمستشفى والأم مستمره من الصباح
الى الليل وتبرد لمن أنام وكل ماتكشف الدكتوره في هالأسبوعين تقول 3 سانتي
وطفشت من الكشف وجاني أحباط:44: مايزيد اسبوعين ومتوقف ع 3
والدكتوره عاطيتني موعد أخير اذا ماولدت الأربعاء أخر حد وبيولدوني بطلق صناعي:icon33:
على كلامها وكل يوم يمر تفكير وارق ونفسيه زفففففففففففففففت وبس ضليت بالشقه امشي
كل ليله أنا امشي في الليل بعد ماينامون اولادي أخذ راحتي وماخليت شئ مثل ماقلت لكم يابنات
كل شئ شربته قعدت أفكر قبل ماأبدأ أشرب المحرضات وش اللي يقولون يفتح الرحم المراميه والزعتر المنقوع فاقمت وشربت يمكن 3 ايام وراء بعض وانا اشربهم:09: ثم قعدت افكر وش اللي يحمي الطلق قلت ايوه القرفه ع كلام اللي جربوا فاقمت وشربت قرفه وكل يوم ع الحال مره اشرب مراميه ومنقوع الزعتر وكف مريم :09:اللي يفتحون الرحم واتكبى بقشر البصل والحلتيت والحلبه والحبه السوداء والكمون واشرب اللي يحمون الطلق مثل القرفه والزنجبيل وع الموال لين جاء يوم الثلاثاء اللي هو قبل موعد الطلق الصناعي الأربعاء وانا ع النت فيوم الثلاثاء جاتني الأم ماقدرت أصبر فا طفيت الكمبيوتر وقلت بريح وصارت الأالأم تجي وتروح ومستمره وكل مالها تزيد
قلت اكيد مافيه ولاده ولاشئ نفس قبل خلوني انام احسن لي ونمت وكل بين وقت وقت تجي الأم وتروح اذا جت قمت والأالم قوي وحاد وبالظهر اكثر شئ ضعف الأم الدوره :06:واذا خف نمت مره ثانيه
وضل كل شوي يجيني وكل ماله يزيد بس ولا ع بالي انها ولاده يمكن قمت 10 مرات من الوجع كان نومي متقطع المهم جاء الصباح قمت وعملت شاي وتفطرنا وراحوا أولادي للمدرسه وكنت ناويه ارجع اكمل نومي بس جاء زوجي وقال جيبي شنطتك ويالله ع المستشفى أنا اشوف انك تعبانه
وبعدين اليوم موعد تنويمك يالله قلت لا اصبر بنام والعصر اروح قال لا واصر ع كلامه وقلت أمري لله
ورحت اخذ الشنطه والكلام هذا الساعه 8 الصباح واحاول أتأخر قد ماأقدر في البس وفي اي شئ واروح اشرب ماء واحاول بس أتأخر مابي اروح من الخوف المهم رحت المستشفى ولمن وصلت قالوا مايستقبلون حالات طوارئ
اليوم بالذات الأبعد الساعه 6 المغرب قلت أحسن وارجع لزوجي بالسياره واقول يالله عالبيت مايستقبلون أحد اليوم :hahaha:يقولون تعالي المغرب قال زوجي تبين البيت قلت هيه ابي البيت لأن هم قالوا تعالي الساعه 6 المغرب قال طيب اركبي وسيده ع مستشفى ثاني :hahaha:قلت مايحتاج يابن الحلال
قال اقول انزلي بالفم المليان وقلت يابنت الحلال الولاده فيك فيك يالله خلوني انزل احسن لي
ونزلت وكشفت الدكتوره قالت 5 سانتي قلت اروح البيت قالت لا ولاده يالله غيري ملابسك ياماما
وانا ميته من التعب الأالأم تجي وتروح بس الخوف يبيني ارجع البيت مابي اولد المهم لبست وتنومت ومغذي وابر جايه ورايحه وتخطيط وكل شوي كشف داخلي بصراحه الكشف يابنات المه بسيط بس يبي من الوحده ماتخاف وترخي مو تشد وتتنفس ونرجع للموضوع وانا كل وقتي وانا بالمستشفى أقرا وأدعي وكثرت من قراية الزلزله وقريت الرعد ومريم مره وحد وكررت المعوذات والطلق يجي ويروح لمن يجي اوقف قرايه واتقلب ع السرير كان الطلق حار ووراء بعضه ولمن يخف ارجع اقرأو لمن جت الساعه 11ونص حسيت بالدفع وانا اصرخ ع الدكتوره وجاتني وفحصت وقالت يالله بوووووووووووش:D وانا اصيح طفشتها بس بشويش مره اصرخ ومره اتذكر ان الصراخ ماينفع واكتم وادفع وفعلاً لمن كتمت وانا ادفع ولدت لأن لمن كنت اصرخ طولت قالت الدكتوره اكتمي وادفعي الصراخ مابيسوي لك شئ ومابيساعدك والحمدلله ولدت وحسيت بالحياة من جديد
وجبت أحلى حمودي حبيبي
وبخياطه وكبيره شوي:44: نفس اللي قبل كلهم يعني نفس الجرح الأول انفتح الله يعين وياجرنا
والحين لي 22 يوم والأم الخياطه ماراحت
وأدري طولت عليكم بس قلت خلوني اكتب لكم قصتي بالتفصيل الممل
وحبيت اسألكم يابنات الخياطه كم يبي لها وتشفى تماماً
وبالأخير مااقول الا الله يسهل ولاداتكم ياحوامل والله يرزق كل وحده تبي تحمل بالذريه الصالحه
ريمه 2007 @rymh_2007
عضوة فعالة
يلزم عليك تسجيل الدخول أولًا لكتابة تعليق.
سلو قلبى
•
حمدلله على سلامتك انت و حمودى و الله بتطمن من اى وحدة تقول الكشف الداخلى المه بسيط و يهون مع الاسترخاء و التنفس
والله تعب ولادتك الله لايحرمك الاجر 000000 الخياطه تختلف من وحده لوحده بعضهم شهر وبعضهم اقل والبعض شهرين على طبيعة:) كل وحده00000000000000
الصفحة الأخيرة
ويتربى بعزكم وعقبالي يارب